Upasana Konidela: ఉపాసన కొణిదెలకు కోవిడ్ పాజిటివ్.. మానసికంగా ధైర్యంగా ఉన్నానంటూ పోస్ట్..

చెన్నైలో ఉన్న తాతయ్య వాళ్ల దగ్గరకు వెళ్లేందుకు కోవిడ్ టెస్ట్ చేయించగా పాజిటివ్‏గా నిర్ధారణ అయ్యిందని...

Upasana Konidela

Rajitha Chanti |
Updated on: May 11, 2022 | 1:58 PM

మెగా పవర్ స్టార్ రామ్ చరణ్ (Ram Charan) సతీమణి ఉపాసన కొణిదెల (Upasana Konidela) కరోనా బారిన పడ్డారు.. చెన్నైలో ఉన్న తాతయ్య వాళ్ల దగ్గరకు వెళ్లేందుకు కోవిడ్ టెస్ట్ చేయించగా పాజిటివ్‏గా నిర్ధారణ అయ్యిందని… క్వారంటైన్‏లో ఉండి చికిత్స తీసుకుని ప్రస్తుతం ఉపాసన కోలుకున్నట్లుగా తెలుస్తోంది. ఈ విషయాన్ని ఉపాసన తన ఇన్ స్టా ఖాతా ద్వారా తెలియజేసింది. ” గతవారం నాకు కోవిడ్ వచ్చింది.. ఇప్పటికే వ్యాక్సిన్ వేయించుకోవడం వలన స్వల్ప లక్షణాలు మాత్రమే ఉన్నాయి. డాక్టర్స్ కేవలం పారాసెటమాల్, విటమిన్స్ తీసుకోవాలని సూచించారు.. బలహీనపడడం.. జుట్టు వదులుగా మారడం..నొప్పులు ఉంటాయని భయపడ్డాను..

కానీ ఇలాంటివేమి జరగలేదు.. నేను శారీరకంగా.. మానసికంగా దృఢంగా ఉన్నాను.. కోవిడ్ మళ్లీ విజృంభిస్తుందో లేదో తెలియదు. కానీ జాగ్రత్తలు తీసుకోవడం మాత్రం ముఖ్యం.. చెన్నైలో ఉన్న తాతయ్య వాళ్లను కలిసేందుకు వెళ్లడానికి టెస్ట్ చేయించుకోవడం వలన తెలిసింది.. లేదంటే తెలిసేదే కాదు.. కోలుకోవడానికి సహయం చేసిన వైద్యులకు కృతజ్ఞతలు ” అంటూ చెప్పుకొచ్చారు ఉపాసన.

ఇవి కూడా చదవండి