Naga Chaitanya: వెంకట్ ప్రభు,నాగ చైతన్య మధ్య చిచ్చు పెట్టిన ఐపీఎల్ మ్యాచ్.. అసలు మ్యాటర్ ఏంటంటే
ఈ కుర్ర హీరో నటిస్తోన్న లేటెస్ట్ మూవీ కస్టడి. తమిళ్ దర్శకుడు వెంకట ప్రభు దర్శకత్వంలో వస్తోన్న ఈ సినిమా పై అభిమానుల్లో భారీ అంచనాలు ఉన్నాయి. ఇప్పటికే విడుదలైన ఈ సినిమా పోస్టర్లు, టీజర్, సాంగ్స్ ప్రేక్షకులను మెప్పించాయి.
Updated on: Apr 21, 2023 | 4:10 PM
ఐపీఎల్ సీజన్ వచ్చేసింది.. ప్రతి ఇంట్లో క్రికెట్ మ్యాచ్ ల సందడి కనిపిస్తోంది. తమ ఫెవరెట్ మ్యాచ్ లను సపోర్ట్ చేస్తూ.. హంగామా చేస్తున్నారు. అలాగే బెట్టింగ్స్ కూడా జోరుగా సాగుతున్నాయి. అయితే ఈ ఐపీఎల్ సీజన్ ను ప్రమోషన్ కు వాడేశారు అక్కినేని యంగ్ హీరో నాగ చైతన్య. ఈ కుర్ర హీరో నటిస్తోన్న లేటెస్ట్ మూవీ కస్టడి. తమిళ్ దర్శకుడు వెంకట ప్రభు దర్శకత్వంలో వస్తోన్న ఈ సినిమా పై అభిమానుల్లో భారీ అంచనాలు ఉన్నాయి. ఇప్పటికే విడుదలైన ఈ సినిమా పోస్టర్లు, టీజర్, సాంగ్స్ ప్రేక్షకులను మెప్పించాయి. అలాగే ఈ సినిమాలో చైతన్య కానిస్టేబుల్ పాత్రలో కనిపించనున్నాడు. అందాల భామ కృతి శెట్టి హీరోయిన్ గా నటిస్తోన్న ఈ మూవీ మే 12న ప్రేక్షకుల ముందుకు రానుంది. తాజాగా ఈ మూవీ ప్రమోషన్ ను వినూత్నంగా ప్లాన్ చేశారు దర్శకుడు వెంకట్ ప్రభు.
నేడు చెన్నై సూపర్ కింగ్స్, సన్ రైజర్స్ హైదరాబాద్ మధ్య చెన్నై లో జరగనుంది. అయితే చైతూ హైదరాబద్ ను సపోర్ట్ చేస్తూ సన్ రైజర్స్ జెర్సీ ధరించి.. వెంకట్ ప్రభు చైన్నై జెర్సీ ధరించి వారి వారి ఫెవరెట్ టీమ్స్ ను సపోర్ట్ చేశారు. దాంతో ఇద్దరి మధ్య మాటల యుద్ధం జరిగింది. చెన్నై గెలుస్తుందని వెంకట్ ప్రభు, హైదరాబాద్ విన్ అవుతుందని చైతు వాగ్వాదానికి దిగారు.
ఇంతలో వారి మధ్యకు కమెడియన్ ప్రేమగీ అమరెన్ వచ్చి ఇద్దరికీ సర్దిచెప్పాడు. ఇది చెన్నై వర్సెస్ హైదరాబాద్ మ్యాచ్ కాదు చెన్నై అండ్ హైదరాబాద్.. ఎందుకంటే మన కస్టడీ సినిమా కూడా తమిళ్, తెలుగు రెండు భాషల్లో రిలీజ్ కానుంది. అని సరదాగా వారి గొడవను ఆపాడు. సరదాగా సాగిన ఈ వీడియో ప్రేక్షకులను ఆకట్టుకుంది.
