Sir Movie: విద్యార్థుల కోసం మేకర్స్ కీలక నిర్ణయం.. ‘సార్’ సినిమా ఫ్రీ స్క్రీనింగ్ .. ఒక్క మెయిల్ చేస్తే చాలు..
విద్యా హక్కును చాటి చెప్పే ఈ సినిమాను స్కూల్ పిల్లలకు ఉచితంగా ప్రదర్శించాలని చిత్ర నిర్మాణ సంస్థ సితార ఎంటర్టైన్మెంట్స్ నిర్ణయించింది. ఈ మేరకు నిర్మాత సూర్య దేవర నాగవంశీ శనివారం ట్విట్టర్ వేదికగా వెల్లడించారు.
తమిళ్ స్టార్ హీరో ధనుష్ తొలిసారిగా తెలుగులో నటించిన చిత్రం సార్. ఇదే మూవీ తమిళంలో వాతి పేరుతో విడుదలైన సూపర్ హిట్గా నిలిచింది. తెలుగు రాష్ట్రాల్లో ఈ సినిమాకు మంచి రెస్పాన్స్ వచ్చింది. డైరెక్టర్ వెంకీ అట్లూరి తెరకెక్కించిన ఈ మూవీలో ధనుష్ సరసన సంయుక్త మీనన్ నటించింది. చదువు ఎవరి సొత్తూ కాదని.. అది ప్రతి ఒక్కరి హక్కు అని అందరికి తెలియజేసే సినిమాగా థియేటర్లలోకి వచ్చిన ఈ సినిమా విమర్శకుల ప్రశంసలు అందుకుంది. అయితే విద్యా హక్కును చాటి చెప్పే ఈ సినిమాను స్కూల్ పిల్లలకు ఉచితంగా ప్రదర్శించాలని చిత్ర నిర్మాణ సంస్థ సితార ఎంటర్టైన్మెంట్స్ నిర్ణయించింది. ఈ మేరకు నిర్మాత సూర్య దేవర నాగవంశీ శనివారం ట్విట్టర్ వేదికగా వెల్లడించారు.
“విద్య వల్ల వచ్చే గౌరవాన్ని.. దాని విలువపై అందరికీ అవగాహన కల్పించాలనే ఉద్దేశంతో సార్ చిత్రాన్ని తెరకెక్కించాం. ఈ నేపథ్యంలోనే స్కూల్స్ లో చదువుతున్న పిల్లలకు మా సినిమాను ఉచితంగా చూపించాలనుకుంటున్నాము. మీ స్కూల్ కు సంబంధించిన వివరాలను మా సంస్థకు contact@sitharaents.com ఐడీకి మెయిల్ చేయగలరు. షో వివరాలను మా టీమ్ మీకు త్వరలో తెలియజేస్తుంది.” అని పేర్కొన్నారు. ఈ ట్వీట్ పై నెటిజన్స్ సంతోషం వ్యక్తం చేస్తున్నారు.
ఇదిలా ఉంటే.. ఇటీవలే ఈ సినిమాను నందమూరి బాలకృష్ణ వీక్షించారు. సినిమా బాగుందంటూ చిత్రబృందాన్ని మెచ్చుకున్నారు. ఈ చిత్రంలో సాయి కుమార్, తనికెళ్ల భరణి, సముద్రఖని, హైపర్ ఆది కీలకపాత్రలలో నటించారు.ఈ చిత్రానికి జీవీ ప్రకాష్ సంగీతం అందించారు. ఈ చిత్రాన్ని సితార ఎంటర్టైన్మెంట్స్, ఫార్చూన్ 4 సినిమాస్, శికర స్టూడియోస్ సంయుక్తంగా నిర్మించాయి.
The Major goal of #SIRMovie #Vaathi was to spread awareness about value of education. We are happy to show our movie free of cost to the School Kids.
Please send a mail at contact@sitharaents.com & our team will reach out to you at the earliest with the show confirmation!
— Naga Vamsi (@vamsi84) March 4, 2023
మరిన్ని సినిమా వార్తల కోసం ఇక్కడ క్లిక్ చేయండి.