Pushpa Item Song: యూట్యూబ్ను షేక్ చేస్తున్న సమంత ఐటెమ్ సాంగ్.. ఈ పాట పాడిన ఫోక్ సింగర్ ఎవరో తెలుసా..
ప్రస్తుతం సోషల్ మీడియా మొత్తం పుష్ప ఐటెం సాంగ్ హావా నడుస్తోంది. ఊర మాస్ పాటకు సమంత స్టెప్పులేయడంతో ప్రేక్షకులను
Updated on: Dec 11, 2021 | 2:26 PM
ప్రస్తుతం సోషల్ మీడియా మొత్తం పుష్ప ఐటెం సాంగ్ హావా నడుస్తోంది. ఊర మాస్ పాటకు సమంత స్టెప్పులేయడంతో ప్రేక్షకులను తెగ ఆకట్టుకుంటుంది. క్రియేటివ్ డైరెక్టర్ సుకుమార్ దర్శకత్వంలో అల్లు అర్జున్ నటించిన పుష్ప సినిమపై రోజు రోజూకీ అంచనాలు మరింత పెరిగిపోతున్నాయి. ఇప్పటివరకు ఈ సినిమా నుంచి విడుదలైన సాంగ్స్, పోస్టర్స్, ట్రైలర్కు విశేషస్పందన లభిస్తోంది. ఇక ఇందులో సమంత ఊ అంటావా మావా.. ఉహు అంటావా అనే పాటకు నటిస్తున్న సంగతి తెలిసిందే.
ఇక నిన్న విడుదలైన ఈ పాట ప్రేక్షకులను తెగ ఆకట్టుకుంటుంది. మత్తు వాయిస్తో సాగే ఈ పాటకు సమంత మాస్ స్టెప్పులతో అదరగొట్టింది. పాటకు తగినట్టుగా సమంత లుక్ సెట్ కావడం.. దేవీ శ్రీ ప్రసాద్ సంగీతంతో మరోసారి మార్మోగించడంతో సాంగ్ నెట్టింట్లో వైరల్ అవుతుంది. అయితే ఈ పాట పాడిన సింగర్ గురించి వెతకడం ప్రారంభించారు నెటిజన్స్. చంద్రబోస్ రాసిన ఈ పాటను పాడింది ఫోక్ సింగర్ ఇంద్రావతి చౌహాన్. తన గొంతుతో ఈ పాటకు అదరగొట్టింది. ఇంద్రావతి చౌహాన్.. ఫోక్ సింగర్, సినీ నేపథ్య గాయని మంగ్లీ చెల్లెలు. ఈమె కూడా జానపద పాటలు పాడుతూ గుర్తింపు తెచ్చుకున్నారు. జార్జిరెడ్డి సినిమాలో జాజిమొగులాలి అనే పాట కూడా పాడారు. అలాగే కోటి న్యాయనిర్ణేతగా వ్యవహరించిన బోల్ బేబి బోల్ రియాల్టీ షోలో పాటలు పాడింది ఇంద్రావతి. ఇక ఇప్పుడు ఏకంగా పుష్ప సినిమాలో ఐటెమ్ సాంగ్ పాడే అవకాశం వచ్చింది. ఈ పాట ఆమెకు ఫుల్ క్రేజ్ తెచ్చిపెట్టింది. విడుదలైన కొద్ది గంటల్లోనే మిలియన్ వ్యూస్ అందుకుంటుంది. ముఖ్యంగా ఈ పాటకు.. ఇంద్రావతి వాయిస్కు శ్రోతలు అట్రాక్ట్ అవుతున్నారు.
Also Read: రికార్డ్స్ సృష్టిస్తోన్న ఆర్ఆర్ఆర్ ట్రైలర్.. హైదరాబాద్లో ప్రెస్మీట్ లైవ్..
SS Rajamouli: ఆ స్థాయిలో సినిమాలు తీయడం నాకు చాలా కష్టం.. ఆర్ఆర్ఆర్ పై రాజమౌళి ఆసక్తికర కామెంట్స్
Bigg Boss 5 telugu: కంటెస్టెంట్స్ పై ఆడియన్స్ ప్రశ్నల వర్షం.. షణ్ముఖ్కు చుక్కలు చూపించారుగా..
