Ginger Tea Benefits: వావ్ అనిపించే ఈ టీ రోజూ తాగితే.. ఈ అద్భుత ప్రయోజనాలు మీ సొంతం..!
శీతాకాలం వచ్చేసింది. ఇప్పటికే చలి తీవ్రత ఎక్కువైంది. చల్లని వాతావరణం వల్ల ఆరోగ్యం కూడా దెబ్బతినడం మొదలైంది. దగ్గు, జ్వరం, జలుబు, ఫ్లూ, అంటువ్యాధుల సమస్యలు వెంటాడుతున్నాయి. ఇలాంటి పరిస్థితిలో మనం ఆరోగ్యంగా ఉండానికి ఒక కప్పు వేడి వేడి అల్లం టీ తీసుకోవటం బెటర్‌ అంటున్నారు ఆరోగ్య నిపుణులు. నిజానికి అల్లం టీ టేస్టీగా ఉండటమే కాదు.. ఇది మనల్ని ఎన్నో వ్యాధుల నుంచి కూడా కాపాడుతుందని చెబుతున్నారు. అదేలాగో ఇక్కడ తెలుసుకుందాం..
అల్లం టీ యాంటీఆక్సిడెంట్లతో నిండి ఉంటుంది. దీనిలోని శక్తివంతమైన యాంటీఆక్సిడెంట్లు.. శరీరంలోని హానికరమైన ఫ్రీ రాడికల్స్‌తో పోరాడతాయి. తద్వారా రోగనిరోధక శక్తిని బలోపేతం చేస్తాయి. ఇన్ఫెక్షన్ల ప్రమాదాన్ని తగ్గిస్తాయి. అల్లం టీ తరచూ తాగితే.. జలుబు, దగ్గు, ఫ్లూ వంటి ఇన్ఫెక్షన్ల ముప్పు తగ్గుతుంది.
1 / 5
అల్లం టీ తరచూ తీసుకుంటే.. జీర్ణక్రియ మెరుగ్గా పనిచేస్తుంది. అల్లం టీ జీర్ణ ఎంజైమ్‌ల ఉత్పత్తిని పెంచుతుంది. అల్లంలోని సమ్మేళనాలు జీర్ణక్రియను ప్రేరేపించి.. అజీర్ణం, ఉబ్బరం, వికారం వంటి జీర్ణ సమస్యల నుంచి ఉపశమనం ఇవ్వడానికి సహాయపడతాయి.
2 / 5
అల్లం టీలో యాంటీ ఇన్‌ఫ్లమేటరీ గుణాలు ఉంటాయి. అందుకే చలికాలంలో తరచూ అల్లం టీ తీసుకుంటే.. శరీరంలో ఇన్ఫ్లమేషన్‌, మంట, వాపును తగ్గిస్తుంది. అల్లం అర్థరైటిస్‌, కండరాల నొప్పి వంటి సమస్యల నుంచి ఉపశమనం ఇవ్వడానికి సహాయపడుతుంది. ఇది గుండె సమస్యలు, క్యాన్సర్, డయాబెటిస్ వంటి దీర్ఘకాలిక అనారోగ్యాల ముప్పును తగ్గిస్తుంది.
3 / 5
అల్లం టీతో బరువు కంట్రోల్‌లో ఉంటుందని నిపుణులు చెబుతున్నారు. అల్లంలోని సమ్మేళనాలు జీవక్రియను మెరుగుపరుస్తాయి. ఆకలిని కంట్రోల్‌లో ఉండేలా చేస్తుంది. దీంతో అతిగా తినకుండా ఉంటారు. బరువు తగ్గాలనుకునేవారు, వెయిట్‌ కంట్రోల్‌లో ఉంచుకోవాలనుకునేవారు అల్లం టీ కచ్చితంగా తాగాలని నిపుణులు సూచిస్తున్నారు.
4 / 5
అల్లం టీ డయాబెటీస్ ఉన్నవారికి కూడా ఎంతో ప్రయోజనకరంగా పనిచేస్తుంది. అల్లం టీ తాగితే ఇన్సులిన్ స్థాయిలు మెరుగుపడతాయి. అలాగే హిమోగ్లోబిన్ ఎ 1 సి,ట్రైగ్లిజరైడ్స్ తగ్గుతాయి. ముఖ్యంగా అల్లం టీ టైప్ 2 డయాబెటిస్ ఉన్నవారి రక్తంలో షుగర్ లెవెల్స్ ను నియంత్రిస్తుంది.
