Balakrishna: బాలకృష్ణ, అనిల్ రావిపూడి మూవీ టైటిల్ అదే.. నందమూరి ఫ్యాన్స్కు ఇక పండగే..
NBK108 అనే వర్కింగ్ టైటిల్తో రూపొందుతున్న ఈ సినిమాపై ఇప్పటికే భారీ హైప్ క్రియేట్ అయ్యింది. ఇక గతంలో విడుదలైన బాలయ్య ఫస్ట్ లుక్ పోస్టర్ సినిమాపై అంచనాలను పెంచేసింది. అయితే ఈ ప్రాజెక్ట్ గురించి ఇప్పటికే అనేక వార్తలు సోషల్ మీడియాలో వైరల్ కాగా.. తాజాగా మరో ఇంట్రెస్టింగ్ క్రేజీ అప్డేట్ నెట్టింట చక్కర్లు కొడుతుంది.
Updated on: May 30, 2023 | 3:49 PM
నందమూరి బాలకృష్ణ ప్రస్తుతం డైరెక్టర్ అనిల్ రావిపూడి దర్శకత్వంలో ఓ మూవీ చేస్తున్న సంగతి తెలిసిందే. గత కొద్ది రోజులుగా ఈ మూవీ షూటింగ్ జరుగుతుంది. ఇందులో కాజల్ అగర్వాల్, శ్రీలీల కీలకపాత్రలలో నటిస్తున్నారు. NBK108 అనే వర్కింగ్ టైటిల్తో రూపొందుతున్న ఈ సినిమాపై ఇప్పటికే భారీ హైప్ క్రియేట్ అయ్యింది. ఇక గతంలో విడుదలైన బాలయ్య ఫస్ట్ లుక్ పోస్టర్ సినిమాపై అంచనాలను పెంచేసింది. అయితే ఈ ప్రాజెక్ట్ గురించి ఇప్పటికే అనేక వార్తలు సోషల్ మీడియాలో వైరల్ కాగా.. తాజాగా మరో ఇంట్రెస్టింగ్ క్రేజీ అప్డేట్ నెట్టింట చక్కర్లు కొడుతుంది. అదెంటంటే.. లేటేస్ట్ అప్డేట్ ప్రకారం ఈ సినిమా టైటిల్ ‘భగవత్ కేసరి’ అని ఫిక్స్ చేసినట్లుగా ఫిల్మ్ సర్కిల్లో టాక్ వినిపిస్తుంది. అంతేకాకుండా.. ‘ఐ డోంట్ కేర్’ అనే ట్యాగ్ లైన్ ఉంటుందట. అయితే ఇప్పటివరకు ఈ విషయంపై ఎలాంటి అధికారిక ప్రకటన రాలేదు.
ఈ సినిమాలో బాలీవుడ్ నటుడు అర్జున్ రాంపాల్ కీలకపాత్రలో నటిస్తున్నారు. ఇక ఇందులో బాలయ్య సరికొత్త లుక్ లో కనిపించనున్నారు. కొద్ది రోజులుగా వేగంగా షూటింగ్ జరుపుకుంటున్న ఈ సినిమా విజయ దశమికి రిలీజ్ చేయనున్నారు. ఇక బాలయ్య, అనిల్ రావిపూడి కాంబోలో రాబోతున్న ఈ సినిమా రివెంజ్ డ్రామా అని.. ఇందులో వినోదాన్ని మించి భారీ యాక్షన్ ఉంటుందని టాక్.
ఇదిలా ఉంటే.. బాలయ్య పుట్టినరోజు జూన్ 10న ఈ సినిమా టైటిల్ పోస్టర్ రిలీజ్ చేయనున్నారట. ఇక ఇందులో తొలిసారిగా బాలయ్య సరసన కాజల్ నటిస్తుండగా.. కీలకపాత్రలో శ్రీలీల కనిపించనుంది. భారీ అంచనాల నడుమ తెరకెక్కుతున్న ఈ మూవీ పై ఇప్పటికే భారీగా హైప్ క్రియేట్ అయ్యింది.
