VV Vinayak: అందరు హీరోలతో చేశా.. కానీ నాగార్జునతో సినిమా ఎందుకు చేయాలేదంటే.. అసలు విషయం చెప్పిన వివి వినాయక్..

ప్రముఖ దర్శకుడు V.V. వినాయక్ ఇటీవల ఒక ఇంటర్వ్యూలో తన కెరీర్, రాబోయే ప్రాజెక్ట్‌లు, వ్యక్తిగత జీవితంలోని విషాదాలపై మాట్లాడారు. చిరంజీవి, బాలకృష్ణ, వెంకటేష్ వంటి అగ్రతారలతో విజయవంతమైన చిత్రాలు చేసినప్పటికీ, నాగార్జునతో పూర్తిస్థాయి సినిమా చేయలేకపోవడంపై తన ఆవేదన వ్యక్తం చేశారు. రాఖీ చిత్రంలోని ఒక పాటలో మాత్రమే నాగార్జునతో కలిసి పనిచేశానని, అయితే ఆయనతో ఒక పకడ్బందీ సినిమా చేయాలనే కోరిక తనకు ఎప్పటినుంచో ఉందని వినాయక్ తెలిపారు. ఒకటి రెండు సార్లు దీని గురించి చర్చలు జరిగినా, అది కార్యరూపం దాల్చలేదని గుర్తుచేసుకున్నారు. అఖిల్ అక్కినేని విషయమై మాట్లాడుతూ, అఖిల్‌కు మరో హిట్ అందించాల్సిన బాధ్యత తన మనసులో ఎప్పుడూ ఉంటుందని స్పష్టం చేశారు. గతంలో ఎన్.టి.ఆర్ తో దానవీరశూరకర్ణ అనే పౌరాణిక చిత్రాన్ని చేయాలని అనుకున్నామని, కానీ అది సాధ్యపడలేదని చెప్పారు. అదుర్స్ సీక్వెల్ గురించి ఎన్.టి.ఆర్ ప్రస్తావించినా, అలాంటి అద్భుతమైన చిత్రానికి మళ్ళీ కథ దొరకదని తాను అనుకుంటున్నానని వినాయక్ అభిప్రాయపడ్డారు. అదుర్స్ సినిమా స్క్రిప్ట్ నుండి స్క్రీన్ ప్లే, డైలాగ్స్, ఎన్.టి.ఆర్ నటన అన్నీ అద్భుతమని కొనియాడారు.

ఎక్కువ మంది చదివినవి : Suddala Ashok Teja : ఫిట్‏గా ఉన్న శ్రీహరి చిక్కిపోయి చనిపోవడానికి అసలు కారణం అదే.. రచయిత సుద్దాల అశోక్ తేజ..

తన తల్లిదండ్రుల గురించి ప్రస్తావిస్తూ, తన తండ్రి తన ఎదుగుదలను చూసి చాలా గర్వపడేవారని వినాయక్ భావోద్వేగంగా గుర్తుచేసుకున్నారు. ఒకప్పుడు సినీరంగంలోకి వెళ్లొద్దని చెప్పిన తన తండ్రి, తన విజయాన్ని ఎంతో సంబరంగా చేసుకునేవారని, హైదరాబాద్ నుండి ఇంటికి వెళ్ళేటప్పుడు దారిపొడవునా స్నేహితులకు ఫోన్ చేసి తన గురించి గొప్పగా చెప్పేవారని వెల్లడించారు. తన కుటుంబానికి తన తండ్రి ప్రాణం అని, ఆయన చాలా మంచి మనిషి అని అన్నారు.

ఎక్కువ మంది చదివినవి : RP Patnaik: ఆ పాటకు రాత్రంతా డ్యాన్స్ చేస్తూ ఒక అబ్బాయి చనిపోయాడు.. అది ఎప్పటికీ మర్చిపోలేను.. మ్యూజిక్ డైరెక్టర్..

తన జీవితంలోని అత్యంత దారుణమైన రెండు సంవత్సరాలలో తన తల్లిదండ్రులను కోల్పోయానని వినాయక్ విచారం వ్యక్తం చేశారు. తన తండ్రి మరణాన్ని జీర్ణించుకోలేకపోయానని, క్యాన్సర్ నిర్ధారణ అయినప్పుడు అది తనను తీవ్ర దిగ్భ్రాంతికి గురిచేసిందని చెప్పారు. తన తండ్రిని కాపాడుకోవడానికి ఎంతో ప్రయత్నించానని, డాక్టర్ రవీంద్రనాథ్, లండన్ నుండి డాక్టర్ మొహమ్మద్ రెలా వంటి ప్రముఖులను సంప్రదించానని తెలిపారు. గ్లోబల్ హాస్పిటల్ లో డాక్టర్ ధర్మేష్ కపూర్ జపాన్ లో ఉన్న అడ్వాన్స్‌డ్ ట్రీట్‌మెంట్ గురించి చెప్పగా, తన తండ్రిని జపాన్ తీసుకెళ్లి మైక్రో సర్జరీ చేయించారని వినాయక్ వివరించారు. ఈ చికిత్స తర్వాత తన తండ్రి ఆరోగ్యం కొంత మెరుగుపడిందని, బాగా తింటున్నారని, ఆకలి కూడా వస్తుందని సంతోషించామని తెలిపారు. అయితే, ఆయన మళ్ళీ రహస్యంగా పొగతాగడం మొదలుపెట్టారని, అది తనకు మాత్రమే తెలిసిందని, బాత్రూమ్‌లో పొగాకు వాసన, బూడిదను చూసి తాను కనుగొన్నానని చెప్పారు. ఈ అలవాటు తిరిగి క్యాన్సర్‌ను తీవ్రతరం చేసిందని, చివరికి ఆయన అకస్మాత్తుగా కుప్పకూలి తిరిగి లేవలేకపోయారని వినాయక్ ఆవేదనగా పంచుకున్నారు. ఆ తర్వాత తన తల్లి కూడా చిన్న జ్వరం వచ్చి నెలరోజుల్లో ఆకస్మికంగా మరణించారని చెప్పారు.

ఎక్కువ మంది చదివినవి : హీరోయిన్ ఛాన్స్ వస్తే వద్దని చెప్పింది.. బుల్లితెరపై గ్లామర్ అరాచకం..

ఎక్కువ మంది చదివినవి : Trending Folk Song : ఏం సాంగ్ రా బాబూ.. నెల రోజులుగా యూట్యూబ్‏లో గత్తరలేపుతుంది.. డీజేలో మోగిపోతున్న పల్లె పాట..