Pushpa 2: మా ఆయన అసలైన పర్ఫార్మెన్స్ ఇప్పుడు చూస్తారు.. ఫహద్ పై నజ్రియా కామెంట్స్

ఇప్పటికే దళపతి విజయ్, ధనుష్, దుల్కర్ సల్మాన్, విజయ్ సేతుపతి ఇలా చాలా మంది హీరోలు మన తెలుగులో సినిమాలు చేస్తున్నారు. వీరితో పాటు మరికొంతమంది విలన్స్ గా ను మన సినిమాల్లో మెప్పిస్తున్నారు. అలాంటి వారిలో ఫహద్ ఫాజిల్ ఒకరు

Nazriya Nazim

Rajeev Rayala |
Updated on: Nov 19, 2024 | 3:19 PM

తమిళ్, మలయాళ ఇండస్ట్రీలకు చెందిన చాలా మంది నటులు మన తెలుగులో మంచి గుర్తింపు తెచ్చుకుంటున్నారు. తమ సినిమాలను తెలుగులో రిలీజ్ చేసి మంచి హిట్స్ అందుకుంటున్నారు. అలాగే తెలుగు దర్శకులతో పని చేయడానికి ఎక్కువ ఆసక్తి చూపిస్తున్నారు. ఈ క్రమంలో చాలా మంది యాక్టర్స్ మన దర్శకులతో పని చేస్తున్నారు. ఇప్పటికే దళపతి విజయ్, ధనుష్, దుల్కర్ సల్మాన్, విజయ్ సేతుపతి ఇలా చాలా మంది హీరోలు మన తెలుగులో సినిమాలు చేస్తున్నారు. వీరితో పాటు మరికొంతమంది విలన్స్ గా ను మన సినిమాల్లో మెప్పిస్తున్నారు. అలాంటి వారిలో ఫహద్ ఫాజిల్ ఒకరు. మలయాళ ఇండస్ట్రీకి చెందిన ఈ స్టార్ నటుడు ఇప్పుడు తెలుగు ప్రేక్షకులకు సుపరిచితుడు.

అమ్మడి ఐడీ కావాలా బాబు..! డబుల్ ఇస్మార్ట్ బ్యూటీ నెట్టింట సెగలు రేపుతోందిగా..!

ఐకాన్ స్టార్ అల్లు అర్జున్ హీరోగా నటించిన పుష్ప సినిమాతో టాలీవుడ్ కు పరిచయం అయ్యాడు ఫహద్ ఫాజిల్. సుకుమార్ దర్శకత్వంలో తెరకెక్కిన ఈ సినిమా భారీ విజయాన్ని అందుకుంది. అల్లు అర్జున్ మాస్ మసాలా పాత్రలో కనిపించిన పుష్ప సినిమాలో ఫహద్ ఫాజిల్ భన్వర్ సింగ్ షెకావత్ అనే పోలీస్ ఆఫీసర్ గా కనిపించారు. పుష్ప సినిమాలో ఫహద్ ఫాజిల్ కనిపించేది కొంత సేపే ఆయినా ఆయన తన నటనతో కట్టిపడేసాడు.

ఇవి కూడా చదవండి

నెట్టింట కాక రేపుతోన్న క్యూటీ.. డీజే పాప దుమ్మురేపిందిగా..

ఇక ఇప్పుడు పుష్ప 2లో ఫహద్ ఫాజిల్ పాత్ర మరింత బలంగా ఉండనుంది. ఇప్పటికే విడుదలైన పుష్ప 2 పోస్టర్స్, ట్రైలర్ సినిమా పై అంచనాలు పెంచేశాయి. పుష్ప 2 లో అల్లు అర్జున్ కు ఫహద్ ఫాజిల్ కు మధ్య వచ్చే సన్నివేశాలు మరింత హైలైట్ గా ఉండనున్నాయని తెలుస్తున్నాయి. తాజాగా పుష్ప 2 గురించి ఫహద్ ఫాజిల్ సతీమణి నజ్రియా నజీమ్ ఆసక్తికర కామెంట్స్ చేసింది. “పుష్ప 1 లో ఫహద్ యాక్టింగ్ కేవలం ట్రైలర్ మాత్రమే.. ‘పుష్ప 2’లో ఆయన అసలైన పర్ఫార్మెన్స్ ఉంటుంది. ఈ సినిమాలోనే ఆయన్ని పూర్తిగా చూస్తారు” అని నజ్రియా అన్నారు. ఇప్పుడు ఈ కామెంట్స్ సోషల్ మీడియాలో వైరల్ గా మారాయి. మరి ఈ సినిమా విడుదల తర్వాత ఎలాంటి రికార్డ్ క్రియేట్ చేస్తుందో చూడాలి. డిసెంబర్ 5న ప్రపంచ వ్యాప్తంగా పుష్ప విడుదల కానుంది.