Godfather: మెగాస్టార్‌ను ఇరుకున పడేసే పాత్రలో డైనమిక్ డైరెక్టర్.. ‘గాడ్ ఫాదర్‌’లో పూరీ ఇలా..

మెగాస్టార్ చిరంజీవి( Chiranjeevi )లైనప్ చేసిన సినిమాలు వరసగా షూటింగ్ జరుపుకుంటున్నాయి.. నో గ్యాప్ అంటూ బ్యాక్ టు బ్యాక్ షూటింగ్స్ తో బిజీగా ఉన్నారు చిరు.

Megastar Chiranjeevi Puri J

Updated on: Apr 15, 2022 | 4:10 PM

మెగాస్టార్ చిరంజీవి( Chiranjeevi )లైనప్ చేసిన సినిమాలు వరసగా షూటింగ్ జరుపుకుంటున్నాయి.. నో గ్యాప్ అంటూ బ్యాక్ టు బ్యాక్ షూటింగ్స్ తో బిజీగా ఉన్నారు చిరు. త్వరలోనే ఆచార్యను ప్రేక్షకుల ముందు పెట్టేసి.. మిగిలిన ప్రాజెక్ట్స్ ను చకచకా పూర్తి చేయనున్నారు. ఆచార్య తర్వాత మెగాస్టార్ నుంచి వస్తున్న మూవీ గాడ్ ఫాదర్(Godfather). మలయాళ మూవీకి రీమేక్ గా వస్తున్న ఈ సినిమాను తమిళ్ దర్శకుడు మోహన్ రాజా డైరెక్ట్ చేస్తున్నారు. వీలైనంత ఫాస్ట్ గా ఈ సినిమాను కంప్లీట్ చేసి.. నెక్స్ట్ మెహర్ రమేష్ భోళాశంకర్ ను పట్టాలెక్కించనున్నారు చిరు. ఇక గాడ్ ఫాదర్ విషయానికొస్తే ఈ సినిమాలో చాలా స్పెషాలిటీస్ ఉన్నాయి. ఇప్పటికే ఈ సినిమాలో కీలక పాత్ర కోసం ఏకంగా బాలీవుడ్ కండల వీరుడు సల్మాన్ ఖాన్ ను రంగంలోకి దింపారు. ఇటీవలే భాయిజాన్ పార్ట్ ను కంప్లీట్ చేసిన డైరెక్టర్ మోహన్ రాజా.. ఇప్పుడు డైనమిక్ డైరెక్టర్ పూరిజగన్నాథ్ ను సీన్ లోకి తీసుకొచ్చారు.

పూరీతో ఓ పవర్ ఫుల్ రోల్ చేయించనున్నారట ఈ సినిమాలో.. ఇటీవలే సెట్ లో అడుగు పెట్టిన పూరీకి మెగాస్టార్ వెల్కమ్ చెప్పారు. ఆ ఫోటోలు నెట్టింట తెగ వైరల్ అయ్యాయి. అయితే ఇప్పుడు చిరు సినిమాలో పూరి ఎలా కనిపించనున్నారన్నది హాట్ టాపిక్ ఆ మారింది. తాజాగా దీనికి సంబధించిన వార్త ఒకటి ఫిలిం సర్కిల్ లో తెగ చక్కర్లు కొడుతుంది. అదేంటంటే గాడ్ ఫాదర్ మూవీలో పూరి మెగాస్టార్ ను ఇరుకున పెట్టె పాత్రలో కనిపించనున్నారట. ఈ సినిమాలో పూరిజగన్నాథ్ జర్నలిస్ట్ పాత్రలో కనిపించనున్నారని తెలుస్తుంది. ఈ పాత్ర కారణంగా మెగాస్టార్ సినిమాలో ఇరుకున పడతారని తెలుస్తుంది. మలయాళం ఒరిజినల్ లో ఈ పాత్రను పృధ్విరాజ్ అన్న ఇంద్రజిత్ పోషించాడు. మరి ఈవార్తలో నిజమెంత అన్నది తెలియాల్సి ఉంది. రాజకీయ నేపథ్యంలో రూపొందుతున్న ఈ సినిమాకు సెన్సేషనల్ మ్యూజిక్ డైరెక్టర్ తమన్ సంగీతాన్ని అందిస్తున్నారు.

మరిన్ని ఇక్కడ చదవండి :