Mahesh Babu-Sitara: అభిమానులకు మహేష్, సితార స్పెషల్ రిక్వెస్ట్.. వాటికి కొత్త జీవితం ఇవ్వండంటూ..
ఇటీవల ఓ ఈవెంట్లో పెద్దావిడను చేయి పట్టుకుని స్టేజ్ మీదకు తీసుకెళ్లడం.. ఆ తర్వాత అందరితో ప్రేమగా మాట్లాడటం, సెల్ఫీలు దిగడం చూసి సీతూపాప మంచి మనసుపై ప్రశంసలు కురిపించారు. ఇక తాజాగా సితార అభిమానులకు స్పెషల్ రిక్వెస్ట్ చేసింది. ప్రతి ఒక్కరూ ఓ వీధి కుక్కను దత్తత తీసుకోవాలని కోరింది. కొద్ది రోజుల క్రితం సితారకు ఇష్టమైన పెట్ ఫ్లూటో మరణించడంతో చాలా కుంగిపోయింది సితార. ఫ్లూటో మరణంతో మహేష్ సైతం చాలా బాధపడ్డాడు. ఫ్లూటో మరణించిన కొన్ని రోజులకే స్నూపీని తీసుకువచ్చారు.
Updated on: Oct 04, 2023 | 7:47 PM
సూపర్ స్టార్ మహేష్ బాబు తనయ సితార ఘట్టమనేని గురించి చెప్పక్కర్లేదు. చిన్న వయసు నుంచే సోషల్ మీడియాలో చాలా చురుగ్గా ఉంటుంది. ఇప్పటివరకు డాన్స్ వీడియోస్, ఫోటోస్ షేర్ చేస్తూ ఫాలోవర్లను పెంచుకుంటుంది. కొద్ది రోజుల నుంచి నెట్టింట సితార పేరు ఎక్కువగా వినిపిస్తోంది. ముఖ్యంగా సితార మంచి మనసుపై నెటిజన్స్ ప్రశంసలు కురిపిస్తున్నారు. తండ్రి బాటలోనే కూతురు నడుస్తుందని.. మహేష్ మంచితనమే సితారకు వచ్చిందంటూ కామెంట్స్ చేస్తున్నారు. ఇటీవల ఓ జ్యువెల్లరీ సంస్థకు బ్రాండ్ అంబాసిడర్గా యాడ్ కూడా చేసింది. ఈ ప్రకటనకు వచ్చిన రెమ్యూనరేషన్ మొత్తానికి మహేష్ ఫౌండేషన్ కు విరాళంగా ఇచ్చింది. అంతేకాకుండా తన బర్త్ డేకు కొందరు విద్యార్థినీలకు సైకిల్స్ బహుమతిగా అందించింది.
ఇక ఇటీవల ఓ ఈవెంట్లో పెద్దావిడను చేయి పట్టుకుని స్టేజ్ మీదకు తీసుకెళ్లడం.. ఆ తర్వాత అందరితో ప్రేమగా మాట్లాడటం, సెల్ఫీలు దిగడం చూసి సీతూపాప మంచి మనసుపై ప్రశంసలు కురిపించారు. ఇక తాజాగా సితార అభిమానులకు స్పెషల్ రిక్వెస్ట్ చేసింది. ప్రతి ఒక్కరూ ఓ వీధి కుక్కను దత్తత తీసుకోవాలని కోరింది. కొద్ది రోజుల క్రితం సితారకు ఇష్టమైన పెట్ ఫ్లూటో మరణించడంతో చాలా కుంగిపోయింది సితార. ఫ్లూటో మరణంతో మహేష్ సైతం చాలా బాధపడ్డాడు. ఫ్లూటో మరణించిన కొన్ని రోజులకే స్నూపీని తీసుకువచ్చారు.
View this post on Instagram
తాజాగా తన పెట్ స్నూపీ గురించి ఆసక్తికర విషయాలను పంచుకుంది. ప్రపంచ జంతు సంక్షేమ దినోత్సవం సందర్భంగా సితార వేసిన పోస్ట్ నెట్టంట వైరలవుతుంది. “మనుషులకు ప్రేమ గురించి పెట్స్ నేర్పుతాయి. బ్లూక్రాస్ యానిమల్ షెల్టర్ సంస్థ స్నూపీని రెస్క్యూ చేసింది. అక్కడి నుంచే మా జీవితాల్లోకి స్నూపీ వచ్చింది. మాకు ఎంతో ప్రేమను, బంధాన్ని పంచుతోంది. ఆపదలో ఉన్న వీధి కుక్కలను ప్రతి ఒక్కరూ దత్తత తీసుకోవాలని కోరుతున్నాను. బయట ఇలాంటి స్నూపీలు చాలా ఉన్నాయి. వాటికి ఒక కొత్త జీవితాన్ని ఇస్తారని ఎదురుచూస్తున్నాయి. మీరు ఎప్పుడైనా కుక్కను కాపాడితే నేను వాటిని చూడాలనుకుంటున్నాను. వాటి ఫోటోస్ స్టోరీలో పెట్టి నన్ను ట్యాగ్ చేయండి” అంటూ రాసుకొచ్చింది సితార. ఇక మహేష్ సైతం దత్తత తీసుకోండి. స్నూపీ వచ్చిన తర్వాత రోజూ మా జీవితాల్లో వెలుగులు వచ్చాయి అంటూ స్నూపీ ఫోటో షేర్ చేశారు. ప్రస్తుతం వీరిద్దరి పోస్టులు నెట్టింట వైరలవుతున్నాయి.
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.
