Seetimaar: గోపీచంద్ సీటీమార్ ప్రేక్షకుల ముందుకు వచ్చేది అప్పుడేనా..?
టాలీవుడ్ మ్యాచో స్టార్ గోపీచంద్ -మిల్కీ బ్యూటీ తమన్నా జంటగా నటిస్తున్న సినిమా 'సీటీమార్'. సంపత్ నంది దర్శకత్వం వహిస్తున్న ఈ సినిమా మాస్ గేమ్ కబడ్డీ బ్యాక్ డ్రాప్ లో ఉండనుంది.
Seetimaar: టాలీవుడ్ మ్యాచో స్టార్ గోపీచంద్ -మిల్కీ బ్యూటీ తమన్నా జంటగా నటిస్తున్న సినిమా ‘సీటీమార్’. సంపత్ నంది దర్శకత్వం వహిస్తున్న ఈ సినిమా మాస్ గేమ్ కబడ్డీ బ్యాక్ డ్రాప్ లో ఉండనుంది. ఇప్పటికే టీజర్ పాటలతో మంచి బజ్ క్రియేట్ చేసిన ఈ సినిమా పై ప్రేక్షకులలో ఓ స్థాయి అంచనాలు నెలకొన్నాయి. అయితే సాలిడ్ సక్సస్ కోసం చాలా కాలంగా ఎదురుచూస్తున్న గోపీచంద్ ఆశలన్నీ ఈ సినిమా పనే పెట్టుకున్నాడు. ఇక సీటీమార్ సినిమాను శ్రీనివాసా సిల్వర్‌ స్క్రీన్‌ పతాకంపై ప్రొడక్షన్‌ నెం.3గా హై బడ్జెట్‌, అత్యున్నత సాంకేతిక విలువలు జోడించి రూపొందిస్తున్నారు నిర్మాత శ్రీనివాసా చిట్టూరి. మెలొడీ బ్రహ్మ మ‌ణిశ‌ర్మ సంగీతం అందిస్తున్నారు. సీనియర్ హీరోయిన్ భూమిక కీలక పాత్ర పోషించింది. హాట్ బ్యూటీ అప్సరా రాణి ఐటెం సాంగ్ చేయడం విశేషం.
ఇదిలా ఉంటే ఈ సినిమా రిలీజ్ ను ఇటీవల వాయిదా వేసిన విషయం తెలిసిందే.. ఈ సినిమాను ముందుగా ఏప్రిల్ 2న విడుదల చేయనున్నట్లు ప్రకటించిన మేకర్స్. అదే రోజున కింగ్ నాగార్జున నటించిన ‘వైల్డ్ డాగ్’ అలాగే తమిళ హీరో కార్తీ నటించిన ‘సుల్తాన్’ సినిమాలు విడుదల కాబోతుండటంతో సీటిమార్ సినిమాను వాయిదా వేశారు మేకర్స్. అయితే ఇప్పుడు ఈ సినిమా కొత్త రిలీజ్ డేట్ పై అంతటా ఆసక్తి నెలకొంది. అయితే సీటిమార్ సినిమాని ఏప్రిల్ 30న విడుదల చేయాలనీ మేకర్స్ భావిస్తున్నట్లు టాక్ నడుస్తుంది. మరి ఈ రీలీజ్ డేట్ కన్ఫామ్ అయ్యిందా లేదా అన్నది తెలియాల్సి ఉంది.
మరిన్ని ఇక్కడ చదవండి :
