Ari Movie Trailer: మనిషి పతనానికి అవే కారణమా ?.. ఆసక్తికరంగా ‘అరి’ ట్రైలర్..
ఇటీవల సింగర్ మంగ్లీ పాటిన చిన్నారి కిట్టయ్య పాటకు మంచి ఆదరణ లభించింది. సోషల్ మీడియాలో ఈ పాట దూసుకుపోతుంది. ఈ సినిమా ప్రచార కార్యక్రమాల్లో భాగంగా ఆదివారం (మార్చి 12న) 'అరి ' ట్రైలర్ రిలీజ్ చేసింది చిత్రయూనిట్.
Updated on: Mar 12, 2023 | 11:30 AM
ప్రస్తుతం బాక్సాఫీస్ వద్ద చిన్న చిత్రాల హవా కొనసాగుతుంది. కంటెంట్ బాగుంటే చిన్న సినిమాకు కూడా బ్రహ్మరథం పడుతున్నారు ప్రేక్షకులు. ఇటీవల విడుదలైన బలగం చిత్రం భారీ విజయాన్ని అందుకున్న సంగతి తెలిసిందే. ఇక ఇప్పుడు మరో దర్శకుడు సైతం బాక్సాఫీస్ పై గురి పెట్టినట్లుగా తెలుస్తోంది. ‘పేపర్ బాయ్’ సినిమాతో సూపర్ హిట్ ఖాతాలో వేసుకున్న డైరెక్టర్ జయ శంకర్.. ఇప్పుడు ‘అరి ‘ సినిమాతో థియేటర్లలో సందడి చేసేందుకు సిద్దమయ్యారు. ‘అరి ‘ అనే టైటిల్తోనే ప్రేక్షకుల మనసులలో ఇంట్రెస్ట్ క్రియేట్ చేసి.. ఫస్ట్ లుక్, టీజర్, ప్రమోషనల్ వీడియోలతో ఆసక్తిరేపారు. ఇప్పటికే ఈ మూవీ నుంచి విడుదలైన పాటలకు కూడా మంచి రెస్పాన్స్ వస్తోంది. ఇటీవల సింగర్ మంగ్లీ పాటిన చిన్నారి కిట్టయ్య పాటకు మంచి ఆదరణ లభించింది. సోషల్ మీడియాలో ఈ పాట దూసుకుపోతుంది. ఈ సినిమా ప్రచార కార్యక్రమాల్లో భాగంగా ఆదివారం (మార్చి 12న) ‘అరి ‘ ట్రైలర్ రిలీజ్ చేసింది చిత్రయూనిట్.
అరిషడ్వర్గాలోని కామ.. క్రోధ.. లోభ.. మొహ.. మద.. మాత్సర్యాల చుట్టూ తిరిగే కథ ఇది. మనిషి ఎలా బతకకూడదు అనే అంశాన్ని కొత్త కోణంలో చూపించారు. ‘అరి ‘ షడ్వర్గాలు ఉన్న ఆరుగురు శత్రువులతో ఓ ఎయిర్ హోస్టెస్ ఎలాంటి పోరాటాన్ని సాగించిదనేదే కథ. ప్రతి మనిషిలో దాగిఉండే ‘అరి ‘ షడ్వర్గాలు (కామ, క్రోధ, లోభ, మొహ, మద, మాత్సర్యాలు) కోసం మనిషి ఎంత దిగజారిపోతాడు ? మనిషి పతనానికి ఇవి ఎలా కారణం అవుతాయనేది ఈ చిత్రంలో చూపించారు.
ఈ చిత్రంలో అనసూయ, సాయికుమార్, శ్రీకాంత్ అయ్యర్, శుభలేఖ సుధాకర్, వైవా హర్ష ప్రధాన పాత్రలు పోషించారు. ఆర్వీ రెడ్డి సమర్పణలో ఆర్వీ సినిమాస్ బ్యానర్ పై శేషు మారంరెడ్డి, శ్రీనివాస్ రామిరెడ్డి ఈ సినిమాను నిర్మించారు. మ్యూజిక్ డైరక్టర్ అనూప్ రూబెన్స్ సంగీతం అందించగా.. శివశంకర వరప్రసాద్ సినిమాటోగ్రఫీ అందించారు.
మరిన్ని సినిమా వార్తల కోసం ఇక్కడ క్లిక్ చేయండి.
