Tollywood: ఆ హీరోయిన్ అల్మారా నిండా 800 కిలోల వెండి, 28 కిలోల బంగారం.. సీబీఐ అధికారులే షాకయ్యారు..

ఇప్పటికీ ఇండస్ట్రీలో అందరికంటే ఎక్కువ సంపద ఉన్న హీరోయిన్. ఏ హీరోయిన్ కూడా ఆమె కంటే ఎక్కువగా సంపాదించలేకపోయింది. ఇప్పటికే ఆమె జీవితం పై ఓ సినిమా కూడా రూపొందించారు. ఇందులో బాలీవుడ్ స్టార్ హీరోయిన్ నటించింది. అలాగే ఆమెకు జనాల్లో విపరీతమైన క్రేజ్ ఉంది.

Jayalalitha

Rajitha Chanti |

Updated on: Nov 17, 2024 | 10:34 AM

సినీరంగంలో స్టార్ హీరోహీరోయిన్స్ మధ్య రెమ్యునరేషన్ వ్యత్సాసం ఉంటుందన్న సంగతి తెలిసిందే. ఈ విషయంపై ఇప్పటికే పలువురు నటీమణులు బహిరంగంగా విమర్శలు చేశారు. హీరోయిన్లకు తక్కువ పారితోషికం ఇస్తున్నారని వాపోయారు. కానీ ఒకప్పుడు మాత్రం సౌత్ ఇండస్ట్రీని ఏలేసిన హీరోయిన్ గురించి మీకు తెలుసా..? ఇప్పుడు నివేదికల ప్రకారం భారతదేశంలో జూహీ చావ్లా అందరికంటే ఎక్కువ ఆస్తులు ఉన్న హీరోయిన్. ఇప్పుడు ఆమెనే అత్యంత ధనిక నటి. కానీ అంతకు ముందే ఓ హీరోయిన్ కోట్ల సంపదకు యజమాని. బహుశా ఆమె అంత ధనవంతులు ఎవరూ లేరు, జూహీ చావ్లా కూడా కాదు. ఆమె మరెవరో కాదు.. దివంగత నటి జయలలిత.

ఒకప్పుడు జయలలిత తమిళం, తెలుగు సినిమాలలో సూపర్ స్టార్ నటి. బాలీవుడ్ ఇండస్ట్రీలోనూ అనేక చిత్రాల్లో నటింటి అగ్రకథానాయికగా దూసుకెళ్లింది. 15 ఏళ్లకే సినీరంగంలోకి అడుగుపెట్టి ఆ తర్వాత వరుస ఆఫర్స్ అందుకుంటూ వెనుదిరిగి చూడలేదు. ఎంజీఆర్ జయలలితను తన గురువుగా భావించేవారు. ఎంజీఆర్‌తో జయలలిత దాదాపు 28 సినిమాలు చేసింది. అప్పట్లో ఆమె టాప్ హీరోయిన్. అలాగే పారితోషికంలోనూ ఆమె టాప్. అయితే కేవలం సినిమాల ద్వారా మాత్రమే కాదు.. రాజకీయాల్లోనే ఎక్కువ సంపాదించింది.

జయలలిత దగ్గర చాలా ఖరీదైన చీరలు, బూట్లు, చప్పల్స్ ఉన్నాయని గతంలోనే బయటకు వచ్చింది. ఆమె గదిలో 800 కిలోల వెండి, 28 కిలోల బంగారం, 10 వేల చీరలు ఉన్నాయి. గతంలో ఆమె ఇంటిపై సీబీఐ దాడులు చేయగా.. ఈ వస్తులన్నీ బయటపడ్డాయి. అలాగే 28 కిలోల బంగారాన్ని స్వాధీనం చేసుకున్నారు. 1997లో చెన్నైలోని పోస్సే గార్డెన్‌లోని జయలలిత ఇంటిపై దాడులు చేసిన అధికారులు ఆమె రూ.188 కోట్ల ఆస్తులు చూపించారని, కానీ వాస్తవానికి ఆమె మొత్తం రూ.900 కోట్లు కూడబెట్టారని ఆరోపించారు. అంటే నేటి లెక్కల ప్రకారం దాదాపు 5 వేల కోట్లు అవుతుంది. ఈ దాడిలో బంగారం, వెండితో పాటు 10 వేల 500 ఖరీదైన చీరలు, 750 జతల బూట్లు కూడా దొరికాయి. జయలలిత ఇప్పటికీ ఎప్పటికీ ధనిక నటి.

ఇవి కూడా చదవండి