అప్పుడు స్టార్ హీరోలు నాకోసం ఎదురుచూసేవారు.. కానీ ఇప్పుడు అవకాశాలు ఇవ్వడంలేదు..

దక్షిణాది సినిమాల్లో చైల్డ్ ఆర్టిస్టుగా కనిపించి మెప్పించాడు మాస్టర్ మహేంద్రన్. ఈ పేరు చెబితే అస్సలు గుర్తుపట్టలేరు. కానీ తెలుగులో ఒకప్పుడు సూపర్ హిట్ అయిన దేవి సినిమా చైల్డ్ ఆర్టిస్ట్. ఈ మూవీలో బాలనటుడిగా మెప్పించాడు. ఈ సినిమాకు తన నటనగానూ ఏకంగా నంది అవార్డ్ అందుకున్నాడు.

Mahendran

Rajeev Rayala |
Updated on: May 26, 2025 | 11:34 AM

సినిమా ఇండస్ట్రీలో చాలా మంది చైల్డ్ ఆర్టిస్ట్ లు ఇప్పుడు హీరోలుగా, హీరోయిన్స్ మారి సినిమాలు చేస్తున్నారు. ఇక పై ఫొటోలో ఉన్న చైల్డ్ ఆర్టిస్ట్ ను గుర్తుపట్టారా.? హీరోయిన్ ప్రేమ, భానుచందర్, వనీత విజయ్ కుమార్ ప్రధాన పాత్రలలో నటించిన దేవి సినిమాలో ముఖ్య పాత్ర పోషించాడు. ఈ చిత్రంలో తన నటనతో భయపెట్టించాడు. అలాగే మోహన్ బాబు నటించిన పెదరాయుడు సినిమాల్లో కనిపించాడు. ఇంతకీ ఆ కుర్రాడి పేరు ఏంటో తెలుసా.. తన పేరు మహేంద్రన్. తెలుగులో ఆహా మూవీతో వెండితెరకు పరిచమయమైన మహేంద్రన్.. టాలీవుడ్ ఇండస్ట్రీలో గుర్తింపు తెచ్చుకున్నాడు. 1994లో కోలీవుడ్‌లోకి బాల నటుడిగా ఎంట్రీ ఇచ్చిన మహేంద్రన్.. తెలుగులో అనేక చిత్రాల్లో నటించాడు. చిన్నవయసులోనే తనదైన నటనతో సినీ క్రిటిక్స్ ప్రశంసలు అందుకున్నాడు మహేంద్రన్.

ఇది కూడా చదవండి : అది దా సర్‌ప్రైజ్‌..! ఖలేజా మూవీ దిలావర్ సింగ్ భార్య గుర్తుందా.. ఇప్పుడు చూస్తే ఫ్యూజులు ఎగిరిపోవాల్సిందే

తెలుగులో ఆహా, దేవి, పెళ్లి చేసుకుందాం, నీ స్నేహం, లిటిల్ హార్ట్స్ వంటి సినిమాల్లో చైల్డ్ ఆర్టిస్టుగా నటించాడు మహేంద్రన్. ముఖ్యంగా దేవీ, లిటిల్ హార్ట్స్ సినిమాల్లో తన అద్భుతమైన నటనకు ఉత్తమ బాలనటుడిగా నంది పురస్కారాలు సైతం సొంతం చేసుకున్నాడు. తమిళం, తెలుగు, మలయాళం ఇలా అన్ని భాషలలో బాల నటుడుగా దాదాపు 130 సినిమాలలో నటించాడు. ఆ తర్వాత చదువుల కోసం సినిమాలకు దూరంగా ఉండిపోయాడు.

ఇది కూడా చదవండి : 17 ఏళ్ల క్రితం తల్లిపాత్ర చేసింది.. ఇప్పుడు అందంతో కుర్రాళ్లను కవ్విస్తుంది..

ఇటీవలే ఈ చిన్నోడు హీరోగా మారాడు. తమిళంలో హీరోగా అనేక సినిమాలు చేశాడు. అలాగే ఇతర హీరోల సినిమాల్లో ప్రాధాన్యం ఉన్న పాత్రలు పోషిస్తున్నాడు. మాస్టర్ సినిమాలో యంగ్ భవాని రోల్‌లో కనిపించింది మహేంద్రనే. కాగా గతంలో ఓ ఇంటర్వ్యూలో మహేంద్రన్ చేసిన కామెంట్స్ ఇప్పుడు వైరల్ గా మారాయి.. అప్పట్లో నాకోసం స్టార్ హీరోలు ఎదురుచూసేవారు. కానీ ఇప్పుడు ఆఫర్స్ ఇవ్వడం లేదు అని అన్నాడు మహేంద్రన్. ఓ ఇంటర్వ్యూలో మహేంద్రన్ మాట్లాడుతూ.. ఒక సమయంలో మంచి పీక్ చూశాను.. ఒకే రోజు నాలుగు సినిమాలు చేశాను. రోజుకు మూడు విమానాలు దిగేవాడిని. ఉదయం తమిళనాడులో, మధ్యాహ్నం పొలాచీలో .. రాత్రి హైదరాబాద్ లో షూట్ చేసేవాడిని.. నాకోసం స్టార్స్ ఎదురుచూసేవారు. నాకోసమే ఎక్కువగా నైట్ షూట్స్ పెట్టేవారు. అప్పట్లో ఆహా అనే సినిమాలో నటించా.. అందులో నటించిన స్టార్స్ .. రఘువరుణ్ గారు, జయసుధగారు, జగపతిబాబుగారు ఇలా ఎదురుచూసేవారు. అలాంటి నాకు మధ్యలో సినిమాలు లేవు.. ఎవ్వరూ ఆఫర్స్ ఇవ్వలేదు. పెద్దయ్యాక ఆఫర్స్ ఇవ్వలేదు.. హీరోలా లేదు.. చిన్నోడు కాదు పెద్దోడు కాదు అంటూ నన్ను రిజెక్ట్ చేశారు.. చాలా స్ట్రగుల్స్ తర్వాత ఇప్పుడు తిరిగి ఆఫర్స్ అందుకుంటున్నా.. ఇది నా అసలైన జర్నీ అని చెప్పుకొచ్చాడు మహేంద్రన్.