ప్రభాస్‌తో మూడోసారి కాజల్..?

ప్రభాస్‌తో మూడోసారి కాజల్..?

హిట్ పెయిర్‌ మళ్లీ రిపీట్ కాబోతుందా..? అంటే అవుననే మాటలే వినిపిస్తున్నాయి. ‘డార్లింగ్’, ‘మిస్టర్ పర్‌ఫెక్ట్‌’లతో రెండు హిట్లను సొంతం చేసుకున్న ప్రభాస్, కాజల్ జోడీ మూడోసారి జతకట్టనుందట. రాధాకృష్ణ దర్శకత్వంలో ప్రభాస్ ఓ ప్రేమ కథలో నటిస్తున్నాడు. పీరియాడిక్ రొమాంటిక్ లవ్ ఎంటర్‌టైనర్‌గా తెరకెక్కుతోన్న ఈ చిత్రంలో ప్రభాస్ సరసన పూజా హెగ్డే నటిస్తోంది. ఇక ఈ మూవీలో మరో కీలక పాత్ర కోసం కాజల్‌ను సంప్రదించారట. కథ విన్న కాజల్ ఇందులో నటించేందుకు ఒప్పుకున్నట్లు […]

TV9 Telugu Digital Desk

| Edited By:

Mar 22, 2019 | 11:39 AM

హిట్ పెయిర్‌ మళ్లీ రిపీట్ కాబోతుందా..? అంటే అవుననే మాటలే వినిపిస్తున్నాయి. ‘డార్లింగ్’, ‘మిస్టర్ పర్‌ఫెక్ట్‌’లతో రెండు హిట్లను సొంతం చేసుకున్న ప్రభాస్, కాజల్ జోడీ మూడోసారి జతకట్టనుందట.

రాధాకృష్ణ దర్శకత్వంలో ప్రభాస్ ఓ ప్రేమ కథలో నటిస్తున్నాడు. పీరియాడిక్ రొమాంటిక్ లవ్ ఎంటర్‌టైనర్‌గా తెరకెక్కుతోన్న ఈ చిత్రంలో ప్రభాస్ సరసన పూజా హెగ్డే నటిస్తోంది. ఇక ఈ మూవీలో మరో కీలక పాత్ర కోసం కాజల్‌ను సంప్రదించారట. కథ విన్న కాజల్ ఇందులో నటించేందుకు ఒప్పుకున్నట్లు తెలుస్తోంది. ఇందులో ప్రభాస్‌తో కొన్ని సన్నివేశాలతో పాటు ఓ పాటలో కూడా కాజల్ మెరవనున్నట్లు తెలుస్తోంది. దీనిపై త్వరలోనే అధికారిక ప్రకటన రానుంది. ఒకవేళ ఇదే నిజమైతే దాదాపు పది సంవత్సరాల తరువాత ఈ ఇద్దరు కలిసి నటించబోతున్నారు.

కాగా ప్రస్తుతం ఈ మూవీ షూటింగ్ హైదరాబాద్‌‌లో జరుగుతోంది. అన్నపూర్ణ స్టూడియోస్‌లో వేసిన ఓ సెట్‌లో ప్రధానపాత్రాధారులపై కీలక సన్నివేశాలను తెరకెక్కించనున్నాడు దర్శకుడు. యూవీ క్రియేషన్స్, గోపికృష్ణ బ్యానర్ సంయుక్తంగా నిర్మిస్తోన్న ఈ మూవీ వచ్చే ఏడాది ప్రేక్షకుల ముందుకు రానుంది. మరోవైపు సుజీత్ దర్శకత్వంలో ప్రభాస్ నటిస్తోన్న ‘సాహో’ ఆగష్టు15న విడుదల కానున్న విషయం తెలిసిందే.

Follow us on

Related Stories

Most Read Stories

Click on your DTH Provider to Add TV9 Telugu