Sonal Chauhan: చేసింది చిన్న పాత్రే అయినా ఆదిపురుష్ సినిమా కోసం సోనాల్ చౌహన్ అంత రెమ్యునరేషన్ అందుకుందా.?

సోనాల్ చౌహన్.. ఈ ముద్దుగుమ్మ గురించి ప్రత్యేకంగా చెప్పాల్సిన అవసరం లేదు. ఈ అమ్మడి పేరు తెలియని తెలుగు ప్రేక్షుకులు ఉండరు. రెయిన్ బో అనే సినిమాతో హీరోయిన్ గా తెలుగులోకి అడుగుపెట్టింది. కానీ ఈ సినిమా ఆశించిన స్థాయిలో ఆకట్టుకోలేకపోయింది. కానీ అమ్మడు తన అందంతో ఆకట్టుకుంది. ఈ సినిమా తర్వాత ఏకంగా నటసింహం బాలయ్య సినిమాలో ఛాన్స్ దక్కించుకుంది. బోయపాటి, బాలయ్య కాంబినేషన్ లో వచ్చిన లెజెండ్ సినిమాలో తన అందాలతో ఆకట్టుకుంది ఈ భామ. ఆ తర్వాత పండగ చేసుకో సినిమాలో కూడా తన గ్లామర్ తో కవ్వించింది ఈ కుర్రది. అలాగే బాలకృష్ణ తో మరోసారి డిటెక్టర్ లో నటించింది. చివరిగా తెలుగులో ఎఫ్3, నాగార్జున గోస్ట్ లో నటించింది. ఇక ఈ చిన్నది తాజాగా ప్రభాస్ ఆదిపురుష్ సినిమాలో నటించి మెప్పించింది.

ఓం రౌత్ దర్శకత్వంలో ప్రభాస్ రాముడిగా నటించిన సినిమా ఆదిపురుష్. జూన్ 16న ప్రపంచవ్యాప్తంగా రిలీజ్ అయిన ఈ సినిమా థియేటర్స్ లో దూసుకుపోతోంది. ఇక ఈ సినిమాలో సీతగా కృతిసనన్ నటించగా లంకేశ్ గా సైఫ్ అలీఖాన్ నటించారు. రావణుడి భార్యగా అంటే మండోదరిగా నటించింది సోనాల్.

మండోదరి పాత్రలో సోనాల్ మెప్పించింది. సినిమాలో ఈ అమ్మడు కనిపించింది తక్కువసేపే.. రెండు మూడు సీన్స్ లో మాత్రమే సోనాల్ కనిపిస్తుంది. అయితే ఈ చిన్న పాత్రకోసం భారీగానే అందుకుందట ఈ భామ. ఏకంగా 50 లక్షలు వరకు అందుకుందట సోనాల్. ఇప్పుడు సోషల్ రెమ్యునరేషన్ హాట్ టాపిక్ గా మారింది. చేసింది చిన్న పాత్రే అయినప్పటికీ భారీగానే అందుకుంది ఈ భామ.