Koratala Siva: ఎన్టీఆర్ తరవాత ఆ స్టార్ హీరోతో సినిమా ప్లాన్ చేస్తున్న కొరటాల శివ..?

Koratala Siva: ప్రభాస్ నటించిన మిర్చి సినిమాతో దర్శకుడిగా పరిచయం అయ్యారు కొరటాల శివ. మొదటి సినిమాతోనే సూపర్ హిట్ అందుకున్న కొరటాల ఆతర్వాత వరుస హిట్స్ తో దూసుకుపోయారు. మిర్చి సినిమా తర్వాత మహేష్ బాబు నటించిన శ్రీమంతుడు సినిమాతో మరో హిట్ ను అందుకున్నారు కొరటాల. గ్రామాన్ని దత్తత తీసుకోవడం అనే కాన్సెప్ట్ తో తెరకెక్కిన ఈ సినిమా భారీ విజయాన్ని అందుకుంది. దాంతో కొరటాల శివ స్టార్ డైరెక్టర్ గా మారిపోయారు. శ్రీమంతుడు సినిమాతర్వాత యంగ్ టైగర్ ఎన్టీఆర్ తో కలిసి జనతా గ్యారేజ్ సినిమాను తెరకెక్కించారు. ఈ సినిమాకూడా మంచి విజయాన్ని అందుకుంది. ఆతర్వాత మరోసారి మహేష్ బాబుతో సినిమా చేశారు. భరత్ అనే నేను అనే టైటిల్ తో తెరకెక్కిన ఈ సినిమా కూడా సూపర్ హిట్ అయ్యింది. ఇలా చేసినవి తక్కువ సినిమాలే అయినా అన్ని సూపర్ హిట్స్ గా నిలిచాయి.

ఇక ఇప్పుడు కొరటాల మెగాస్టార్ తో సినిమా చేస్తున్న విషయం తెలిసిందే. ఆచార్య అనే టైటిల్ తో తెరకెక్కిన ఈ సినిమా త్వరలోనే ప్రేక్షకుల ముందుకు రానుంది. ఈ సినిమాలో చిరంజీవితో పాటు రామ్ చరణ్ కూడా నటిస్తున్నారు. ఈ సినిమా చరణ్ చిరు ఇద్దరు నక్సలైట్స్ గా కనిపించనున్నారు. ఆచార్య సినిమా తర్వాత యంగ్ టైగర్ ఎన్టీఆర్ తో సినిమా చేస్తున్నారు కొరటాల. ఈ సినిమా తర్వాత చరణ్ తో సినిమా చేయాలని చూస్తున్నాడట ఈ సక్సెస్ ఫుల్ దర్శకుడు. నిజానికి మిర్చి తర్వాత రామ్ చరణ్ తో సినిమా చేయాలనీ ప్రయత్నించారట కొరటాల. కానీ చరణ్ బిజీగా ఉండటంతో అది కుదరలేదు. ఇప్పుడు ఆచార్య సినిమాలో కీలక పాత్రలో చరణ్ ను చూపిస్తున్నాడు కొరటాల. తారక్ సినిమా తర్వాత చరణ్ హీరోగా ఓ భారీ సినిమాను చేయాలని కొరటాల సన్నాహాలు చేస్తున్నట్టు ఫిలిం సర్కిల్స్ లో ఓ వార్త చక్కర్లు కొడుతుంది. అటు చరణ్ వరుస ప్రాజెక్ట్స్ తో ఫుల్ బిజీగా ఉన్నాడు. ప్రస్తుతం ఆర్ఆర్ఆర్ సినిమా రిలీజ్ కు రెడీగా ఉంది. ఆతర్వాత టాప్ దర్శకుడు శంకర్ తో సినిమా చేస్తున్నాడు చరణ్. అలాగే జెర్సీ దర్శకుడు గౌతమ్ తో ఓ సినిమా చేయబోతున్నాడు రామ్ చరణ్. ఈ సినిమాల తరువాత కొరటాల శివతో సినిమా చేసే అవకాశం ఉందని తెలుస్తుంది. చూడాలి మరి ఏం జరుగుతుందో.

మరిన్ని ఇక్కడ చదవండి : 

Rashmi Gautam: పాల బుగ్గలు చిన్నది.. పరువాలు వంపుతూ ఫోజులిచ్చిందిగా…

Nandita Swetha: ఇలాంటి మనుషులు ఎలా ఉంటారు.. నెటిజన్ కు స్ట్రాంగ్ కౌంటర్ ఇచ్చిన హీరోయిన్

Sehari: బాల‌య్య‌బాబు గారి వ‌ల్లే మా సినిమా స్థాయి పెరిగింది.. యంగ్ హీరో ఎమోషనల్ కామెంట్స్