Balakrishna: బాలయ్య.. అనిల్ రావిపూడి సినిమాలో హీరోయిన్ ఫిక్సయ్యిందా ?.. ఆ ముద్దుగుమ్మకు లక్కీ ఛాన్స్ !..

డైరెక్టర్ అనిల్ రావిపూడి (Anil  Ravipudi ) దర్శకత్వంలో నందమూరి నటసింహం బాలకృష్ణ ప్రధాన పాత్రలో ఓ సినిమా రాబోతున్న సంగతి తెలిసిందే. ప్రస్తుతం ఎఫ్ 3 సినిమా రిలీజ్.. ప్రమోషన్స్ అంటూ బిజీ బిజీగా ఉన్న డైరెక్టర్.. ఆ తర్వాత బాలయ్య సినిమా పై ఫోకస్ పెట్టనున్నాడు.. ఇంకా పట్టాలెక్కని ఈ సినిమా గురించి గత కొద్ది రోజులుగా వరుస అప్డేట్స్ ఫిల్మ్ సర్కిల్లో చక్కర్లు కొడుతున్నాయి. ఈ సినిమాలో బాలయ్య కూతురిగా యంగ్ హీరోయిన్ శ్రీలీల నటించనుందని.. ఈ మూవీ మొత్తం హీరో పాత్రతోనే ముందుకు వెళ్తుందని డైరక్టర్ తెలిపినట్లు సమాచారం. అంతేకాకుండా. ఈ సినిమాలో బాలయ్యను సరికొత్తగా చూపించబోతున్నానని.. కామెడీని పక్కన పెట్టి ఈ చిత్రాన్ని రూపొందించబోతున్నట్లు తెలిపారు.. తాజాగా ఈ మూవీ గురించి మరో ఇంట్రెస్టింగ్ అప్డేట్ సోషల్ మీడియాలో వైరల్ అవుతుంది.

బాలయ్య, అనిల్ రావిపూడి సినిమాలో నటించే హీరోయిన్ ఫిక్స్ అయినట్లుగా తెలుస్తోంది. బాలయ్యకు జోడిగా అందాల తార మెహ్రీన్ ఫిర్జాదాను ఎంపిక చేశారట డైరెక్టర్. ఇప్పటికే అనిల్ రావిపూడి తెరకెక్కించిన ఎఫ్ 3 సినిమాలో కథానాయికగా నటిస్తోంది మెహ్రీన్.. ఈ సినిమా విడుదల అనంతరం.. బాలకృష్ణ సినిమాను పట్టాలెక్కించనున్నారట. చాలా కాలంగా హిట్టు కోసం ఎదురుచూస్తున్న మెహ్రీన్ ఆశలన్నీ ఇప్పుడు ఎఫ్ 3 సినిమాపైనే ఉన్నాయి. కామెడీ ఫుల్ లెంత్ గా వస్తున్న ఈ మూవీలో మెహ్రీన్ కాకుండా తమన్నా కూడా హీరోయిన్ గా నటిస్తున్న సంగతి తెలిసిందే. ఇప్పటికే అన్ని కార్యక్రమాలు పూర్తిచేసుకున్న ఈ సినిమా మే 27న ప్రేక్షకలు ముందుకు రానుంది.