Krishna Vrinda Vihari: కృష్ణ వ్రింద విహారి సినిమా నుంచి ఫస్ట్ లిరికల్.. వర్షంలో వెన్నెల సాంగ్ రిలీజ్ అప్పుడే..

యంగ్ అండ్ డైనమిక్ హీరో నాగశౌర్య (Naga Sharya) హిట్టు ప్లాపులతో సంబంధం లేకుండా దూసుకుపోతున్నాడు. వరుడు కావలెను..

Naga Shaurya

Rajitha Chanti |

Updated on: Apr 07, 2022 | 3:38 PM

యంగ్ అండ్ డైనమిక్ హీరో నాగశౌర్య (Naga Sharya) హిట్టు ప్లాపులతో సంబంధం లేకుండా దూసుకుపోతున్నాడు. వరుడు కావలెను.. లక్ష్య సినిమాలతో ప్రేక్షకులు ముందుకు వచ్చి విజయం అందుకున్నాడు ఈ యంగ్ హీరో. ప్రస్తుతం నాగశౌర్య హీరోగా తెరకెక్కుతున్న లేటేస్ట్ చిత్రం ‘కృష్ణ వ్రింద విహారి’. ఈ చిత్రానికి డైరెక్టర్ అనీష్ ఆర్ కృష్ణ దర్శకత్వం వహిస్తున్నారు. ఈ సినిమాను ఐరా క్రియేషన్స్ పతాకంపై ప్రముఖ నిర్మాత ఉషా మూల్పూరి నిర్మిస్తున్నారు. ప్రస్తుతం ఈ మూవీ పోస్ట్ ప్రొడక్షన్ దశలో వుంది. ఇటివలే విడుదల చేసిన ఈ చిత్ర టీజర్ కు అన్నివర్గాల ప్రేక్షకుల నుంచి విశేషమైన స్పందన లభించింది. హీరో, హీరోయిన్ల కెమిస్ట్రీ ముఖ్యంగా యూత్ ఆడియన్స్ ని అమితంగా ఆకట్టుకుంది.

తాజాగా ఈ మూవీ నుంచి స్పెషల్ అప్డేట్ ఇచ్చారు మేకర్స్. ఈ మూవీ నుంచి మొదటి పాట వర్షంలో వెన్నెల రిలీజ్ చేయనున్నట్లు తెలిపారు మేకర్స్. టీజర్‏తో ఆకట్టుకున్న చిత్ర యూనిట్ ఇప్పుడు ప్రేక్షకులని పాటలతో అలరించడానికి సిద్దమౌతుంది. ఈ చిత్రంలో మొదటి పాట ‘వర్షంలో వెన్నెల’ ఏప్రిల్9న విడుదల కాబోతుంది. రొమాంటిక్ మెలోడీగా ఈ పాటని చిత్రీకరీంచారు. ఈ పాటలో నాగశౌర్య- షిర్లీ సెటియా మధ్య కెమిస్ట్రీ ముచ్చట గా వుంటుంది. మహతి స్వరసాగర్ ఈ చిత్రానికి సంగీతం అందించారు. డిఫరెంట్ రొమాంటిక్ ఎంటర్ టైనర్ గా తెరకెక్కుతున్న ఈ చిత్రాన్ని ప్రముఖ నిర్మాత ఉషా మూల్పూరి నిర్మిస్తుండగా, శంకర్ ప్రసాద్ మూల్పూరి సమర్పిస్తున్నారు. ఈ చిత్రానికి సాయిశ్రీరామ్ సినిమాటోగ్రాఫర్ గా, తమ్మిరాజు ఎడిటర్ గా పనిచేస్తున్నారు. ఈ చిత్రంలో సీనియర్ హీరోయిన్ రాధిక ఓ కీలక పాత్రలో కనిపించనుండగా..వెన్నెల కిషోర్, రాహుల్ రామకృష్ణ, సత్య, బ్రహ్మాజీ తదితరులు నటిస్తున్నారు.

This will amaze you all .. ?

Our First Single #VarshamloVennella Lyrical Video is releasing on April 9th! ??#KrishnaVrindaVihari @ShirleySetia #AnishKrishna @mahathi_sagar #SaiSriram @ira_creations @saregamasouth pic.twitter.com/oA95qm79nM

— Naga Shaurya (@IamNagashaurya) April 7, 2022