Daddy Movie: డాడీ సినిమాకు ఆ హీరోను సజెస్ట్ చేసిన చిరంజీవి.. ఎవరో తెలుసా..
ఇందులో చిరంజీవి, సిమ్రాన్ నటన కట్టిపడేసింది. ఇందులో చిరు కూతురిగా అనుష్క మల్హోత్రా నటించగా.. ఎస్ఎ రాజ్ కుమార్ సంగీతం అందించారు. ఇక ఈ సినిమాలోని పాటలు ఇప్పటికీ ఎవర్ గ్రీన్ హిట్. అయితే ఈ సినిమాకు తనకంటే మరో హీరో సరిగ్గా సెట్ అవుతాడని అప్పట్లో చిరంజీవి చెప్పారట. కానీ రైటర్ భూపతి రాజా.. ఈ సినిమా చిరు చేస్తే కాస్త కొత్తగా ఉంటుందని బలవంతంగా చిరు చేత ఒప్పించారట. ఇప్పుడిదే న్యూస్ ఫిల్మ్ సర్కిల్లో వినిపిస్తుంది.
Updated on: Jun 23, 2023 | 6:14 PM
మెగాస్టార్ చిరంజీవి కెరీర్లో బిగ్గెస్ట్ హిట్ అయిన చిత్రాల్లో డాడీ ఒకటి. 2001లో విడుదలైన ఈ సినిమాకు అద్భుతమైన రెస్పాన్స్ వచ్చింది. గీతా ఆర్ట్స్ బ్యానర్ పై అల్లు అరవింద్ నిర్మించిన ఈ మూవీ చిరంజీవి జోడిగా సిమ్రాన్ కథానాయికగా నటించింది. ఈ చిత్రానికి సురేష్ కృష్ణ దర్శకత్వం వహించారు. ఈ సినిమా చాలా మందికి ఫేవరేట్ అయ్యింది. కూతురు కోసం తండ్రి పడే ఆరాటమే డాడీ చిత్రం. ఇందులో చిరంజీవి, సిమ్రాన్ నటన కట్టిపడేసింది. ఇందులో చిరు కూతురిగా అనుష్క మల్హోత్రా నటించగా.. ఎస్ఎ రాజ్ కుమార్ సంగీతం అందించారు. ఇక ఈ సినిమాలోని పాటలు ఇప్పటికీ ఎవర్ గ్రీన్ హిట్. అయితే ఈ సినిమాకు తనకంటే మరో హీరో సరిగ్గా సెట్ అవుతాడని అప్పట్లో చిరంజీవి చెప్పారట. కానీ రైటర్ భూపతి రాజా.. ఈ సినిమా చిరు చేస్తే కాస్త కొత్తగా ఉంటుందని బలవంతంగా చిరు చేత ఒప్పించారట. ఇప్పుడిదే న్యూస్ ఫిల్మ్ సర్కిల్లో వినిపిస్తుంది.
ఈ సినిమా స్టోరీని రైటర్ భూపతి రాజా ముందుగా చిరంజీవికి వినిపించారట. అయితే ఈ సినిమాకు తాను సెట్ కానని.. ఎందుకంటే హీరోను జైల్లో పెట్టడం, కూతురి మరణానికి కారణమవడం.. భార్య దూరం కావడం ఇన్ని కష్టాలలో చిరు నటించడం అడియన్స్ చూడలేకపోవచ్చని అన్నారట. ఈ సినిమాకు తనకంటే వెంకటేష్ బాగా సెట్ అవుతాడని సలహా ఇచ్చారట.
అయితే రైటర్ భూపతి రాజా మాత్రం ఈ సినిమా చిరు చేస్తే కొత్తగా ఉంటుందని.. బలవంతంగా ఒప్పించారట. చిన్న పిల్లలతో మీ బాండింగ్ బాగుంటుందని.. ప్రేక్షకులు కూడా ఈ సినిమాను యాక్సెప్ట్ చేస్తారని అన్నారట. దీంతో చిరు ఈ సినిమా చేయడానికి ఓకే చెప్పారట. ఇదిలా ఉంటే ప్రస్తుతం చిరంజీవి భోళా శంకర్ చిత్రంలో నటిస్తున్నారు. ఈ చిత్రానికి మెహర్ రమేష్ దర్శకత్వం వహిస్తుండగా.. తమన్నా, కీర్తి సురేష్ , సుశాంత్ కీలకపాత్రలలో నటిస్తున్నారు.
