Tiger Nageshwar Rao: టైగర్ నాగేశ్వర్ రావు నుంచి ‘ఇచ్చేసుకుంటాలే’ సాంగ్ రిలీజ్..

Tiger Nageshwar Rao

బ్యాక్ టూ బ్యాక్ సినిమాలతో అలరిస్తోన్న మాస్ మహారాజ్ రవితేజ ప్రధాన పాత్రలో నటిస్తోన్న చిత్రం టైగర్ నాగేశ్వర రావు. ఆయన కెరీర్ లోనే తొలిసారిగా  పాన్ ఇండియా లెవల్లో రూపొందించిన ఈ సినిమాకు వంశీ దర్శకత్వం వహించారు. ఈ సినిమాతో తెలుగు సినీ పరిశ్రమలోకి దర్శకుడిగా పరిచయం కాబోతున్నారు వంశీ. ఇప్పటికే ఈ సినిమా నుంచి విడుదలైన పోస్టర్స్, సాంగ్స్ ఆకట్టుకుంటున్నాయి. 1970 కాలంలో స్టూవర్టుపురంలో పాపులర్ దొంగగా పేరు గాంచిన టైగర్ నాగేశ్వర్ రావు జీవితకథగా వస్తున్న ఈ మూవీలో బాలీవుడ్ బ్యూటీ కృతి సనన్ సోదరి నుపుర్ సనన్ కథానాయికగా నటిస్తోంది. ఇప్పటికే ఈ సినిమా నుంచి విడుదలైన రెండు పాటలు మ్యూజిక్ లవర్స్ ను ఇంప్రెస్ చేశాయి. తాజాగా ఈ మూవీ నుంచి థర్డ్ సింగిల్ ఇచ్చేసుకుంటాలే పాటను విడుదల చేశారు మేకర్స్.

తాజాగా విడుదలైన ఇచ్చేసుకుంటాలే సాంగ్ ఆకట్టుకుంటుంది. రవితేజ, గాయత్రి భరద్వాజ్ మధ్య వచ్చే ఈ డ్యూయేట్ సాంగ్ మ్యూజిక్ లవర్స్ ను నచ్చేస్తుంది. ముఖ్యంగా జీవీ ప్రకాష్ అందించిన సంగీతం మెస్మరైజ్ చేస్తుంది. ఇక పాటలో చూపించిన విజువల్స్ మరింత ఆకట్టుకుంటున్నాయి. ఈ పాటకు భాస్కర బట్ల సాహిత్యం అందించగా.. సింధూరి విశాల్ ఆలపించారు.

ఈ సినిమాను ప్రపంచవ్యా్ప్తంగా దసరా కానుకగా అక్టోబర్ 20న విడుదల కాబోతుంది. ఇక ఈ సినిమాలో చూపించే పాత్రలు అన్ని నిజమే అంటూ చెప్పుకొచ్చారు డైరెక్టర్. ఇక ఈ మూవీలో సీనియర్ నటి రేణూ దేశాయ్ హేమలత లవణం పాత్రలో నటిస్తున్నారు. చాలా కాలం తర్వాత ఈ మూవీతోనే ఆమె రీఎంట్రీ ఇస్తున్నారు. అభిషేక్ అగర్వాల్ ఆర్ట్స్ బ్యానర్ పై అభిషేక్ అగర్వాల్ నిర్మిస్తోన్న ఈ సినిమాను తెలుగు, హిందీ, కన్నడ, తమిళం భాషల్లో విడుదల చేయనున్నారు.

మరిన్ని సినిమా వార్తల కోసం ఇక్కడ క్లిక్ చేయండి.