Sundeep Kishan: తల్లికి బర్త్ డే గిఫ్ట్‌గా ఖరీదైన కారు కొనిచ్చిన హీరో సందీప్ కిషన్.. ధర ఎంతంటే?

టాలీవుడ్ ట్యాలెంటెడ్ యాక్టర సందీప్ కిషన్ ప్రస్తుతం వరుసగా సినిమాలు చేస్తున్నాడు. ఓవైపు సోలో హీరోగా నటిస్తూనే, మరో వైపు స్టార్ హీరోల సినిమాల్లో విలన్ గా, సహాయక నటుడిగానూ మెప్పిస్తున్నాడు. ప్రస్తుతం సినిమాలతో బిజీగా ఉంటోన్న సందీప్ కిషన తాజాగా సోషల్ మీడియాలో ఒక ఎమోషనల్ పోస్ట్ పెట్టాడు.

Sundeep Kishan Family

Basha Shek |

Updated on: Nov 16, 2024 | 6:55 PM

టాలీవుడ్ యంగ్ హీరో సందీప్ కిషన్ ఓ వైపు సినిమాలు చేస్తూనే మరో వైపు బిజినెస్ వ్యవహారాలతో బిజి బిజీగా ఉంటున్నాడు. హైదరాబాద్ లోని పలు ప్రాంతాల్లో వివాహ భోజనంబు పేరుతో రెస్టారెంట్స్ నిర్వహిస్తున్నాడీ యంగ్ హీరో. అంతేకాదు ప్రతి బ్రాంచ్ నుంచి ప్రతి రోజూ ఉచితంగా 50 మందికి ఫుడ్ ను పంపిస్తున్నాడు. పేదలు, అనాథలు తన ఏడు రెస్టారెంట్ల నుంచి రోజుకూ 350 మందికి ఫ్రీగా ఫుడ్ ను అందజేస్తూ అందరి మన్ననలు అందుకుంటున్నాడు. ఇక ఇటీవల రెండు తెలుగు రాష్ట్రాల్లో వరదలు సంభవించినప్పుడు కూడా తన టీమ్ సహాయంతో వరద బాధితులకు ఫుడ్, వాటర్ అందించాడు. ఇలా సినిమాలు, సేవా కార్యక్రమాలతో బిజీగా ఉంటోన్న సందీప్ కిషన్ తాజాగా తన తల్లికి ఒక ఖరీదైన కారును కానుకగా అందించాడు. ఆమె పుట్టిన రోజును పురస్కరించుకుని లగ్జరీ రేంజ్ రోవర్ కారు కొనిచ్చాడు. ఈ విషయాన్ని అతనే సోషల్ మీడియా వేదికగా షేర్ చేశాడు తన తల్లితండ్రులు, కొత్త కార్ తో దిగిన ఫోటోలు షేర్ చేసిన సందీప్ కిషన్.. ‘ మా అమ్మకు బర్త్ డే గిఫ్ట్. ఇప్పటికి మా అమ్మ ఆల్ ఇండియా రేడియోలో జాబ్ చేయడానికి సొంతంగా డ్రైవ్ చేసుకుంటూ రోజూ వెళ్తుంది. ఒక కొడుకుగా నన్ను మా అమ్మ ఒక కార్ కొనిమ్మని మాత్రమే అడిగింది. ఈ చిన్న కానుకలు పెద్ద సంతోషాన్నిస్తాయి’ అని తన ఆనందానికి అక్షర రూపమిచ్చాడు సందీప్ కిషన్.

సందీప్ కిషన్ షేర్ చేసిన ఫొటోలు ప్రస్తుతం సోషల్ మీడియాలో వైరలవుతున్నాయి. సినీ అభిమానులు, నెటిజన్లు ఈ యంగ్ హీరోపై ప్రశంసల వర్షం కురిపిస్తున్నారు. ఇక సినిమాల విషయానికి వస్తే.. ఈ ఏడాది సందీప్ కిషన్ నటించిన మూడు సినిమాలు విడుదలయ్యాయి. ఊరిపేరు భైరవకోన తో సోలో హిట్ కొట్టిన ఈ ట్యాలెంటెడ్ హీరో, కెప్టెన్ మిల్లర్, రాయన్ సినిమాల్లో కీలక పాత్రలు పోషించాడు. ఇవి కూడా సూపర్ హిట్స్ గా నిలిచాయి.

ఇవి కూడా చదవండి

కొత్త కారుతో సందీప్ కిషన్ తల్లి దండ్రులు..

View this post on Instagram

A post shared by Sundeep Kishan (@sundeepkishan)

ప్రస్తుతం ధమాకా డైరెక్టర్ త్రినాథరావు నక్కిన దర్శకత్వంలో మజాకా అనే సినిమాలో హీరోగ నటిస్తున్నాడు సందీప్ కిషన్. మాస్ ఎంటర్ టైనర్ గా తెరకెక్కుతున్న ఈ చిత్రాన్ని ఏకే ఎంటర్ టైన్ మెంట్స్, హాస్య మూవీస్, జీ స్టూడియోస్ సంయుక్తంగా నిర్మిస్తున్నాయి. ఈ చిత్రంలో రావు రమేశ్, ‘మన్మథుడు’ ఫేమ్ అన్షు కీలక పాత్రలను పోషిస్తున్నారు. సంక్రాంతి కానుకగా ఈ సినిమా రిలీజ్ కావొచ్చని తెలుస్తోంది.