Ram Charan-Upasana: ఆసుపత్రి నుంచి డిశ్చార్జ్ అయిన ఉపాసన.. పాప పోలికలు ఎవరివో చెప్పేసిన రామ్ చరణ్..
ఇక వారసురాలి రాకతో మెగా కుటుంబంలో సంబరాలు అంబరాన్ని తాకాయి. అలాగే తెలుగు రాష్ట్రాల్లోని మెగా అభిమానులు గ్రాండ్ గా సెలబ్రెషన్స్ చేసుకున్నారు. ఇక తల్లిబిడ్డ ఇద్దరూ క్షేమంగా ఉన్నారని వైద్యులు ఇప్పటికే వెల్లడించారు. నాలుగు రోజులుగా ఆసుపత్రిలో ఉన్న ఉపాసన ఈరోజు శుక్రవారం డిశ్చార్జ్ అయ్యారు.
Updated on: Jun 23, 2023 | 3:01 PM
మెగా వపర్ స్టార్ రామ్ చరణ్, ఉపాసన తల్లిదండ్రుల క్లబ్ లోకి చేరిన సంగతి తెలిసిందే.. జూన్ 20న మంగళవారం తెల్లవారుజామున జూబ్లీహిల్స్ అపోలో ఆసుపత్రిలో ఉపాసన పండంటి ఆడబిడ్డకు జన్మనిచ్చింది. డెలివరీకి ఒకరోజు ముందు నుంచే ఉపాసనతోపాటు.. చరణ్ సైతం అపోలో ఆసుపత్రిలో ఉన్నారు. ఇక వారసురాలి రాకతో మెగా కుటుంబంలో సంబరాలు అంబరాన్ని తాకాయి. అలాగే తెలుగు రాష్ట్రాల్లోని మెగా అభిమానులు గ్రాండ్ గా సెలబ్రెషన్స్ చేసుకున్నారు. ఇక తల్లిబిడ్డ ఇద్దరూ క్షేమంగా ఉన్నారని వైద్యులు ఇప్పటికే వెల్లడించారు. నాలుగు రోజులుగా ఆసుపత్రిలో ఉన్న ఉపాసన ఈరోజు శుక్రవారం డిశ్చార్జ్ అయ్యారు.
ఈ సందర్భంగా రామ్ చరణ్ మీడియాతో మాట్లాడుతూ.. పాపకు ఎల్లప్పుడూ తన అభిమానుల ఆశీస్సులు ఉండాలని కోరుకుంటున్నట్లు తెలిపారు. “జూన్ 20న ఉదయం పాప పుట్టింది. ఈరోజు పాప, ఉపాసను తీసుకుని ఇంటికి వెళ్తున్నాం. తనను ఎంతో జాగ్రత్తగా చూసుకున్న ఆసుపత్రి వైద్యులు, సిబ్బందికి కృతజ్ఞతలు. అలాగే అభిమానులు చేసిన ప్రార్ధనలు కూడా మర్చిపోలేను.
మీ ఆశీస్సులు పాపకు ఎల్లప్పుడూ అలాగే ఉండాలని కోరుకుంటున్నాను. ఇలాంటి సంతోషకరమైన సందర్భంలో ఎక్కువగా మాట్లాడలేకపోతున్నాను. ఇప్పటికే ఉపాసన, నేను ఓ పేరు అనుకున్నాం. అది 21వ రోజున వెల్లడిస్తాం. చాలా సంవత్సరాలుగా ఈరోజు కోసం ఎదురుచూస్తున్నాం. అనుకున్న సమయంలో భగవంతుడు మాకు పాపను ప్రసాదించాడు” అంటూ చెప్పుకొచ్చారు.
