Kurup Teaser : మోస్ట్ వాంటెడ్ క్రిమినల్ గా దుల్కర్ సల్మాన్.. ఆకట్టుకుంటున్న కురుప్ టీజర్

మలయాళ స్టార్ హీరో దుల్కర్ సల్మాన్ తెలుగు ప్రేక్షకులకు సుపరిచితుడే.. మణిరత్నం దర్శకత్వంలో వచ్చిన 'ఓకే బంగారం' సినిమాతో తెలుగు ప్రేక్షకులకు పరిచయం అయ్యాడు దుల్కర్

Kurup Movie

Rajeev Rayala |

Updated on: Mar 27, 2021 | 6:34 AM

Kurup movie Teaser : మలయాళ స్టార్ హీరో దుల్కర్ సల్మాన్ తెలుగు ప్రేక్షకులకు సుపరిచితుడే.. మణిరత్నం దర్శకత్వంలో వచ్చిన ‘ఓకే బంగారం’ సినిమాతో తెలుగు ప్రేక్షకులకు పరిచయం అయ్యాడు దుల్కర్. ఈ సినిమా మలయాళం, తెలుగు, తమిళ భాషల్లో మంచి విజయాన్ని సొంతం చేసుకుంది. ఆతర్వాత దుల్కర్ నటించిన మరికొన్ని సినిమాలు తెలుగులోకి డబ్ అయ్యాయి.

ఇక నాగ్ అశ్విన్ తెరకెక్కించిన మహా నటి సినిమాలో జెమిని గణేశన్ పాత్రలో దుల్కర్ అద్భుతంగా నటించాడు. ఈ సినిమాలో తన నటనతో తెలుగు ప్రేక్షకులకు మరింత దగ్గరయ్యాడు. తాజాగా దుల్కర్ సల్మాన్ మరో సినిమాతో ప్రేక్షకుల ముందుకు వచ్చేందుకు సిద్దమవుతున్నాడు. ”కురుప్” అనే పాన్ ఇండియా సినిమాతో వస్తున్నాడు దుల్కర్ . శ్రీనాథ్ రాజేంద్రన్ దర్శకత్వం వహిస్తున్న ఈ చిత్రాన్ని తెరకెక్కిస్తున్నాడు. దుల్కర్ సల్మాన్ సమర్పణలో డ్యూల్ వే ఫెరర్ ఫిలిమ్స్ మరియు ఎమ్ స్టార్ ఎంటెర్టైమెంట్స్ సంస్థలు ఈ చిత్రాన్ని నిర్మిస్తున్నాయి. ఈ సినిమాలో డిఫరెంట్ లుక్ లో కనిపించనున్నాడు దుల్కర్. ఇప్పటికే విడుడుదలైన ఈ సినిమా పోస్టర్లు ప్రేక్షకులను ఆకట్టుకుంటున్నాయి. తాజాగా ఈ సినిమానుంచి టీజర్ రిలీజ్ చేశారు చిత్రయూనిట్. ’36 సంవత్సరాలు.. మూడు వందలకు పైగా టిఫాప్స్.. వెయ్యికి పైగా ప్రయాణాలు.. ఇదంతా ఒకరి కోసం..’ డైలాగ్ ఆకట్టుకుంది. సుకుమార కురుప్ అనే క్రిమినల్ జీవితం ఆధారంగా ఈ సినిమా రూపొందుతున్నట్లు తెలుస్తోంది. ఇందులో తెలుగమ్మాయి శోభితా ధూళిపాళ్ల హీరోయిన్ గా నటిస్తోంది. త్వరలోనే తెలుగు తమిళ కన్నడ మలయాళ హిందీ భాషల్లో ”కురుప్” సినిమా విడుదల చేయనున్నారు.