Salaar: ఇదేం పిచ్చి రా బాబు.. సలార్ డైరెక్టర్‏కు సూసైడ్ లెటర్.. నెట్టింట్లో వైరల్..

యంగ్ రెబల్ స్టార్ ప్రభాస్ ప్రస్తుతం చేతి నిండా సినిమాలతో బిజీగా ఉన్నాడు. అందులో కేజీఎఫ్ డైరెక్టర్ ప్రశాంత్ నీల్ దర్శకత్వంలో చేస్తున్న సలార్ సినిమా కూడా ఒకటి.

Prashanth Neel

Updated on: May 11, 2022 | 8:31 AM

సాధారణంగా హీరోలకు ఉండే ఫ్యాన్ బేస్ గురించి ప్రత్యేకంగా చెప్పాల్సిన అవసరం లేదు. తమ అభిమాన హీరో కోసం ఫ్యాన్స్ ఏం చేయడానికైనా సిద్ధమైపోతుంటారు. ఇక ఆ స్టార్ హీరో సినిమాలు రిలీజ్ అయితే అభిమానులు చేసే హడావిడి గురించి తెలిసిందే. భారీ కటౌట్స్.. బాణసంచాలతో థియేటర్ల రచ్చ చేస్తుంటారు. ఇక స్టార్ హీరోలతో సినిమాలు చేసే డైరెక్టర్స్ ఫ్యాన్స్ గురించి దృష్టిలో పెట్టుకుని కొన్ని సన్నివేశాలను డిజైన్ చేస్తుంటారు. (Prabhas)ఫస్ట్ లుక్ దగ్గర్నుంచి.. ట్రైలర్.. సాంగ్స్.. సినిమా రిలీజ్ అయ్యే వరకు ప్రతి అప్డేట్ సంచలనంగా మార్చేస్తుంటారు. ఎప్పుడెప్పుడు మూవీ కంప్లీట్ చేస్తారా ? అని వేయి కళ్లతో ఎదురుచూస్తుంటారు. ఇక ఇప్పుడు సోషల్ మీడియా పుణ్యామా అని.. ఇప్పుడు తమ హీరోల సినిమా గురించి ఎప్పటికప్పుడు నేరుగా దర్శకులనే అడిగేస్తున్నారు. ఫ్యాన్స్ అడిగే ప్రశ్నలకు తమదైన శైలీలో సమాధానాలు ఇస్తుంటారు డైరెక్టర్స్.. తాజాగా ప్రభాస్ అభిమాని ఒకరు.. తమ హీరో సినిమా అప్డేట్ కోసం ఏకండా డైరెక్టర్‏కే సూసైడ్ లెటర్ రాశాడు.. ప్రస్తుతం ఈ లెటర్ నెట్టింట్లో వైరల్ అవుతుంది.

యంగ్ రెబల్ స్టార్ ప్రభాస్ ప్రస్తుతం చేతి నిండా సినిమాలతో బిజీగా ఉన్నాడు. అందులో కేజీఎఫ్ డైరెక్టర్ ప్రశాంత్ నీల్ దర్శకత్వంలో చేస్తున్న సలార్ సినిమా కూడా ఒకటి. ప్రస్తుతం ఈ మూవీ షూటింగ్ శరవేగంగా జరుగుతుంది. ఈ మూవీ నుంచి విడుదలైన ఫస్ట్ లుక్ పోస్టర్ సినిమాపై ఇంటెన్సిటీని పెంచేసింది. అయితే ఎన్నో అంచనాల మధ్య తెరకెక్కుతున్న ఈ సినిమా నుంచి ఇప్పటివరకు ఎలాంటి అప్డేట్ రాలేదు. గత కొద్ది రోజులుగా మే నెలలో సలార్ గ్లింప్స్ రాబోతుందండూ నెట్టింట్లో వార్తలు చక్కర్లు కొడుతున్న సంగతి తెలిసిందే. దీంతో సలార్ గ్లింప్స్ కోసం ఫ్యాన్స్ ఆత్రుతగా ఎదురుచూస్తున్నారు. అయితే ఈ అప్డేట్ గురించి మేకర్స్ నుంచి అధికారిక ప్రకటన మాత్రం రాలేదు. దీంతో ప్రభాస్ వీరాభిమాని ఒకరు ఏకంగా డైరెక్టర్ ప్రశాంత్ నీల్ కే సూసైడ్ లేఖ రాశాడు. మే నెలలో సలార్ గ్లింప్స్ విడుదల చేయకపోతే సూసైడ్ చేసుకుంటానంటూ లేఖలో పేర్కోన్నారు. ఇప్పుడు ఈ లెటర్ నెట్టింట్లో వైరల్ అవుతుంది.