Bigg Boss 7 Telugu: రూ.10 లక్షల బ్రీఫ్కేస్.. అయోమయంలో కంటెస్టెంట్స్.. అమర్, ప్రశాంత్ను కుమ్మేశారు..
తాజాగా విడుదలైన ప్రోమోలో మాత్రం అసలు ట్విస్ట్ ఇచ్చాడు. ఉల్టా పుల్టా అన్నట్లుగానే ఒకరోజు ముందుగానే కంటెస్టెంట్స్ ముందుకు రూ. 10 లక్షల బ్రీఫ్ కేస్ పంపించాడు. ప్రతి సీజన్ మాదిరిగానే ఈ సీజన్ కూడా బ్రీఫ్ కేస్ పట్టుకొచ్చాడు. కానీ ఫినాలే రోజు కాకుండా.. ఒకరోజు ముందే కంటెస్టెంట్లకు బంపర్ ఆఫర్ ఇచ్చాడు. దీంతో బ్రీఫ్ కేస్ విషయంలో హౌస్మేట్స్ అయోమయంలో పడినట్లు కనిపిస్తుంది. మరీ తాజాగా విడుదలైన ప్రోమోలో ఏం జరిగిందో చూద్ధాం.
Updated on: Dec 16, 2023 | 5:47 PM
బిగ్బాస్ సీజన్ 7 అంతా ఉల్టా పుల్టానే. రేపు గ్రాండ్ ఫినాలే జరగబోతుంది. ఈ క్రమంలో విన్నర్ ఎవరనేది తెలుసుకోవడానికి అడియన్స్ ఎంతో ఆసక్తిగా వెయిట్ చేస్తున్నారు. అందరూ ఊహించనిట్లుగానే అమర్, శివాజీ, ప్రశాంత్ టైటిల్ ట్రోఫికి అడుగు దూరంలో ఉన్నారు. కానీ వీరి ముగ్గురిలో ఎవరు విజేత అనేది తెలియాలంటే రేపు గ్రాండ్ ఫినాలే వరకు ఎదురుచూడాల్సిందే. అయితే ఇప్పుడు కంటెస్టెంట్లకు ఫన్నీ టాస్కులు ఇస్తూ ఎంటర్టైన్ చేస్తున్నాడు బిగ్బాస్. ఇప్పటివరకు టాస్కులు రీక్రియేట్ చేయించడం.. కామెడీ స్ట్కీట్స్ చేయించడం చూశాం. కానీ తాజాగా విడుదలైన ప్రోమోలో మాత్రం అసలు ట్విస్ట్ ఇచ్చాడు. ఉల్టా పుల్టా అన్నట్లుగానే ఒకరోజు ముందుగానే కంటెస్టెంట్స్ ముందుకు రూ. 10 లక్షల బ్రీఫ్ కేస్ పంపించాడు. ప్రతి సీజన్ మాదిరిగానే ఈ సీజన్ కూడా బ్రీఫ్ కేస్ పట్టుకొచ్చాడు. కానీ ఫినాలే రోజు కాకుండా.. ఒకరోజు ముందే కంటెస్టెంట్లకు బంపర్ ఆఫర్ ఇచ్చాడు. దీంతో బ్రీఫ్ కేస్ విషయంలో హౌస్మేట్స్ అయోమయంలో పడినట్లు కనిపిస్తుంది. మరీ తాజాగా విడుదలైన ప్రోమోలో ఏం జరిగిందో చూద్ధాం.
తాజాగా విడుదలైన ప్రోమోలో.. హెల్పెట్, కళ్లకు గంతలు కట్టుకుని గార్డెన్ ఏరియాలో ఏర్పాటు చేసిన కుర్చీలో కూర్చోవాలి. ఒకరి తర్వాత ఒకరు కుర్చిలో కూర్చున్న వారిని సాఫ్ట్ స్టిక్ తో కొట్టాల్సి ఉంటుంది. ముందుగా అమర్ కుర్చోగా.. అందరూ కలిసి కసి తీర్చుకున్నారు. అంతా కలిసి అమర్ను కుమ్మేశారు. ఇక తర్వాత తనను కొట్టింది శివాజీ అని అమర్ కరెక్ట్ ఆన్సర్ ఇవ్వడంతో తర్వాత శివాజీ కుర్చున్నాడు. కానీ తనను కొట్టింది ఎవరో సులభంగా కనిపెట్టాడు శివాజీ. చివరగా ప్రశాంత్ కూర్చుంటే.. అమర్, శివాజీ గట్టిగానే కొట్టేశారు. అయితే ప్రతిసారి తనను కొట్టింది యావర్ అంటూ అబద్దం చెప్పడంతో ఇంకాస్త ఎక్కువే కొట్టారు. దీంతో నేను ఆడనంటూ కుర్చీలో నుంచి లేచి నిలబడ్డాడు ప్రశాంత్.
ఇక ఆ తర్వాత యాక్టివిటి రూంలో రూ.10 లక్షల బ్రీఫ్ కేస్ పెట్టాడు బిగ్బాస్. మీ ముందు ఉన్న బ్రీఫ్ కేస్ లో రూ.10 లక్షలు ఉన్నాయి. దాన్ని మీరు తీసుకోవాలనుకుంటున్నారా ? అంటూ ఆఫర్ చేశాడు. దీంతో ఒక్కొక్కరు ఆ బ్రీఫ్ కేస్ చేతిలో పట్టుకుని నిల్చున్నారు. చివరలో శివాజీ ఆ బ్రీఫ్ కేసు పట్టుకుని అటు ఇటు నడిచాడు. అయితే ఆ బ్రీఫ్ కేస్ ఎవరు తీసుకోలేదని సమాచారం. ఇప్పటికే గ్రాండ్ ఫినాలే షూట్ స్టార్ట్ కాగా.. అర్జు్న్ అంబటి కాసేపటి క్రితం ఎలిమినేట్ అయినట్లు తెలుస్తోంది.
మరిన్ని సినిమా వార్తల కోసం ఇక్కడ క్లిక్ చేయండి.
