Tollywood: అందమైన పడుచుపిల్ల అమ్మాయి అనుకుంటే పొరపాటే.. ఒకప్పటి స్టార్ హీరో.. ఎవరో గుర్తుపట్టగలరా..?

సోషల్ మీడియాలో సినీతారల చిన్ననాటి ఫోటోస్ వైరలవుతున్న సంగతి తెలిసిందే. ఇప్పుడు డ్యాన్స్ వేషంలో నవ్వుతున్న అందమైన చిన్నారి నెటిజన్లను ఆకట్టుకుంటుంది. పైన ఫోటోను చూశారా..? మీరు జాగ్రత్తగా చూస్తే, ఈ చిరునవ్వుతో కనిపిస్తున్న ఈ పడుచుపిల్ల అమ్మాయి అనుకుంటే పొరపాటే. ఆ అందమైన అమ్మాయి అబ్బాయి. సౌత్ ఇండస్ట్రీలో ఒకప్పుడు స్టార్ హీరో. ఎన్నో విభిన్నమైన సినిమాలతో తనకంటూ ఓ గుర్తింపు తెచ్చుకున్నారు. హీరో మాత్రమే కాదు.. క్లాసికల్ డ్యాన్సర్ కూడా. ఆ అబ్బాయి మరెవరో కాదు నటుడు, డ్యాన్సర్ వినీత్ చిన్ననాటి ఫోటో. వినీత్‌కి మలయాళీ ఇండస్ట్రీలో బాగా పాపులర్‌. నటనతో పాటు డ్యాన్స్‌లోనూ రాణిస్తున్న నటుడు వినీత్ మలయాళం, తమిళం, తెలుగు, కన్నడ, హిందీ భాషా చిత్రాలలో కూడా నటించారు. వినీత్ విద్యాభ్యాసం తలస్సేరిలోని సెయింట్ జోసెఫ్ బాలుర ఉన్నత పాఠశాలలో సాగింది.

వినీత్ ప్రముఖ నర్తకి, సినీ నటి శోభనకు కజిన్ కూడా. వినీత్ చిన్నప్పటి నుంచే క్లాసికల్ డ్యాన్స్ నేర్చుకున్నాడు. తన పాఠశాల రోజుల నుండి భరతనాట్యంలో చాలా బహుమతులు గెలుచుకున్నాడు. రాష్ట్రస్థాయి స్కూల్ యూత్ ఫెస్టివల్‌లో భరతనాట్యం పోటీల్లో వరుసగా నాలుగుసార్లు ప్రథమ స్థానంలో నిలిచాడు. వినీత్ కళాత్మక మేధావి అనే బిరుదు కూడా అందుకున్నాడు. 1985లో పదహారేళ్ల వయసులో ఐవీ శశి తీసిన ‘ఇదనిలమనల్‌’ సినిమాతో వినీత్‌ యాక్టింగ్‌ రంగంలోకి అడుగుపెట్టారు. తర్వాత వినీత్ హీరోగా, సహనటుడిగా, విలన్‌గా ఎన్నో పాత్రలు పోషించాడు. 1986లో విడుదలైన నక్కాషామనల్ సినిమాతో అందరి దృష్టిని ఆకర్షించాడు. 2004లో వినీత్‌కు పెళ్లయింది. అతని భార్య ప్రిసిల్లా మీనన్.

ఇటీవలే వినీత్ డబ్బింగ్ ఆర్టిస్ట్‌గా కూడా అటెన్షన్‌ను పెంచుకుంటున్నాడు. ఇక బెస్ట్ డబ్బింగ్ ఆర్టిస్ట్ అవార్డు కూడా ‘లూసిఫర్’, ‘మరాకార్’ సినిమాలకు డబ్బింగ్ చెప్పాడు. గతంలో ఓ ఇంటర్వ్యూలో వినీత్ మాట్లాడుతూ.. “ఇన్నేళ్లుగా యాక్టింగ్ ఫీల్డ్‌లో ఉన్నా, డబ్బింగ్ ఆర్టిస్ట్‌గా అవార్డు రావడం ఇదే తొలిసారి. ఇది నాకు రెండో రాష్ట్ర అవార్డు. మొదటి సినిమాకి బెస్ట్ కొరియోగ్రాఫర్‌గా అవార్డు వచ్చింది. 2016లో కాంబోజీ’ అని వినీత్ చెప్పుకొచ్చాడు. కొంత గ్యాప్ తర్వాత వినీత్ ‘పచ్చువుం మీవేళవికం’ సినిమాతో గ్రాండ్ రీఎంట్రీ ఇచ్చాడు. ఈ సినిమాలో రియాజ్ పాత్ర విమర్శకుల ప్రశంసలు అందుకుంది. అలాగే తెలుగులోనూ పలు చిత్రాల్లో నటిస్తున్నాడు.

View this post on Instagram

A post shared by Rahul Thankachan (@rahulphotoshoot)

మరిన్ని సినిమా వార్తల కోసం ఇక్కడ క్లిక్ చేయండి.