Guppedantha Manasu: ట్రోల్స్ పై గుప్పెడంత మనసు నటి జ్యోతిరాయ్ రియాక్షన్.. అలాంటి స్టేట్‏మెంట్ ఇచ్చేసిందిగా..

బుల్లితెరపై కార్తీక దీపం తర్వాత ఆ రేంజ్ టీఆర్పీ అందుకున్న సీరియల్ గుప్పెడంత మనసు. ఈ సీరియల్లోని ప్రతి పాత్రకు.. వారి నటనకు ప్రత్యేక అభిమానులు ఉన్నారు. రిషి, వసుధార, మహేంద్ర, జగతి మేడమ్ పాత్రలకు మంచి ఫాలోయింగ్ ఉంది. ఇందులో జగతి మేడమ్ పాత్రలో సహజ నటనతో ప్రేక్షకులకు దగ్గరయ్యింది జ్యోతిరాయ్. కట్టుబొట్టు.. హుందాతనం, న్యాచురల్ యాక్టింగ్ తో జగతి మేడమ్ పాత్రకు మరింత గుర్తింపు తీసుకువచ్చింది జ్యోతిరాయ్. అయితే సీరియల్లో ఎంతో సంప్రదాయంగా కనిపించే జ్యోతిరాయ్ బయట మాత్రం చాలా డిఫరెంట్. ముఖ్యంగా సోషల్ మీడియాలో నిత్యం గ్లామర్ ఫోటోస్ షేర్ చేస్తూ నానా హంగామా సృష్టిస్తుంది. చిట్టి గౌనులతో ఫోటోషూట్స్ చేయడం.. అలాగే తనకంటే చిన్నవాడైన దర్శకుడిని రెండో పెళ్లి చేసుకోవడంతో జ్యోతిరాయ్ పై నెటిజన్స్ మండిపడ్డారు. ముఖ్యంగా నెట్టింట జ్యోతిరాయ్ గ్లామర్ ఫోటోస్ చూసి ఓ రేంజ్ లో ట్రోల్ చేశారు. తాజాగా తన పై వచ్చిన ట్రోల్స్ పై గట్టిగానే రియాక్ట్ అయ్యింది జ్యోతిరాయ్.

ప్రస్తుతం ఏ మాస్టర్ పీస్ అనే సినిమాలో కథానాయికగా నటిస్తుంది జ్యోతిరాయ్. త్వరలోనే ఈ సినిమా అడియన్స్ ముందుకు రానుంది. ఈ క్రమంలో ఈ మూవీ ప్రమోషన్లలో పాల్గొన్న జ్యోతిరాయ్ తన గురించి వచ్చిన ట్రోల్స్ పై రియాక్ట్ అయ్యింది. ప్రస్తుతం తాను ఉన్న సినీ ప్రొఫెషన్లో అని.. అందుకు తగినట్లుగానే తనను తాను మార్చుకున్నట్లు తెలిపింది. మోడ్రన్ పాత్రలు వస్తే వాటికి తగ్గట్లుగా.. ట్రెడిషనల్ పాత్రలు వస్తే అందుకు తగ్గట్లుగానే మారిపోతానని తెలిపింది. తనను ట్రోల్స్ చేసేవారి మెంటాలిటీకి సంబంధించినదని.. వాళ్లు ట్రోల్స్ చేస్తారని తాను ఫోటోస్ షేర్ చేయడం లేదని తెలిపింది.

ప్రస్తుతం సోషల్ మీడియాలోనే అంతా నడుస్తుందని.. కనుక నేను ఇలాగే ఉంటానంటే కుదరదని చెప్పుకొచ్చింది. తనను ఇప్పటికీ గుప్పెడంత మనసు జగతి పాత్రలోనే చూస్తున్నారని.. కానీ అంతకు ముందు ఓ షోలో దాదాపు 60 ఎపిసోడ్స్ మోడరన్ డ్రస్సులో చేశానని తెలిపింది.

మరిన్ని సినిమా వార్తల కోసం ఇక్కడ క్లిక్ చేయండి.