Tollywood: ఏంటీ.! ఈ టాలీవుడ్ హీరోయిన్ భర్త కేజీఎఫ్ విలనా.? ఎవరో తెల్సా

'పిల్ల జమిందార్' ఫేం హరిప్రియ గుర్తుందా.? ఈ కన్నడ కస్తూరి భర్త తెలుగులో ప్రముఖ విలన్.. అలాగే కేజీఎఫ్, కేజీఎఫ్ 2లో కీలక పాత్రలో నటించాడు. అతడు మరెవరో తెల్సా..

Tollywood

Ravi Kiran |

Updated on: Oct 30, 2024 | 7:30 AM

హరిప్రియ.. ఈ పేరు తెలుగు ప్రేక్షకులకు పెద్దగా గుర్తుండకపోవచ్చు. కానీ నాని ‘పిల్ల జమిందార్’ మూవీ హీరోయిన్ అని చెప్తే.. ఠక్కున గుర్తొస్తుంది. ఈ సినిమాలో అచ్చమైన పదహారణాల తెలుగు అమ్మాయి సింధు పాత్రలో హరిప్రియ తన నటనతో తెలుగు ప్రేక్షకులను మెప్పించింది. కన్నడ కస్తూరి అయిన హరిప్రియ.. 2008లో కన్నడ సినిమా ‘మనసుగుల మతు మధుర’తో సినీ అరంగేట్రం చేసింది. ఆ తర్వాత రెండేళ్లకు భూమిక చావ్లా భర్త భరత్ ఠాకూర్ నిర్మించిన ‘తకిట తకిట’ సినిమాతో తెలుగు తెరకు పరిచయమైంది. ఈ సినిమా బాక్సాఫీస్ దగ్గర యావరేజ్‌గా నిలిచినా.. ఆ తర్వాత రెండో సినిమాగా వచ్చిన ‘పిల్ల జమిందార్’ మూవీ మాత్రం సూపర్ హిట్‌గా నిలిచింది. హరిప్రియకు మంచి పేరు తెచ్చిపెట్టింది. అనంతరం ఈ బ్యూటీ టాలీవుడ్‌లో వరుస సినిమాల్లో నటించింది. ‘అబ్బాయి క్లాస్ అమ్మాయి మాస్’, ‘ఈ వర్షం సాక్షిగా’, ‘గలాటా’, ‘జై సింహ’, ‘అలా ఇలా ఎలా’ వంటి చిత్రాలు చేసింది ఈ అమ్మడు. గతేడాది ‘అలా ఇలా ఎలా’ సినిమాతో తెలుగు ప్రేక్షకులను పలకరించిన ఈ భామ.. మళ్లీ టాలీవుడ్‌లో మరే చిత్రంలోనూ నటించలేదు.

ఇది చదవండి: అజీర్తి, కడుపు ఉబ్బరంతో ఆస్పత్రికొచ్చిన వ్యక్తి.. అమ్మబాబోయ్! ఎక్స్‌రే చూడగా

ఇవి కూడా చదవండి

తెలుగులో సోసోగా ఫేం సంపాదించిన హరిప్రియ.. కన్నడంలో మాత్రం స్టార్ హీరోయిన్‌గా వెలుగొందింది. బెల్ బోటమ్, ఉగ్రం, సూజిదర, కురక్షేత్ర, పెట్రోమాక్స్ వంటి బ్లాక్ బస్టర్ సినిమాల్లో నటించింది. ఆ భాషలోని టాప్ స్టార్స్ సరసన ఆడిపాడింది. ఇక హరిప్రియ సినిమాల గురించి పక్కనపెడితే.. ఆమె కన్నడంలో ప్రముఖ నటుడ్ని ప్రేమించి పెళ్లాడింది. ఆమె భర్త కేజీఎఫ్‌ సిరీస్‌లో విలన్ రోల్ చేశాడు. అతడు మరెవరో కాదు వశిష్ట. తెలుగులో నారప్ప, నయీం డైరీస్‌, ఓదెల రైల్వేస్టేషన్, డెవిల్, యేవమ్, సింబా లాంటి చిత్రాల్లో నటించాడు వశిష్ట. ప్రస్తుతం అతడు కన్నడంలో ‘భైరతి రణగల్’, తెలుగులో ‘ఓదెల 2’ చిత్రాలు చేస్తున్నాడు. అలాగే భర్త వశిష్టతో కలిసి నిర్మాణ రంగంలోకి అడుగుపెట్టింది ఈ భామ.

ఇది చదవండి: ఓర్నీ.! దోచేయ్ మూవీ చిన్నది దుమ్మురేపిందిగా.. పోజులు చూస్తే మెంటలెక్కాల్సిందే