అనంత్ అంబానీ ప్రీ వెడ్డింగ్‌లో దుమ్మురేపిన ఎకాన్.. ఒక్కరోజుకు ఎంత అందుకున్నాడో తెలుసా.?

ఫేస్‌బుక్ వ్యవస్థాపకుడు మార్క్ జుకర్‌బర్గ్, మైక్రోసాఫ్ట్ యజమాని బిల్ గేట్స్ సహా ప్రపంచంలోని పలువురు ప్రముఖ వ్యాపారవేత్తలు ప్రీ వెడ్డింగ్ వేడుకకు హాజరయ్యారు. కొద్ది రోజుల క్రితం హాలీవుడ్ పాప్ సింగర్ రిహన్న ఓ అద్భుతమైన షో చేసింది. అలాగే మరో ప్రముఖ పాప్ సింగర్ ఎకాన్ అనంత్ అంబానీ పెళ్లిలో పాటలు పాడి డ్యాన్స్ చేశాడు. ఎకాన్ హాలీవుడ్‌లో అత్యంత ప్రజాదరణ పొందిన పాప్ గాయకుడు.

Akon

Rajeev Rayala |
Updated on: Mar 05, 2024 | 1:39 PM

ముఖేష్ అంబానీ-నీతా అంబానీల చిన్న కుమారుడు అనంత్ అంబానీ ప్రీ వెడ్డింగ్ సడగర జామ్‌నగర్‌లో ఘనంగా జరిగింది. ఈ కార్యక్రమంలో పలువురు టాలీవుడ్, హాలీవుడ్, బాలీవుడ్ తారలు పాల్గొన్నారు. ఫేస్‌బుక్ వ్యవస్థాపకుడు మార్క్ జుకర్‌బర్గ్, మైక్రోసాఫ్ట్ యజమాని బిల్ గేట్స్ సహా ప్రపంచంలోని పలువురు ప్రముఖ వ్యాపారవేత్తలు ప్రీ వెడ్డింగ్ వేడుకకు హాజరయ్యారు. కొద్ది రోజుల క్రితం హాలీవుడ్ పాప్ సింగర్ రిహన్న ఓ అద్భుతమైన షో చేసింది. అలాగే మరో ప్రముఖ పాప్ సింగర్ ఎకాన్ అనంత్ అంబానీ పెళ్లిలో పాటలు పాడి డ్యాన్స్ చేశాడు. ఎకాన్ హాలీవుడ్‌లో అత్యంత ప్రజాదరణ పొందిన పాప్ గాయకుడు. ‘లోన్లీ’, ‘బ్యూటిఫుల్’, ‘స్మాక్ దట్’, ‘బొనాంజా’ అలాగే ఎకాన్ అనేక సూపర్-డూపర్ హిట్ పాటలు పాడాడు. ఆదివారం, సోమవారం ఎకాన్ అనంత్ , రాధికాల ప్రీ వెడ్డింగ్ ప్రోగ్రామ్‌ చేశాడు.అలాగే బాలీవుడ్ తారలను డ్యాన్స్ చేశారు.

ఎకాన్‌కు ఇండియా కొత్తేమీ కాదు. గతంలో షారుక్ ఖాన్ నిర్మించి, నటించిన ‘రా-వన్’ సినిమాలో ‘చమక్ చల్లో’ పాటను ఎకాన్‌ పాడారు. అప్పుడు కూడా, ఎకాన్ చాలా మంది బాలీవుడ్ తారలను కలిశాడు. ఇప్పుడు మరోసారి ఇండియా వచ్చి బాలీవుడ్ స్టార్స్‌తో కలిసి సందడి చేశాడు. ఈ వేడుకల్లో షారుఖ్‌ ఖాన్‌ను వేదికపైకి తీసుకువచ్చి మరీ డ్యాన్స్‌ చేశాడు.

అనంత్-రాధిక ప్రీ వెడ్డింగ్‌లో ప్రదర్శన ఇవ్వడానికి ఎకాన్ రోజుకు దాదాపు 30 కోట్ల రూపాయల పారితోషికం తీసుకున్నట్లు తెలుస్తోంది. ప్రపంచంలోనే అత్యంత ఖరీదైన పాప్ సింగర్‌లలో ఒకరైన ఎకాన్‌ను భారీ మొత్తంలో ఈ ప్రైవేట్ షోకు ఆహ్వానించారు. కొద్ది రోజుల క్రితం రిహన్నాకు దాదాపు 74 కోట్ల రూపాయలు చెల్లించారు. ప్రీ వెడ్డింగ్‌కు రిహన్నా, అకాన్‌లను ఆహ్వానించిన అంబానీ, పెళ్లికి టేలర్ స్విఫ్ట్‌ను ఆహ్వానించే అవకాశం ఉంది.