Chandu Champion OTT: ఓటీటీలోకి వచ్చేసిన ఎమోషనల్ డ్రామా.. చందు ఛాంపియన్ స్ట్రీమింగ్ ఎక్కడంటే..
మొదటి పారాలింపిక్ స్వర్ణపతక విజేత మురళీకాంత్ పేట్కర్ జీవితకథ ఆధారంగా ఈ సినిమాను రూపొందించారు. విడుదలకు ముందే ఫస్ట్ లుక్ పోస్టర్ నుంచి ట్రైలర్ వరకు అన్ని సినిమాపై క్యూరియాసిటిని కలిగించాయి. అలాగే విడుదలయ్యాక విమర్శకుల ప్రశంసలు అందుకుంది. ఇందులో కార్తీక్ ఆర్యన్ అద్భుతమైన నటనతో మరోసారి ప్రేక్షకులను మెప్పించారు.
Updated on: Jul 26, 2024 | 11:18 AM
బాలీవుడ్ ఇండస్ట్రీలో వచ్చే బయోపిక్స్ బాక్సాఫీస్ వద్ద మంచి విజయాన్ని అందుకుంటాయి. వివిధ రంగాల్లో ఉన్నత స్థాయిలో తమకంటూ ఓ గుర్తింపు తెచ్చుకున్న ప్రముఖుల జీవితాల ఆధారంగా ఇప్పటివరకు ఎన్నో చిత్రాలను రూపొందించారు. చాలా కాలం తర్వాత హిందీలో తెరకెక్కిన మరో బయెపిక్ చందు ఛాంపియన్. బీటౌన్ హీరో కార్తీక్ ఆర్యన్ ప్రధాన పాత్రలో నటించిన ఈ సినిమా సూపర్ హిట్ అయ్యింది. మొదటి పారాలింపిక్ స్వర్ణపతక విజేత మురళీకాంత్ పేట్కర్ జీవితకథ ఆధారంగా ఈ సినిమాను రూపొందించారు. విడుదలకు ముందే ఫస్ట్ లుక్ పోస్టర్ నుంచి ట్రైలర్ వరకు అన్ని సినిమాపై క్యూరియాసిటిని కలిగించాయి. అలాగే విడుదలయ్యాక విమర్శకుల ప్రశంసలు అందుకుంది. ఇందులో కార్తీక్ ఆర్యన్ అద్భుతమైన నటనతో మరోసారి ప్రేక్షకులను మెప్పించారు.
జూన్ 14న విడుదలైన ఈ సినిమా మొదటిరోజే పాజిటివ్ రెస్పాన్స్ అందుకుంది. ప్రపంచవ్యాప్తంగా రూ.88 కోట్లకు పైగా వసూళ్లు రాబట్టింది. డైరెక్టర్ కబీర్ ఖాన్ దర్శకత్వం వహించిన ఈ సినిమా ఇప్పుడు సైలెంట్ గా ఓటీటీలోకి వచ్చేసింది. ప్రముఖ ఓటీటీ ప్లాట్ ఫామ్ అమెజాన్ ప్రైమ్ వీడియోలో ఈసినిమా నేటి నుంచి స్ట్రీమింగ్ అవుతుంది. హిందీతోపాటు తెలుగు, తమిళం భాషలలో అందుబాటులో ఉంది. అయితే ఇప్పుడిప్పుడే ఈ చిత్రాన్ని ఫ్రీగా చూసే ఛాన్స్ లేదు. రూ.199 చెల్లించి రెంట్ పద్దతిలో ఈ సినిమాను చూసేయ్యెచ్చు.
మొదటి పారాలింపిక్ స్వర్ణపతాక విజేత మురళీకాంత్ పేట్కర్ జీవితం ఆధారంగా తెరకెక్కించిన ఈ సినిమాలో మనసులను మెలిపెట్టే సీన్స్ చాలానే ఉన్నాయట. అయితే ఇప్పుడు ఈ సినిమాను ఫ్రీగా చూసేందుకు మాత్రం వీలు లేదు. ఇక కార్తీక్ ఆర్యన్ విషయానికి వస్తే.. పదవ తరగతిలోనే మోడలింగ్ ఆడిషన్స్ లో పాల్గొన్నాడు. పత్నీ ఔర్ వో సీక్వెల్ లో నటించాడు. ఆ తర్వాత హిందీలో అనేక హిట్ చిత్రాల్లో నటించి మెప్పించాడు.
మరిన్ని సినిమా వార్తల కోసం ఇక్కడ క్లిక్ చేయండి.
