Janhvi Kapoor : ఏడాది పాటు సినిమాలకు బ్రేక్.. తారక్ సినిమానే కారణం అంటున్న జాన్వీ

అతిలోక సుందరిగా సినీ అభిమానుల గుండెలో సుస్థిర స్థానం సంపాధించుకున్న నటి శ్రీ దేవి. ఆమె మరణంతో సినీ ఇండస్ట్రీ ఒక్కసారిగా విషాదంలో నిండిపోయింది. ఇప్పుడు ఆమె కూతురు జాన్వీ కపూర్ హీరోయిన్ గా రాణిస్తుంది. దఢక్  సినిమాతో హీరోయిన్ గా ఎంట్రీ ఇచ్చింది. అక్కడ వరుస సినిమాలతో దూసుకుపోతుంది. వచ్చిన సినిమా అవకాశాలన్నీ ఓకే చేయకుండా ఆచితూచి అడుగులేస్తోంది ఈ భామ. ముఖ్యంగా లేడీ ఓరియేంటేడ్ సినిమాలకు గ్రీన్ సిగ్నల్ ఇస్తూ ఆకట్టుకుంటుంది. విభిన్నమైన కథలను ఎంచుకుంటూ దూసుకుపోతుంది. ఇక ఇప్పుడు ఈ అమ్మడు టాలీవుడ్ లోకి ఎంట్రీ ఇవ్వనుంది. తాజాగా ఈ బ్యూటీ ఎన్టీఆర్ సినిమా గురించి ఆసక్తికర కామెంట్స్ చేసింది.

నెట్టింట జాన్వీ రచ్చ

సినిమాలతోనే కాదు సోషల్ మీడియాలోనూ రచ్చ చేస్తోంది జాన్వీ కపూర్. అందాల ఆరబోతకు ఏమాత్రం మొహమాట పడటం లేదు ఈ చిన్నది. నిత్యం రకరకాల ఫొటోలతో, హాట్ హాట్ ఫోటోలు షేర్ చేస్తూ ఆకట్టుకుంటుంది. ఈ అమ్మడి ఫోటోలకు నెట్టింట మంచి డిమాండ్ ఉంది. ఇన్ స్టా గ్రామ్ లో ఈ అమ్మడికి 22 మిలియన్ ఫాలోవర్స్ ఉన్నారు. హాట్ ఫోటోలకు కేరాఫ్ అడ్రస్ గా మారిపోయింది ఈ చిన్నది.

టాలీవుడ్ ఎంట్రీ 

ఇక ఈ ముద్దుగుమ్మ ఇప్పుడు టాలీవుడ్ లోకి అడుగు పెట్టనుంది. ఎన్టీఆర్ నటిస్తున్న నయా మూవీ దేవర సినిమాతో తెలుగు ప్రేక్షకులకు పరిచయం కానుంది. తాజాగా ఈ అమ్మడు ఓ ఇంటర్వ్యూలో పాల్గొంది. ఆమె మాట్లాడుతూ.. ఎన్టీఆర్ సినిమాలో నటించాలని ఎప్పటి నుంచో కోరుకుంటున్నానని.. ఇప్పటికి తన ఆశ నెరవేరిందని తెలిపింది. దేవర సినిమా అనౌన్స్ చేసిన దగ్గర నుంచి నేను ఏడాది వరకు మరో సినిమా చేయకూడదని అనుకున్నాను. దేవర సినిమాలోనే ఉండాలని కోరుకున్నాను. ప్రస్తుతం ఆయనతో కలిసి షూటింగ్‌ లో పాల్గొంటూ ఉండటం ఆనందంగా ఉంది అని తెలిపింది. అలాగే బాలీవుడ్ లో టైగర్ ష్రాఫ్, హృతిక్ రోషన్ , రణ్‌వీర్ సింగ్లతో నటించాలని ఉంది అని తెలిపింది జాన్వీ.

దేవర 

ఆర్ఆర్ఆర్ సినిమాతో పాన్ ఇండియా హీరోగా గుర్తింపు తెచ్చుకున్నారు తారక్. దాంతో ఆయన ఫ్యాన్ ఫాలోయింగ్ విపరీతంగా పెరిగిపోయింది. ఆర్ఆర్ఆర్ తర్వాత ఇప్పుడు దేవర సినిమాతో రాబోతున్నాడు ఎన్టీఆర్. కొరటాల శివ దర్శకత్వంలో ఈ సినిమా తెరకెక్కుతోంది. ఈ సినిమా సముద్రం బ్యాక్డ్రాప్ లో ఉంటుందని తెలుస్తోంది. ఇప్పటికే ఈ సినిమానుంచి విడుదలైన తారక్, జాన్వీ పోస్టర్స్ సినిమా పై అంచనాలు పెంచేశాయి.

View this post on Instagram

A post shared by Janhvi Kapoor (@janhvikapoor)

మరిన్ని సినిమా వార్తల కోసం ఇక్కడ క్లిక్ చేయండి