RP Patnaik: ఆ పాటకు రాత్రంతా డ్యాన్స్ చేస్తూ ఒక అబ్బాయి చనిపోయాడు.. అది ఎప్పటికీ మర్చిపోలేను.. మ్యూజిక్ డైరెక్టర్..

టాలీవుడ్ మ్యూజిక్ డైరెక్టర్ ఆర్పీ పట్నాయక్ చాలా కాలంగా సినిమాలకు దూరంగా ఉంటున్న సంగతి తెలిసిందే. ఇటీవల ఓ ఇంటర్వ్యూలో తన సుదీర్ఘ సినీ ప్రస్థానంలోని ఆసక్తికరమైన వివరాలను పంచుకున్నారు. ముఖ్యంగా చిత్రం, నువ్వు నేను వంటి చిత్రాల సంగీత ప్రయాణం, గాజువాక పిల్ల పాట సృష్టించిన ప్రభావం, ఆయన కెరీర్ ఎంపికల గురించి మాట్లాడారు. చిత్రం సినిమాకు సంగీతం అందించడం తన కెరీర్‌లో ఒక మైలురాయి అని ఆర్పీ పట్నాయక్ తెలిపారు. ఈ సినిమా పాటల కోసం అయిన ఖర్చు కేవలం రెండున్నర లక్షల రూపాయలు మాత్రమేనని, అయినప్పటికీ, తన జీవితంలో అందుకున్న మొదటి చెక్కు రామోజీరావు నుండి 75,000 రూపాయలని, అది తనకెంతో సెంటిమెంట్‌గా ఇప్పటికీ పనిచేస్తుందని గర్వంగా చెప్పుకున్నారు. చిత్రం విజయం తర్వాత తన జీవితంలో పెద్ద మార్పు వచ్చిందని, అది సినిమాలకు నో చెప్పే ధైర్యాన్ని ఇచ్చిందని పేర్కొన్నారు. ఈ విజయం తర్వాత చిన్న బడ్జెట్ సినిమాలు, ఒకే రకమైన కథాంశాలతో వచ్చిన దాదాపు 22 చిత్రాలను తాను తిరస్కరించానని వెల్లడించారు. ఇది చాలా మందికి గర్వంగా కనిపించినా, కేవలం తన కెరీర్ భవిష్యత్తు కోసమే ఆ ఎంపిక చేసుకున్నానని, లేదంటే టైమ్‌లెస్ మ్యూజిక్ అందించే అవకాశం దక్కి ఉండేది కాదని స్పష్టం చేశారు.

నువ్వు నేను సినిమా పాటల గురించి మాట్లాడుతూ, అప్పట్లో అవి ఎంతగా వైరల్ అయ్యాయంటే, సోషల్ మీడియా ఉండి ఉంటే తన పేరు అమెరికాకు కూడా వినిపించేదని అన్నారు. దర్శకుడు తేజతో తన పని విధానం చాలా స్పష్టంగా ఉంటుందని, ఆయన పరిస్థితిని వివరిస్తే తాను వెంటనే ట్యూన్ చేస్తానని, ఆపై రికార్డింగ్‌కు వెళ్తామని వివరించారు. ఒక సిచువేషన్ కోసం తాను, గేయ రచయిత కులశేఖర్ ఒకరికొకరు తెలియకుండా ట్యూన్, లిరిక్ రాశారని, చివరికి తన ట్యూన్ ఎంపికైందని తెలిపారు. ఆసక్తికరంగా, కులశేఖర్ రాసిన “గున్నమామి కొమ్మ మీద గారాల గోరింక” లిరిక్, తన “ఎవరిని ఏమన్నా మారదు ఈ ప్రేమ” ట్యూన్‌ను కలిపి జయం సినిమాలో క్లైమాక్స్ సన్నివేశానికి ఉపయోగించారని గుర్తు చేసుకున్నారు.

గాజువాక పిల్ల పాట తనకు చాలా గర్వాన్ని, గౌరవాన్ని, ధైర్యాన్ని ఇచ్చిందని, భారత సైనికులు కూడా ఈ పాటను పాడుకోవడం ఒక అద్భుతమైన క్షణం అని పేర్కొన్నారు. అయితే, ఈ పాటకు కొన్ని ప్రతికూల సంఘటనలు కూడా ఉన్నాయని చెప్పడానికి వెనుకాడలేదు. ఒక పెళ్లి వేడుకలో, తాగిన మైకంలో ఒక వ్యక్తి ఈ పాటను పదే పదే అడుగుతూ, తెల్లవారుజాము వరకు డాన్స్ చేసి అలసిపోయి దురదృష్టవశాత్తు ప్రాణాలు కోల్పోయాడని వివరించారు. ఒక పాట ఎంత సానుకూల ప్రభావం చూపుతుందో, అతిగా చేస్తే అంతే ప్రతికూల ప్రభావాన్ని కూడా చూపుతుందని దీనికి ఉదాహరణగా చెప్పారు. పాటను కేవలం పాటలాగా ఆస్వాదించాలని, నర నరాల్లోకి ఎక్కించుకోవద్దని ఆర్పీ పట్నాయక్ సందేశం ఇచ్చారుసంగీత దర్శకుడు ఆర్పీ పట్నాయక్ తన సుదీర్ఘ సినీ ప్రస్థానంలోని ఆసక్తికరమైన వివరాలను ఐడ్రీమ్ పోడ్‌కాస్ట్లో పంచుకున్నారు. ముఖ్యంగా చిత్రం, నువ్వు నేను వంటి చిత్రాల సంగీత ప్రయాణం, గాజువాక పిల్ల పాట సృష్టించిన ప్రభావం, ఆయన కెరీర్ ఎంపికల గురించి లోతుగా చర్చించారు.

ఎక్కువమంది చదివినవి : Tollywood : ఆమెకు 15.. అతడికి 24.. పదేళ్లుగా సీక్రెట్ లవ్.. కట్ చేస్తే.. భార్యభర్తలుగా ఒక్కటైన హీరోహీరోయిన్..

ఎక్కువమంది చదివినవి : Appa Rao: ఆ సినిమా సమయంలో చేసిన పని.. నా ఫేస్ మొత్తం బ్లాక్ అయ్యింది.. జబర్దస్త్ అప్పారావు..