Adipurush: ఆదిపురుష్ నుంచి అదిరిపోయే అప్డేట్ వచ్చేసింది.. ఫ్యాన్స్‌కు పండగే

పాన్ ఇండియా స్టార్ ప్రభాస్ సినిమా కోసం ఆయన అభిమానులు వేయి కళ్లతో ఎదురుచూస్తున్నారు. రాధేశ్యామ్ సినిమా తర్వాత ప్రభాస్ వరుస సినిమాలను లైనప్ చేసి గ్యాప్ లేకుండా షూటింగ్ చేస్తున్నాడు. ఈ క్రమంలోనే బాలీవుడ్ డైరెక్టర్ ఓం రౌత్ డైరెక్షన్ లో ఆదిపురుష్ అనే సినిమా చేస్తున్నాడు. ఈ సినిమాలో ప్రభాస్ రాముడి పాత్రలో కనిపించనున్నాడు. సీత బాలీవుడ్ అందాల భామ కృతిసనన్ నటిస్తోంది. అలాగే రావణుడిగా సైఫ్ అలీఖాన్ నటిస్తున్నాడు. ఇప్పటికే ఈ సినిమానుంచి విడుదలైన టీజర్ ప్రేక్షకులను ఆకట్టుకుంది. ఇక ఈ సినిమానుంచి అప్డేట్స్ కోసం అభిమానులంతా ఈగర్ గా వెయిట్ చేస్తున్నారు. ఇటీవలే శ్రీరామ నవమి నుంచి వరుసగా అప్డేట్స్ ఇస్తామని చెప్పిన మేకర్ తాజాగా ఆదిపురుష్ నుంచి క్రేజీ అప్డేట్ ఇచ్చారు.

ఆదిపురుష్ నుంచి పోస్టర్ ను రిలీజ్ చేశారు. ఈ పోస్టర్ లో సీతారాములుగా ప్రభాస్, కృతి కనిపిస్తుండగా పక్కన లక్ష్మణుడు.. అలాగే ఆంజనేయుడు కూడా ఉన్నారు. శ్రీరామ నవమి సందర్భంగా విడుదలైన ఈ పోస్టర్ ఆకట్టుకుంటుంది. ఈ పోస్టర్ కు మంత్రం కన్నా గొప్పది నీ నామం.. జై శ్రీరామ్ అంటూ రాసుకొచ్చారు. ఇక ఆదిపురుష్ లేటెస్ట్ అప్డేట్ తో సినిమా పై అంచనాలు డబుల్ అయ్యాయి. జూన్ 16న ఈ సినిమా ప్రపంచవ్యాప్తంగా రిలీజ్ కానుంది.

ప్రభాస్ నటిస్తున్న మరో సినిమా సలార్. పాన్ ఇండియా డైరెక్టర్ ప్రశాంత్ నీల్ దర్శకత్వం వహిస్తున్న ఈ సినిమా షూటింగ్ కూడా శరవేగంగా జరుగుతోంది. ఈ సినిమాను కూడా వీలైనంత త్వరగా రిలీజ్ చేయాలనీ సన్నాహాలు చేస్తున్నారు. దాంతో ఆదిపురుష్ కంటే ముందే సాలార్ సినిమా ప్రేక్షకుల ముందుకు వస్తుందని తెలుస్తోంది.

Mantron se badhke tera naam Jai Shri Ram

मंत्रों से बढ़के तेरा नाम जय श्री राम

మంత్రం కన్నా గొప్పది నీ నామం జై శ్రీరామ్#JaiShriRam #RamNavmi#Adipurush #Prabhas @omraut #SaifAliKhan @kritisanon @mesunnysingh #BhushanKumar #KrishanKumar @vfxwaala @rajeshnair06 pic.twitter.com/4ppdOnfPLr

— Adipurush Movie (@Offladipurush) March 30, 2023