Pushpa 2: ఈ నటుడికి షాకింగ్ రెమ్యునరేషన్.. జాతర ఎపిసోడ్‏లో అతడే హైలెట్..

ఇప్పుడు పాన్ ఇండియా మొత్తం ఆసక్తిగా ఎదురుచూస్తున్న సినిమా పుష్ప 2. కొన్ని రోజులుగా ఎక్కడ చూసిన ఈ సినిమా ఫీవర్ నడుస్తోంది. డైరెక్టర్ సుకుమార్ రూపొందించిన ఈ మూవీలో ఐకాన్ స్టార్ అల్లు అర్జున్, రష్మిక మందన్నా జంటగా నటించిన సంగతి తెలిసిందే. ఇటీవలే పాట్నాలో ఈ మూవీ ట్రైలర్ లాంచ్ ఈవెంట్ గ్రాండ్ గా నిర్వహించారు. ఈ ట్రైలర్ సినిమాపై మరింత హైప్ పెంచేసింది. 24 గంటల్లో 44.67 మిలియన్ వ్యూస్ సాధించి యూట్యూబ్ లో హిస్టరీ క్రియేట్ చేసింది. ఇందులో పుష్పరాజ్ గా అల్లు అర్జున్.. భన్వర్ సింగ్ షెకావత్ గా ఫహద్ మరోసారి అదరగొట్టినట్లు తెలుస్తోంది. పుష్పరాజ్ భార్య శ్రీవల్లిగా మరోసారి మెప్పించేందుకు రెడీ అయ్యింది రష్మిక. అయితే ఇందులో అందరి చూపు ఒక క్యారెక్టర్ పై పడింది. ఇప్పుడు అతడి గురించి నెట్టింట పెద్ద చర్చే నడుస్తుంది. ట్రైలర్ లో కనిపించింది సెకన్స్ మాత్రమే అయినా.. ఊహించని రేంజ్ లో ఫేమస్ అయ్యాడు.

అరగుండు.. మెడలో చెప్పుల దండతో ట్రైలర్ లో అందరి దృష్టిని తనవైపు తిప్పుకున్నాడు. అయితే ఈ క్యారెక్టర్ తోనే పుష్పరాజ్ కథ మలుపు తిరుగుతుందని తెలుస్తోంది. ఈ సినిమాకు అతడి పాత్ర హైలెట్ అని సమాచారం. ఈ పాత్రలో కనిపించిన నటుడి పేరు తారక్ పొన్నప్ప. ఇటీవలే విడుదలైన దేవర సినిమాలో సైఫ్ కొడుకుగా కనిపించాడు. అలాగే యశ్ నటించిన కేజీఎఫ్ చాప్టర్ 1, 2లో దయ పాత్రలో నటించాడు. తెలుగులో రజకార్ సినిమాలో కనిపించాడు. ఇక ఇప్పుడు పుష్ప 2లోనూ ముఖ్య పాత్ర పోషిస్తున్నాడు. ఈ సినిమాలో తన పాత్ర కోసం తారక్ పొన్నప్ప ఏకంగా రూ.50 లక్షలు తీసుకున్నట్లు సమాచారం.

దాదాపు 15 నిమిషాలపాటు ఉండే జాతర ఎపిసోడ్ కోసం చిత్రయూనిట్ ఏకంగా రూ.60 కోట్లు ఖర్చు చేసిందట. ఈ ఫైట్ సీక్వెన్స్ 2 నెలలపాటు చిత్రీకరించారని సమాచారం. రామెజీ ఫిల్మ్ సిటీలో ప్రత్యేకంగా ఈ సెట్ వేశారని.. అందులో మొత్తం 2 వేల మందికి పైగా కనిపించారని తెలుస్తోంది. ఈ జాతర ఎపిసోడ్ కోసం 15 రోజులపాటు రిహార్సల్స్ జరిగాయని టాక్. ఇప్పటికే పుష్ప 2 మూవీ రూ.1065 కోట్ల ప్రీ రిలీజ్ బిజినెస్ జరిగిందని తెలుస్తోంది.

ఇది చదవండి : Tollywood: వార్నీ.. ఏందీ బాసూ ఈ అరాచకం.. పద్దతిగా ఉందనుకుంటే గ్లామర్ ఫోజులతో హీటెక్కిస్తోందిగా..

Tollywood: ఇరవై ఏళ్లపాటు స్టార్ హీరోయిన్.. బాత్రూమ్ గోడలో రూ.12 లక్షలు దొరకడంతో కెరీర్ నాశనం..

Chandamama: దొరికిందోచ్.. టాలీవుడ్‏కు మరో చందమామ.. ఈ హీరోయిన్ కూతురిని చూశారా.. ?

మరిన్ని సినిమా వార్తల కోసం ఇక్కడ క్లిక్ చేయండి.