Pushpa 2: ఇది పుష్పగాడి క్రేజ్ అంటే.. 12 వేల స్క్రీన్లలో పుష్ప 2 రిలీజ్.. ఇక థియేటర్లు దద్దరిల్లాల్సిందే..
మోస్ట్ అవైటెడ్ మూవీ పుష్ప 2. పాన్ ఇండియా లెవల్లో భారీ స్థాయిలో రిలీజ్ కానున్న ఈ సినిమాపై ఇప్పటికే ఓ రేంజ్ అంచనాలు నెలకొన్నాయి. డైరెక్టర్ సుకుమార్, అల్లు అర్జున్ కాంబోలో రూపొందిస్తున్న ఈ మూవీ షూటింగ్ ఇప్పటికే పూర్తైంది. మరికొన్ని రోజుల్లో విడుదల కానుంది.
ఐకాన్ స్టార్ అల్లు అర్జున్ నటించిన ‘పుష్ప 2’ వచ్చే వారం విడుదల కానుంది. డిసెంబర్ 5న ఈ సినిమా ప్రపంచవ్యాప్తంగా విడుదల కానుంది. ప్రస్తుతం ఇండియాలో భారీ అంచనాలున్న సినిమా ఇదే. కానీ ఇప్పటికే విడుదలకు ముందే ఎన్నో రికార్డులను బద్దలు కొట్టింది. రిలీజ్ తర్వాత బాక్సాఫీస్ షేక్ చేయడం ఖాయమని ధీమా వ్యక్తం చేస్తున్నారు ఫ్యాన్స్. గతంలో ఏ భారీ బడ్జెట్ సినిమా చేయని విధంగా ‘పుష్ప 2’ని గ్రాండ్ గా రిలీజ్ చేసేందుకు చిత్ర బృందం సన్నాహాలు చేస్తోంది. ఈరోజు ముంబైలో ఏర్పాటు చేసిన విలేకరుల సమావేశంలో చిత్రయూనిట్ పాల్గొంది.
ఈ సందర్భంగా చిత్ర నిర్మాత మాట్లాడుతూ.. “పుష్ప 2 చిత్రాన్ని ప్రపంచ వ్యాప్తంగా 12 వేల స్క్రీన్లలో ఏకకాలంలో విడుదల చేయబోతున్నారు. ఇంత భారీ స్క్రీన్లలో విడుదలైన భారతీయ సినిమా మరొకటి లేదు. ఇప్పటివరకు ఏ సినిమాకు కూడా ఇంత పెద్ద స్క్రీన్స్ రాలేదు. ఈ సినిమా డిసెంబర్ 05న భారతదేశంలోనే దాదాపు 8000 స్క్రీన్లలో విడుదల కానుంది. విదేశాల్లో నాలుగు వేలకు పైగా స్క్రీన్లలో రిలీజ్ చేయనున్నాము. ఐమ్యాక్స్‌లో ఏ సినిమాకు లేనన్ని స్క్రీన్‌లు ‘పుష్ప 2’ చిత్రానికి వచ్చాయి” అని అన్నారు.
అలాగే ఈ సినిమా నార్త్ లో భారీ స్క్రీన్లలో విడుదల కానుంది. అనిల్ తండానీ నార్త్ ఇండియాలో పుష్ప 2ని పంపిణీ చేస్తున్నారు. ఇదివరకు పుష్ప ది రైజ్ సినిమాను సైతం అతడే రిలీజ్ చేశాడు. సౌత్ ఇండియన్ సినిమాలకు ఉత్తరాది మార్కెట్ పరిచయం చేసిన డిస్ట్రిబ్యూటర్. ఈ చిత్రంలో అల్లు అర్జున్, రష్మిక, డాలీ ధనంజయ్, తారక్ పొన్నప్ప, ఫహద్ ఫాజిల్ కీలకపాత్రలు పోషించారు. అలాగే ఇందులో శ్రీలీల స్పెషల్ సాంగ్ చేసిన సంగతి తెలిసిందే.
Vijay Sethupathi: విజయ్ సేతుపతి ఇన్ స్టాలో ఫాలో అవుతున్న ఏకైక హీరోయిన్.. ఎవరో తెలుసా..?
Tollywood : గ్యాంగ్‌స్టర్‌తో ప్రేమలో పడి కెరీర్ నాశనం చేసుకున్న హీరోయిన్.. ఇండస్ట్రీకి దూరం..
Actress Gajala: వాసి వాడి తస్సాదియ్యా.. అందాలతో హార్ట్ ఎటాక్ తెప్పిస్తోన్న ఎన్టీఆర్ హీరోయిన్..
మరిన్ని సినిమా వార్తల కోసం ఇక్కడ క్లిక్ చేయండి.