అందుకే సినిమాలు చేయలేదట.. పటాస్‌లో కళ్యాణ్ రామ్ చెల్లి గుర్తుందా.? ఇప్పుడు ఏం చేస్తుందంటే

కళ్యాణ్ రామ్ హీరోగా వచ్చిన పటాస్ మూవీతో ఈ అమ్మడికి మంచి క్రేజ్ వచ్చింది. ఈ సినిమాలో ఆమె మూగ, చెవిటి అమ్మాయి కావ్య పాత్రలో నటించి మెప్పించింది. ఈ మూవీలో ఆమె పాత్ర నిడివి ఉండేది కాసేపే అయినప్పటికీ.. తన నటనతో అదరగొట్టింది.

Patas Movie

Rajeev Rayala |
Updated on: Mar 20, 2026 | 7:09 PM

ప్రాచీ థాకర్.. ఈ పేరు చెప్తే పెద్దగా ఎవ్వరూ గుర్తుపట్టకపోవచ్చు కానీ కళ్యాణ్ రామ్ హీరోగా నటించిన పటాస్ సినిమా చూస్తే ఈ అమ్మడిని గుర్తిపట్టేస్తారు. పటాస్ సినిమాలో కళ్యాణ్ రామ్ చెల్లిగా కనిపించింది ప్రాచీ. ఆ సినిమాలో మాటలు రాని అమ్మాయిగా కనిపించింది. అయితే ప్రచీ ఠాకూర్ ఆ సినిమా తర్వాత పెద్దగా ఎక్కడా కనిపించలేదు. సినిమాలు కూడా పెద్దగా చేయలేదు. దాంతో ఈ అమ్మడు ఏమైపోయిందా అని చాలా మంది గూగుల్ ను గాలించారు కూడా.. ఇదిలా ఉంటే ఓ ఇంటర్వ్యూలో ప్రాచీ చేసిన కామెంట్స్ వైరల్ గా మారాయి. ఆ ఇంటర్వ్యూలో ఆమె సినిమాలు చేయడాపోవడానికి కారణాలు కూడా పంచుకుంది. ఇంతకూ ఆమె ఏం చెప్పిందంటే..

ఆ ఇద్దరు స్టార్ డైరెక్టర్లు అవమానించారు.. షూటింగ్ నుంచి ఏడ్చుకుంటూ వెళ్లా..

ప్రాచీ మాట్లాడుతూ.. హైదరాబాద్‌లో టెక్స్‌టైల్ డిజైనింగ్ చదువుతున్న సమయంలో మోడలింగ్‌పై ఆసక్తి పెరిగింది. ఒకసారి స్నేహితుల ద్వారా ఆడిషన్ గురించి తెలుసుకుని, ప్రశాంత్ దర్శకత్వంలో సైలెంట్ మెలోడీ అనే ప్రాజెక్ట్‌లో అవకాశం అనుకున్నా అని తెలిపింది. ఈ ప్రాజెక్ట్‌లో ఆమె మాటల లేని పాత్రలో నటించింది. ఈ సైలెంట్ మెలోడీలో ఆమె నటన చూసిన అనిల్ రావిపూడి, తన పటాస్ సినిమాలో ఒక ముఖ్యమైన పాత్రకు ప్రచీని ఎంపిక చేశారట. పటాస్ సినిమా కళ్యాణ్ రామ్ కెరీర్‌లోనే ఒక పెద్ద విజయంగా నిలిచింది. ఈ సినిమాలోప్రాచీ పాత్రకు ప్రశంసలు లభించాయి. అయితే, ఈ విజయాన్ని తాను సరిగ్గా సద్వినియోగం చేసుకోలేకపోయానని ప్రచీ తెలిపింది.

ఇవి కూడా చదవండి

ఏంటి భయ్యా.. ఈ సిరీస్ ఇలా ఉంది..!! ఓటీటీని ఊపేస్తోంది.. ఎక్కడ చూడొచ్చంటే

ఆ సమయంలో ఆమె కాలేజీ మూడవ సంవత్సరంలో ఉండటం, పరిశ్రమలో మార్గనిర్దేశం చేసేవారు ఎవరూ లేకపోవడం దీనికి ప్రధాన కారణం అని తెలిపింది. తన తల్లిదండ్రులు నిఫ్ట్ కోసం భారీ ఫీజులు కట్టారు, కాలేజీని బంక్ చేసి షూటింగ్‌లకు వెళ్లడానికి ఆలోచించా అని ఆమె తెలిపారు. ఆ సమయంలో తనకు సీరియల్, సినిమా ఆఫర్లు వచ్చినా, వాటిని స్వీకరించడానికి సరైన మార్గదర్శకత్వం లేదని చెప్పుకొచ్చింది. భాషా కూడా కూడా ఆమెకు ఒక సవాలుగా నిలిచింది. సైలెంట్ మెలోడీ, పటాస్ చిత్రాలలో ఆమె మాటలు లేని పాత్రలు చేశా.. ఈ కారణంగా, కొంతమంది ప్రేక్షకులు ఆమెను నిజంగానే చెవిటి, మూగ (డెఫ్ అండ్ మ్యూట్) అని భావించారని, ఫేస్‌బుక్‌లో మెసేజ్‌లు కూడా వచ్చాయని ప్రచీ గుర్తుచేసుకుంది. ఇదే తరహా పాత్రలలో టైప్‌కాస్ట్ అవ్వకూడదనే ఉద్దేశ్యంతో, పటాస్ తమిళ రీమేక్‌లో అదే పాత్రను పోషించమని ఆఫర్ వచ్చినా ఆమె నో చెప్పిందట. కాలేజీ గ్రాడ్యుయేషన్ తర్వాత, ప్రచీ ఠాకూర్ కొంతకాలం పరిశ్రమకు దూరమయ్యింది. 2019లో బ్యాడ్ ట్రిప్ సినిమా కోసం హైదరాబాద్‌కు మకాం మార్చారు. ఆ తర్వాత కోవిడ్ మహమ్మారి వచ్చినా, లవ్ యూ టూ వంటి చిత్రాలలో నటించింది. ప్రస్తుతం అవకాశాల కోసం ఎదురుచూస్తున్నా అని తెలిపింది ఈ అందాల తార.. అలాగే సవాలుతో కూడిన పాత్రలను పోషించడానికి తాను సిద్ధంగా ఉన్నానని చెప్పుకొచ్చింది నటి ప్రాచీ. ప్రస్తుతం హిందీలో సినిమాలు, సిరీస్ లు చేస్తుంది. మొన్నామధ్య బకాసుర రెస్టారెంట్ అనే సినిమాలో కనిపించింది.