Megastar Chiranjeevi: బెంగుళూరు నీటి కొరతపై చిరంజీవి పోస్ట్.. మెగాస్టార్ అద్భుతమైన సలహాలు ఇవే..

వేసవికాలం ప్రారంభంలోనే నీట కష్టాలు మొదలయ్యాయి. దేశంలోని పలు ప్రధాన నగరాలు, గ్రామాల్లో నీళ్ల కరువు చూస్తున్నాం. బెంగుళూరులో నీటి కష్టాలతో ప్రజలు అల్లాడిపోతున్నారు. ఇప్పటివరకు ఎన్నడు ఎరుగుని నీటి సమస్యను ఎదుర్కొంటున్నారు అక్కడి జనాలు. ఈ క్రమంలోనే బెంగుళూరులోని నీటి సమస్యపై స్పందించారు మెగాస్టార్ చిరంజీవి. నీటి కరువు రాకుండా ఎలాంటి చర్యలు తీసుకుంటే ఉపయోగపడతాయో తెలియజేస్తూ ఓ ట్వీట్ చేశాడు. అలాగే బెంగుళూరులోని తన ఫాంహౌస్ లో నీటి సమస్యకు తీసుకున్న చర్యలకు సంబంధించిన ఫోటోలను కూడా షేర్ చేశారు. ప్రస్తుతం చిరు చేసిన ట్వీ్ట్ నెట్టింట వైరలవుతుంది.

“నేను చెప్పే విషయం చాలా పెద్దదే.. అయినా చాలా ముఖ్యమైనది. మనందరికీ తెలిసినట్లుగా, నీరు అత్యంత విలువైన వస్తువు. నీటి కొరత రోజువారీ జీవితాన్ని కష్టతరం చేస్తుంది. బెంగళూరులో నేడు నీటి కొరత ఏర్పడవచ్చు. ఇది రేపు ఎక్కడైనా జరగవచ్చు. కాబట్టి నీటి సంరక్షణకు తోడ్పడే ఇళ్లను నిర్మించాల్సిన అవసరాన్ని చెప్పేందుకు ఈ అవకాశాన్ని ఉపయోగించుకోవాలనుకుంటున్నాను. బెంగుళూరులోని నా ఫామ్ హౌస్ కోసం నేను చేసిన వాటిని ఇక్కడ మీతో పంచుకుంటున్నాను. రీఛార్జ్ బావులకు (ఇంకుడు గుంతలు) ఉపరితల నీటి ప్రవాహాన్ని నిర్దేశించడానికి తగిన వాలులతో సైట్ అంతటా వ్యూహాత్మక పాయింట్ల వద్ద 20-36 అడుగుల లోతు ఇంకుడు గుంతలను ఏర్పాటు చేశాము. ప్రతి బావి వడపోత వ్యవస్థను కలిగి ఉంటుంది. వివిధ కంకరలతో కూడిన సిల్ట్ ట్రాప్, అంటే రాతి పరిమాణాలు, ఇసుక, పొరల గుండా నీరు ప్రవహించడాన్ని సులభతరం చేస్తుంది.

రీఛార్జ్ వెల్ – రీఛార్జ్ పిట్‌తో పోలిస్తే – ఇది ఎక్కువ నీటిని నిల్వ చేస్తుంది. లోతైన జలాశయాలను చేరుకోవడానికి ఉపరితలంలోని పోరస్ పొరల ద్వారా నీరు మరింత నెమ్మదిగా ప్రవహిస్తుంది. నేను పెర్మాకల్చర్ సూత్రాలను కూడా అమలు చేసాను. పెర్మాకల్చర్ పర్యావరణాన్ని పునరుజ్జీవింపజేసే వృత్తాకార సూత్రంపై పనిచేస్తుంది. దానిని స్వయం-స్థిరమైనదిగా చేస్తుంది. పెర్మాకల్చర్ ప్రధాన ఫలితం నీటి డిమాండ్ తగ్గించడమే. నేల నుండి బాష్పీభవన నష్టాన్ని తగ్గించే తోటను ఉపయోగించి తగిన గ్రౌండ్ కవర్‌తో పాటు చనిపోయిన ఆకులు, కలప చిప్‌లను ఉపయోగించి కప్పడం ద్వారా ఇది సాధించబడుతుంది. ఈ చర్యలు తీసుకోవడం ద్వారా మనం నీటిని సంరక్షించవచ్చు. వర్షపు నీటి సంరక్షణను మెరుగుపరచవచ్చు. పర్యావరణ అనుకూల గృహాలను నిర్మించవచ్చు. ఆ ఫోటోలను ఇక్కడ పంచుకుంటున్నాను.” అంటూ బెంగుళూరులోని ఫాంహౌస్ లో ఏర్పాటు చేసిన ఇంకుడు గుంతల ఫోటోలను షేర్ చేశారు.

ಈ ಪೋಸ್ಟ್ ಸ್ವಲ್ಪ ಉದ್ದವಾಗಿದ್ದರೂ, ಪಾಯಿಂಟ್ ಚಿಕ್ಕದಾದರೂ… ಬಹಳ ಮುಖ್ಯ.

ನಮಗೆಲ್ಲರಿಗೂ ತಿಳಿದಿರುವಂತೆ, ನೀರು ಅತ್ಯಂತ ಅಮೂಲ್ಯವಾದ ವಸ್ತು, ನೀರಿನ ಕೊರತೆಯು ದೈನಂದಿನ ಜೀವನವನ್ನು ಕಷ್ಟಕರವಾಗಿಸುತ್ತದೆ. ಇಂದು ಬೆಂಗಳೂರಿನಲ್ಲಿ ನೀರಿನ ಕೊರತೆ ಎದುರಾಗಬಹುದು. ನಾಳೆ ಎಲ್ಲಿ ಬೇಕಾದರೂ ಸಂಭವಿಸಬಹುದು.ಆದ್ದರಿಂದ ನೀರನ್ನು ಸಂರಕ್ಷಿಸಲು ಸಹಾಯ… pic.twitter.com/HwoWhSiZW5

— Chiranjeevi Konidela (@KChiruTweets) March 26, 2024

మరిన్ని సినిమా వార్తల కోసం ఇక్కడ క్లిక్ చేయండి.