Prabhas: పవన్, సుజిత్ సినిమాపై ప్రభాస్ ఇంట్రెస్టింగ్ కామెంట్స్.. డార్లింగ్ రియాక్షన్ ఏంటంటే..
ఇక తాజాగా వీరిద్దరి కాంబోపై యంగ్ రెబల్ స్టార్ ప్రభాస్ ఇంట్రెస్టింగ్ కామెంట్స్ చేశారు. ప్రస్తుతం డార్లింగ్ చేసిన పోస్ట్ నెట్టింట వైరలవుతుంది.
Updated on: Dec 05, 2022 | 6:59 AM
పవర్ స్టార్ పవన్ కళ్యాణ్ కొత్త ప్రాజెక్ట్ అనౌన్స్ చేసిన సంగతి తెలిసిందే. ప్రపంచవ్యాప్తంగా ఆర్ఆర్ఆర్ సినిమాతో సంచలనం సృష్టించిన ప్రముఖ నిర్మాణ సంస్థ డీవీవీ దానయ్య బ్యానర్లో పవన్ తదుపరి చిత్రం రాబోతుంది. ఈ సినిమాకు సాహో డైరెక్టర్ సుజిత్ దర్శకత్వం వహించనున్నారు. డిసెంబర్ 4న పవన్ కళ్యాణ్ పోస్టర్ ద్వారా ఈ సినిమా అనౌన్మెంట్ చేశారు మేకర్స్. దీంతో పవన్ ఫ్యాన్స్ ఫుల్ ఖుషి అవుతున్నారు. నెట్టింట పవన్ కొత్త సినిమా ప్రకటన ట్రెండ్ అవుతుంది. ఇప్పటికే దాదాపు 44 కేకి పైగా లైక్స్ సొంతం చేసుకుంది. ఇక తాజాగా వీరిద్దరి కాంబోపై యంగ్ రెబల్ స్టార్ ప్రభాస్ ఇంట్రెస్టింగ్ కామెంట్స్ చేశారు. ప్రస్తుతం డార్లింగ్ చేసిన పోస్ట్ నెట్టింట వైరలవుతుంది.
పవర్ స్టా్ర్ పవన్ కళ్యాణ్ గారికి.. సుజీత్ కు అభినందనలు. ఈ కాంబినేషన్ దద్దరిల్లిపోతుంది. దానయ్య గారికి.. చిత్రబృందానికి నా శుభాకాంక్షలు అంటూ తన ఇన్ స్టా స్టోరీలో పేర్కొన్నారు. ప్రభాస్ శుభాకాంక్షలపై డీవీవీ ఎంటర్టైన్మెంట్ ట్విట్టర్ ద్వారా స్పందించింది. మీ కృతజ్ఞతలు ప్రభాస్ గారు.. మీరు స్పందించడం మాకు గొప్ప విషయం అని పేర్కొంది. ప్రభాస్ విషెస్ పై పవన్ కళ్యాణ్ అభిమానులు సైతం సంతోషం వ్యక్తం చేస్తున్నారు. డార్లింగ్ కు థాంక్స్ చెప్తున్నారు.
ప్రస్తుతం పవర్ స్టార్ హరిహర వీరమల్లు సినిమాతో బిజీగా ఉన్నారు. డైరెక్టర్ క్రిష్ దర్శకత్వంలో రూపొందుతున్న ఈ సినిమాపై ఇప్పటికే భారీ అంచనాలు నెలకొన్నాయి. ఇందులో పవన్ సరసన నిధి అగర్వాల్ కథానాయికగా నటిస్తోంది. యం. యం. కీరవాణి సంగీతం సమకూరుస్తోన్న ఈ సినిమా వచ్చే ఏడాది ప్రేక్షకుల ముందుకు రానుంది.
THANK YOU PRABHAS garu for your wishes. It means a lot to us!! ❤️? #FirestormIsComing pic.twitter.com/j5GLe12Hba
— DVV Entertainment (@DVVMovies) December 4, 2022
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
