Tollywood: ఒక్క సినిమాతోనే శ్రీదేవి స్టార్ డమ్‏ను షేక్ చేసిన హీరోయిన్.. చివరకు ఇండస్ట్రీలో అలా.. ఇప్పుడేం చేస్తుందంటే..

శ్రీదేవి క్రేజ్ గురించి ప్రత్యేకంగా చెప్పక్కర్లేదు. 90'sలో భారతీయ సినీ పరిశ్రమను ఏలేసింది. అందం, అభినయంతో ప్రేక్షకులను కట్టిపడేసింది. తెలుగు, తమిళం, కన్నడ, మలయాళం , హిందీ భాషలలో ఎన్నో హిట్ చిత్రాల్లో నటించి మెప్పించింది. కానీ మీకు తెలుసా.. ? శ్రీదేవికే పోటీ ఇచ్చిన హీరోయిన్ ఎవరో.. ఒక్క సినిమాతోనే శ్రీదేవి స్టార్ డమ్ షేక్ చేసింది. ఆమె ఎవరంటే..

Sridevi

Rajitha Chanti |
Updated on: Jun 02, 2025 | 8:19 AM

సినీరంగంలో నటిగా తమకంటూ ప్రత్యేక గుర్తింపు తెచ్చుకోవాలని ఎన్నో కలలో ఇండస్ట్రీలోకి అడుగుపెడుతుంటారు. కెరీర్ తొలినాళ్లల్లో ఎన్నో ఒడిదుడుకులు ఎదుర్కొంటారు. కానీ కొందరు మాత్రం ఒక్క సినిమాతోనే ఫేమస్ అయిపోతారు. అలాంటి వారిలో ఈ హీరోయిన్ ఒకరు. అప్పట్లో హీరోయిన్ శ్రీదేవికే గట్టిపోటీ ఇచ్చింది. కేవలం ఒక్క మూవీతోనే శ్రీదేవి స్టార్ డమ్ షేక్ చేసింది. కానీ ఆ తర్వాత ఆమె నటించిన చిత్రాలు అంతగా మెప్పించలేదు. అలాగే అదే సమయంలో భారీగా రెమ్యునరేషన్ డిమాండ్ చేయడంతో ఆమెకు అవకాశాలు తగ్గిపోయాయి. దీంతో తక్కువ సమయంలోనే సినిమాలకు దూరమయ్యింది. ఇంతకీ ఆమె ఎవరో తెలుసా.. మధు.. అలియాస్ మధుబాల. తెలుగు, తమిళం ప్రేక్షకులకు పరిచయం అవసరంలేని హీరోయిన్. రోజా సినిమాతో ఓవర్ నైట్ స్టార్ అయిపోయింది.

తమిళం, తెలుగులో వరుస సినిమాల్లో నటించిన మధు.. ఫూల్ ఔర్ కాంటే సినిమాతో బాలీవుడ్ ఇండస్ట్రీలోకి అడుగుపెట్టింది. ఈ సినిమాతో హీరో అజయ్ దేవగన్ సైతం తెరంగేట్రం చేశారు. ఈ సినిమా అప్పట్లో భారీ విజయాన్ని అందుకుంది. ఈ సినిమా విడుదలైన తర్వాత 3 రోజులు మధు తన స్నేహితురాలి ఇంట్లో దాక్కుందట. ఎందుకంటే అదే సమయంలో యష్ చోప్రా తెరకెక్కించిన లమ్హే మూవీ సైతం విడుదలైంది. యష్ చోప్రా సినిమా అంటే పక్కా హిట్టు గ్యారెంటీ. అందులో అనిల్ కపూర్, శ్రీదేవి ప్రధాన పాత్రలలో నటించారు. ఆ సమయంలో మధు చాలా భయపడ్డారట. అప్పటికే శ్రీదేవి, అనిల్ కపూర్ ఇద్దరూ స్టార్ స్టేటస్ కలిగిన నటీనటులు.. వారిద్దరి సినిమాతోపాటు కొత్తవారైన తమ సినిమా విడుదల కావడంతో అసలు ఎవరైనా చూస్తారా ? అనే సందేహాలు కలిగియట మధుకు.

దీంతో భయంతో తన స్నేహితురాలి ఇంట్లో 3 రోజులు దాక్కుందట. కానీ ఫూల్ ఔర్ కాంటే చిత్రం భారీ విజయాన్ని అందుకుంది. తన సన్నిహితులు విషయం చెప్పడంతో ఊపిరి పీల్చుకున్నానని గతంలో ఓ ఇంటర్వ్యూలో చెప్పుకొచ్చింది మధు. ఈ సినిమాతో ఓవర్ నైట్ స్టార్ అయ్యింది మధు. కానీ ఆ తర్వాత ఆమె నటించిన చిత్రాలు బాక్సాఫీస్ వద్ద అంతగా మెప్పించలేదు. అలాగే అదే సమయంలో ఆమె ఎక్కువగా పారితోషికం డిమాండ్ చేయడంతో ఆఫర్స్ తగ్గిపోయానని సమాచారం. తక్కువ సమయంలోనే స్టార్ డమ్ సంపాదించుకున్న మధు.. అంతే త్వరగా ఇండస్ట్రీకి దూరమయ్యింది. కొన్నాళ్లు సినిమాలకు దూరంగా ఉన్న మధు.. ఇప్పుడు సెకండ్ ఇన్నింగ్స్ స్టార్ట్ చేసింది.