Mahesh Babu: మహేష్ బాబు, రాజమౌళి సినిమాలో ఆ స్టార్ హీరోయిన్.. షూటింగ్ ఎప్పటినుంచంటే..

సూపర్ స్టార్ మహేష్ బాబు ప్రస్తుతం తన కొత్త ప్రాజెక్ట్ కోసం సిద్ధమవుతున్న సంగతి తెలిసిందే. డైరెక్టర్ రాజమౌళి దర్శకత్వం వహించనున్న ఈ సినిమాపై ఇప్పటికే భారీ అంచనాలు నెలకొన్నాయి. బాహుబలి, ఆర్ఆర్ఆర్ సినిమాల విజయం తర్వాత జక్కన మరోసారి భారీ బడ్జెట్ సినిమాను రూపొందించేందుకు సిద్ధమయ్యాడు. ఈ సినిమాకు ఇంకా టైటిల్ ఫిక్స్ చేయలేదు. ఆఫ్రికా అడవుల నేపథ్యంలో సాగే కథతో ఈ చిత్రాన్ని తెరకెక్కించనున్నారని టాక్. కొన్నాళ్లుగా ఈసినిమా కోసం ప్రత్యేక శిక్షణ తీసుకుంటున్నాడు మహేష్ బాబు. అలాగే తన లుక్, మేకోవర్ పూర్తిగా మార్చేశారు. SSMB 29 అనే వర్కింగ్ టైటిల్‏తో రాబోతున్న ఈ సినిమాకు సంబంధించిన కొన్ని అప్డేట్స్ ఇప్పటికే సోషల్ మీడియాలో వైరల్ గా మారాయి.

తాజాగా ఇప్పుడు ఈ సినిమాకు సంబంధించి ఓ న్యూస్ నెట్టింట చక్కర్లు కొడుతుంది. ఈ సినిమాలో ఇండోనేషియా నటి చెల్సియా ఎలిజబెత్ ఇస్లాన్ కథానాయికగా నటించనున్నట్లు ప్రచారం జరిగింది. ఇప్పుడు మరో నటి పేరు తెరపైకి వచ్చింది. తాజా సమాచారం ప్రకారం ఈ సినిమాలో టాలెంటెడ్ హీరోయిన్ ప్రియాంక చోప్రా నటించనున్నట్లు తెలుస్తోంది. ఇప్పటికే చిత్రయూనిట్ ఆమెతో చర్చలు జరిపినట్లుగా తెలుస్తోంది. ఈ సినిమాలో హీరోతోపాటు హీరోయిన్ పాత్రకు సైతం ప్రాధాన్యత ఉంటుందని..ఆ పాత్రకు ఆమె న్యాయం చేయగలదని చిత్రయూనిట్ భావిస్తున్నట్లు తెలుస్తోంది. ఆమె పాత్ర కోసం ఇప్పటికే ప్రీపరేషన్ స్టార్ట్ చేశారట.

ఇక ఈ సినిమా రెగ్యూలర్ షూటింగ్ వచ్చే ఏడాది ఏప్రిల్ నుంచి స్టార్ట్ కానున్నట్లు తెలుస్తోంది. ఇందుకు సంబంధించిన అధికారిక ప్రకటన కోసం ఫ్యాన్స్ ఎంతో ఆసక్తిగా ఎదురుచూస్తున్నారు. ప్రియాంక చోప్రా తొలిసారిగా మహేష్ బాబుతో కలిసి ఓ ప్రాజెక్ట్ చేయనుంది. ఈ సినిమాలో ప్రియాంక పవర్‌ఫుల్ యాక్షన్ సీన్స్‌లో కనిపించనుందని అంటున్నారు. ఈ సినిమాలోని కొన్ని సన్నివేశాలను ఆఫ్రికా అడవుల్లో చిత్రీకరించనున్నారు. ఈ సినిమాలో పృథ్వీరాజ్ సుకుమారన్ కూడా కనిపించనున్నాడని సమాచారం.

ఇది చదవండి : Tollywood: చేసిన సినిమాలన్ని ప్లాప్.. అయినా తగ్గని క్రేజ్.. గుర్రపు స్వారీ చేస్తోన్న ఈ హీరోయిన్ ఎవరంటే..

Tollywood: రూ.2 కోట్ల యాడ్ రిజెక్ట్ చేసింది.. స్టార్ హీరోల కంటే ఎక్కువ ఫాలోయింగ్.. ఎవరో తెలుసా.. ?

Tollywood: అరె ఏంట్రా ఇది.. ఇప్పుడు గ్లామర్‏తో మెంటలెక్కిస్తోన్న వయ్యారి.. గుర్తుపట్టారా..?

మరిన్ని సినిమా వార్తల కోసం ఇక్కడ క్లిక్ చేయండి.