Sushmita Sen : తీవ్రమైన గుండెపోటును గెలిచిన హీరోయిన్.. ర్యాంప్ వాక్ చేసి అలరించిన అందమైన తార..

బాలీవుడ్ హీరోయిన్ సుస్మిత సేన్ ఇటీవల తీవ్రమైన గుండెపోటుకు గురైన సంగతి తెలిసిందే. ఈ విషయాన్ని సుస్మిత ఇటీవల సోషల్ మీడియా వేదికగా అనౌన్స్ చేయడంతో అభిమానులు షాకయ్యారు. ఎప్పుడూ ఫిట్ నెస్ పై శ్రద్దచూపుతూ.. వర్కవుట్స్ అంటూ ఫాలోవర్లకు సూచనలు అందించే సుస్మిత ఆకస్మాత్తుగా గుండెపోటుకు గురికావడంతో సినీ ప్రముఖులు, అభిమానులు షాకయ్యారు. తన గుండెలో ప్రధాన ధమని 95 శాతం బ్లాక్ అయ్యిందని.. ఆ కారణంగానే తనకు హార్ట్ అటాక్ వచ్చిందని.. కానీ తనకు స్టంట్ అమర్చేందుకు యాంజియోప్లాస్టీ చేయాల్సి వచ్చిందని ఇటీవల సుష్మిత చెప్పుకొచ్చారు. గుండెపోటు నుంచి కోలుకున్న అనంతరం కొద్ది రోజులు ఇంట్లోనే విశ్రాంతి తీసుకున్న ఆమె.. తాజాగా లాక్మే ఫ్యాషన్ వీక్ X FDC (ఫ్యాషన్ డిజైన్ కౌన్సిల్ ఆఫ్ ఇండియా) ర్యాంప్ వాక్ పై మెరిసింది.

ప్రముఖ డిజైనర్ అనుశ్రీ రెడ్డి డిజైన్ చేసిన అందమైన ఎల్లో లెహంగాను ధరించి లాక్మే ఫ్యాషన్ వీక్ ర్యాంప్ పై వాక్ చేసి అలరించింది. పసుపు రంగు లెహంగాలో చేతిలో బోకే పట్టుకుని చిరునవ్వుతో నడిచి వచ్చింది. ఇందుకు సంబంధించిన వీడియో సోషల్ మీడియాలో వైరలవుతుంది. పూర్తి ఆరోగ్యంగా సుస్మిత కనిపించడంతో అభిమానులు సంతోషం వ్యక్తం చేస్తూ .. ఆమెకు శుభాకాంక్షలు తెలుపుతున్నారు.

సుస్మిత సినిమాల విషయానికి వస్తే.. గత 7 సంవత్సరాలుగా ఆమె వెండితెరపై కనిపించలేదు. కానీ ప్రస్తుత ఓటీటీ ప్లాట్ ఫామ్ లో సందడి చేస్తుంది. ఇటీవల ఆమె ఆర్య వెబ్ సిరీస్ లో నటించింది. రామ్ మాధవని రూపొందించిన ఈ సిరీస్ లో ఆమె కీలకపాత్ర పోషించింది.

View this post on Instagram

A post shared by Viral Bhayani (@viralbhayani)

మరిన్ని సినిమా వార్తల కోసం ఇక్కడ క్లిక్ చేయండి.