మరీ ఇలా ఉన్నారేంట్రా..! హీరోయిన్ చేసిన పని నెటిజన్స్ క్రేజీ రియాక్షన్..

సోషల్ మీడియా అందుబాటులోకి వచ్చిన తర్వాత క్రియేటివిటీ పెరిగిపోయింది. ప్రతిఒక్కరూ తమలో ఉన్న క్రియేటివిటీని బయట పెడుతున్నారు.. రకరకాల వీడియోలు చేస్తూ సోషల్ మీడియాలో పాపులర్ అవుతున్నారు. తాజాగా ఓ హీరోయిన్ చేసిన పని ఇప్పుడు నెట్టింట వైరల్ అవుతుంది. ఇంతకూ ఆమె ఎవరు.? ఏం చేసిందంటే..

Actress

Rajeev Rayala |

Updated on: Apr 29, 2025 | 10:27 AM

సోషల్ మీడియాలో హీరోయిన్స్ చాలా యాక్టివ్ గా ఉంటారు. సినిమా అప్డేట్స్ తో పాటు తమ వ్యక్తిగత విషయాలను కూడా పంచుకుంటూ ఉంటారు. కొంతమంది క్రేజీ ఫోటో షూట్స్ తో ప్రేక్షకులను కవ్విస్తూ ఉంటారు. అలాగే ఇంకొంతమంది మంది విహారయాత్రలకు వెళ్లి అక్కడి నుంచి ఫోటోలు, వీడియోలు షేర్ చేస్తూ ఆకట్టుకుంటున్నారు. అయితే సోషల్ మీడియాలో తమ క్రియేటివిటీ చూపించడానికి కొంతమంది హీరోయిన్స్ చిత్ర విచిత్రమైన పనులు చేస్తుంటారు. తాజాగా ఓ హీరోయిన్ చేసిన పని నెటిజన్స్ ను ఆకట్టుకుంది. ఆ అమ్మడు చేసిన పనికి నెటిజన్స్ క్రేజీ కామెంట్స్ చేస్తున్నారు. మరీ ఇంత టాలెంటెడ్ గా ఉన్నావ్ ఏంటి తల్లి అంటూ ఫన్నీగా కామెంట్స్ చేస్తున్నారు. ఇంతకూ ఆమె ఏం చేసిందంటే..

చైల్డ్ ఆర్టిస్ట్ గా వెండి తెరకు పరిచయమైంది అందాల భామ వర్ష బొల్లమ్మ. ఆతర్వాత పలు సినిమాల్లో చిన్న చిన్న పాత్రలు చేసింది. విజయ్ సేతుపతి హీరోగా నటించిన 96సినిమాలో స్టూడెంట్ గా కనిపించింది. అలాగే దళపతి విజయ్ నటించిన విజిల్ లోనూ ఆకట్టుకుంది. దళపతి విజయ్ విజిల్ సినిమాలో ఫుట్ బాల్ ప్లేయర్ గా కనిపించింది వర్ష. ఇక హీరోయిన్ గా మారిన తర్వాత ఆనంద్ దేవరకొండ హీరోగా నటించిన మిడిల్ క్లాస్ మెలోడిస్ తెలుగు తెరకు పరిచయమైంది. ఈ సినిమాలో తన క్యూట్ క్యూట్ ఎక్సప్రెషన్స్ తో ప్రేక్షకులను ఆకట్టుకుంది. ఆతర్వాత వరుసగా సినిమాలు చేస్తుంది.

కాగా సోషల్ మీడియాలో యాక్టివ్ గా ఉండే ఈ అమ్మడు తాజగా కొన్ని ఫోటోలు. వీడియోలు షేర్ చేసింది. ప్రస్తుతం విహారయాత్రలో బిజీగా ఉన్న ఈ భామ.. తాజాగా ఓ సింహం నోటి నుంచి నీళ్లు వస్తున్న ఓ ఫౌంటెన్ దగ్గర నిలబడి ఆ నీటితో తల స్నానం చేస్తున్నట్టు ఫన్నీగా చేసింది. ఈ వీడియో ఇప్పుడు వైరల్ అవ్వడంతో నెటిజన్స్ క్రేజీ కామెంట్స్ చేస్తున్నారు. సింహం ముందు కోతిపనులు చేస్తుందని కొందరు. ఎవ్వుర్రా నువ్వు మరీ ఇంత టాలెంటెడ్ గా ఉన్నావ్.? అని మరికొందరు కామెంట్స్ చేస్తున్నారు. ఈ ఫన్నీ వీడియో పై మీరూ ఓ లుక్కేయండి.