శ్రీహ‌రి త‌న‌యుడు రెండో సినిమా ఫిక్స్ : ద‌ర్శ‌కుడు ఎవ‌రంటే

‘శతమానం భవతి’ సినిమాతో నేష‌న‌ల్ జాతీయ అవార్డు అందుకున్న డైరెక్ట‌ర్ సతీష్ వేగేశ్న ఇప్పుడు ఒక యూత్ ఫుల్ ఎంటర్టైన్ మెంట్ చిత్రం తెర‌కెక్కించ‌బోతున్నారు. ఇద్ద‌రు హీరోలుగా ఈ సినిమాను రూపొందించ‌నున్నారు. అందులో ఒక‌రు దివంగ‌త న‌టుడు డా.శ్రీహరి తనయుడు మేఘామ్ష్ శ్రీహరి కాగా, మ‌రొక‌రు వేగేశ్న సతీష్ తనయుడు సమీర్ వేగేశ్న. ఈ సినిమాను ‘లక్ష్య ప్రొడక్షన్స్’ బ్యానర్ పై ఎమ్.ఎల్.వి సత్యనారాయణ (సత్తిబాబు) నిర్మించనున్నారు. నేడు దివంగత శ్రీహరి గారి జయంతి సందర్భంగా ఈ సినిమాను అనౌన్స్ చేశారు.

ఈ సందర్భంగా దర్శకుడు సతీష్ మాట్లాడుతూ “వరుసగా ఫ్యామిలీ ఓరియంటెడ్ చేసాను. ఇప్పుడు ఓ మంచి పూర్తి స్థాయి వినోదభరితమైన చిత్రం చేయబోతున్నాను. ప్రస్తుతానికి ప్రీ ప్రొడక్షన్ వర్క్ కంప్లీట్ అయ్యింది. అన్ని పరిస్థితులు చక్కబడిన వెంటనే షూటింగ్ స్టార్ట్ చేస్తాం” అని తెలిపారు.

నిర్మాత ఎమ్.ఎల్.వి సత్యనారాయణ (సత్తిబాబు) మాట్లాడుతూ ” సతీష్ గారు తీసిన ‘శతమానం భవతి’ సినిమా నా మనసుకి బాగా నచ్చింది. ఇప్పుడు ఆయనతో మూవీ చేయడం సంతోషంగా ఉంది. హీరోయిన్స్, ఇతర సాంకేతికనిపుణుల వివరాలు త్వరలోనే వెల్లడిస్తాం” అని వివ‌రించారు.

Also Read :  కరోనా టీకాపై ప్రధాని మోదీ స్ప‌ష్ట‌త‌