Jr.NTR: ఎన్టీఆర్ పై అభిమానం.. ఫ్యాన్స్ ఏం చేశారో తెలుసా.. ? వీడియో వైరల్..

ఇటీవలే దేవర సినిమాతో సూపర్ హిట్ అందుకున్నారు జూనియర్ ఎన్టీఆర్. డైరెక్టర్ కొరటాల శివ తెరకెక్కించిన ఈ మూవీ బాక్సాఫీస్ వద్ద రూ.500 కోట్లకు పైగా వసూళ్లు రాబట్టింది. ఈ సినిమాకు సీక్వెల్ మరికొన్ని రోజుల్లో పట్టాలెక్కనుంది. దీంతో ఇప్పుడు తన కొత్త ప్రాజెక్ట్స్ పై ఫోకస్ చేశారు తారక్. ప్రస్తుతం హిందీలో తెరకెక్కుతున్న వార్ 2 చిత్రంలో నటిస్తున్నారు. ఇందులో బాలీవుడ్ స్టార్ హృతిక్ రోషన్ సైతం నటిస్తుండగా.. డైరెక్టర్ అయాన్ ముఖర్జీ దర్శకత్వం వహిస్తున్నారు. ఇదిలా ఉంటే.. యంగ్ టైగర్ ఎన్టీఆర్‏కు ఉండే ఫ్యాన్ ఫాలోయింగ్ చెప్పక్కర్లేదు. తారక్ కోసం ప్రాణాలు ఇచ్చే అభిమానులు ఉన్నారు. ఈ క్రమంలో తాజాగా తన అభిమానులు చేసిన పని తెలిసి ఆశ్చర్యపోయారు. ఏపీలోని కుప్పంకు చెందిన ముగ్గురు యువకులు ఎన్టీఆర్ వీరాభిమానులు. దీంతో తమ అభిమాన హీరోను కలవడానికి కుప్పం నుంచి హైదరాబాద్ వరకు నడిచి వచ్చారు. ఈ విషయం తెలుసుకున్న తారక్.. తన అభిమానులను ఇంటికి పిలిచి ప్రేమగా మాట్లాడారు. వారి పేర్లు తెలుసుకుని.. వాళ్లతో కలిసి ఫోటో దిగారు. ఇందుకు సంబంధించిన వీడియో నెట్టింట వైరలవుతుంది.