Satya Krishnan: ఆ కారణంతోనే సినిమాలు చేయడం మానేశాను.. నటి సత్యకృష్ణన్ కామెంట్స్..
తెలుగు సినిమాల్లో అక్క, వదిన పాత్రలతో ఫేమస్ అయ్యింది నటి సత్యకృష్ణన్. స్టార్ హీరోల సినిమాల్లో కీలకపాత్రలు పోషించి తనకంటూ ప్రత్యేక గుర్తింపు తెచ్చుకుంది. అయితే ఇటీవల ఆమె సినిమాల్లో అంతగా నటించడం లేదు. తాజాగా అందుకు గల కారణాలు వెల్లడించింది. అలాగే తన కెరీర్ గురించి ఆసక్తికర విషయాలు పంచుకుంది.
Updated on: Jan 16, 2026 | 11:21 PM
నటి సత్యకృష్ణన్ హోటల్ మేనేజ్మెంట్లో పనిచేస్తున్న సమయంలో అనుకోకుండా డాలర్ డ్రీమ్స్ సినిమాతో సినీ రంగ ప్రవేశం చేశానని అన్నారు.ఆనంద్ చిత్రం తనకు మంచి గుర్తింపు తెచ్చిపెట్టిందని, ఆ తర్వాత బొమ్మరిల్లు వంటి సినిమాలు తన కెరీర్కు మలుపు తిప్పాయని సత్యకృష్ణన్ తెలిపారు. ఒక ఇమేజ్కు కట్టుబడి ఉండకుండా, విభిన్నమైన పాత్రలు చేయాలని తాను కోరుకుంటున్నానని తెలిపారు. తన విద్యాభ్యాసం, ఎదుగుదల అంతా హైదరాబాద్లోనే జరిగింది. ఆమె స్వస్థలం గుంటూరు (తండ్రి), రాజమండ్రి (తల్లి) అయినా, హైదరాబాద్లోనే పుట్టి పెరిగారు. హోటల్ మేనేజ్మెంట్ చదివి, తాజ్ గ్రూప్లో ఫ్రంట్ ఆఫీస్లో పనిచేస్తున్న సమయంలో శేఖర్ కమ్ముల కో-ప్రొడ్యూసర్ సునీత తాతి ద్వారా డాలర్ డ్రీమ్స్ సినిమాలో నటించే అవకాశం లభించిందని అన్నారు.. అప్పట్లో తాను సినిమాలు కెరీర్గా మారుతాయని ఊహించలేదని, ఉద్యోగం చేస్తూనే షూటింగ్లలో పాల్గొన్నానని ఆమె వివరించారు.
ఆ తర్వాత ఆనంద్ సినిమాతో నటిగా ఆమెకు మంచి గుర్తింపు వచ్చింది. ఈ సినిమాలో ఎవరి పేరు చెబితే… అనే డైలాగ్ చాలా పాపులర్ అయిందని ఆమె గుర్తుచేసుకున్నారు. ఆనంద్ తర్వాత కొంతకాలం పాప పుట్టడంతో సినిమాలకు దూరమయ్యారు. హైదరాబాద్కు తిరిగి వచ్చిన తర్వాత బొమ్మరిల్లు వంటి సినిమాలతో మళ్లీ కెరీర్ను పునఃప్రారంభించారు. బొమ్మరిల్లు కూడా తనకు మంచి పేరు తెచ్చిపెట్టిందని, అదొక కల్ట్ ఫిల్మ్ అని తెలిపారు. తాను ఎక్కువగా డొమెస్టిక్, వైవిధ్యమైన పాత్రలలో నటించడం వల్ల ఒక రకమైన ఇమేజ్ ఏర్పడిందని సత్యకృష్ణన్ తెలిపారు. దీని కారణంగా విభిన్నమైన పాత్రలు చేయడానికి దర్శకులు పెద్దగా ఆసక్తి చూపడం లేదని, తన లుక్ను మార్చడానికి వారు రిస్క్ తీసుకోవడం లేదని తెలిపారు.
అయితే తనకు డిఫరెంట్ క్యారెక్టర్లు చేయాలని కోరిక ఉందని, కొన్ని కొత్త చిత్రాలు విడుదల కావాల్సి ఉందని చెప్పారు. సత్యకృష్ణన్ వివాహం ఒక ప్రేమ వివాహం, ఇది ప్రేమ-కమ్-అరేంజ్డ్ వివాహంగా మారింది. ఆమె భర్త తమిళులు కావడంతో మొదట్లో వారి కుటుంబం కొంచెం సంశయించిందని, అయితే తర్వాత తన భర్త బంధువులు వారిని ఒప్పించారని ఆమె వివరించారు. 24 ఏళ్ల తమ వివాహ బంధంలో ఎత్తుపల్లాలు, వాదోపవాదాలు సహజమని, అయితే ఒకరినొకరు అర్థం చేసుకుని ముందుకు సాగడమే నిజమైన వివాహమని ఆమె పేర్కొన్నారు. తాను ఉమ్మడి కుటుంబాన్ని చాలా ఇష్టపడతానని, తన అత్తమామలతో తనకు మంచి బంధం ఉందని, వారు తనను సొంత కూతురిలా చూసుకున్నారని చెప్పారు. ప్రస్తుతం తన తల్లి తనతోనే ఉంటుందని, కుటుంబంతో కలిసి ఉండటం తనకెంతో ముఖ్యమని సత్యకృష్ణన్ అన్నారు.
ఎక్కువ మంది చదివినవి: Rambha: హీరోయిన్ రంభకు ఇంత పెద్ద కూతురు ఉందా.. ? అందంలో తల్లిని మించిపోయింది.. ఫోటోస్ వైరల్..
