Bhagwant Kesari: బుల్లెట్ బైక్ పై బాలకృష్ణ రైడ్.. ‘భగవంత్ కేసరి’ నుంచి ఫోటో లీక్..

నందమూరి నటసింహం బాలకృష్ణ ప్రధాన పాత్రలో నటిస్తున్న సినిమా భగవంత్ కేసరి. ఈ చిత్రానికి అనిల్ రావిపూడి దర్శకత్వం వహిస్తున్నారు. ఫుల్ మాస్ యాక్షన్ నేపథ్యంలో వస్తోన్న ఈ సినిమా షూటింగ్ శరవేగంగా జరుగుతుంది. భారీ బడ్డెట్‏తో నిర్మిస్తోన్న ఈ సినిమాలో కాజల్ అగర్వాల్ కథానాయికగా నటిస్తుండగా.. యంగ్ హీరోయిన్ శ్రీలీల కీలకపాత్రలో నటిస్తుంది. ఇక ఇప్పటికే విడుదలైన పోస్టర్స్ సినిమాపై భారీ అంచనాలను కలిగించాయి. విజయ దశమి కానుకగా ఈ సినిమాను థియేటర్లలోకి తీసుకురానున్నారు. అలాగే ఇటీవల విడుదలైన టీజర్ హైప్ క్రియేట్ చేయగా.. ఇందులో బాలయ్య లుక్స్, డైలాగ్స్ చూస్తే సినిమా సరికొత్తగా ఉండబోతుందని తెలుస్తోంది. ఇదిలా ఉంటే.. తాజాగా ఈ సినిమా షూటింగ్ సెట్ నుంచి ఓ ఫోటో లీకైంది.

అందులో బాలయ్య మాస్ లుక్ లో బుల్లెట్ బండిపై రైడ్ చేస్తూ ఎవరినో చేజ్ చేస్తున్నట్లుగా కనిపిస్తోంది. అందులో బాలయ్య ఫుల్ మాస్ అండ్ సీరియస్ లుక్‏లో కనిపిస్తున్నారు. ప్రస్తుతం ఈ ఫోటో సోషల్ మీడియాలో వైరలవుతుండగా… నందమూరి ఫ్యాన్స్ ఫుల్ ఖుషి అవుతున్నారు. బాలయ్య సినిమా కోసం అనిల్ రావిపూడి భారీగానే ప్లాన్ చేస్తున్నారంటూ కామెంట్స్ చేస్తున్నారు. ఈ చిత్రానికి తమన్ సంగీతం అందిస్తున్నారు.

Bhagwant Kesari

ఇదిలా ఉంటే.. ఈ సినిమా తర్వాత బాలయ్య.. డైరెక్టర్ బాబీ దర్శకత్వంలో ఓ ప్రాజెక్ట్ చేయబోతున్నారు. భగవంత్ కేసరి అనంతరం తన కొత్త ప్రాజెక్ట్ స్టార్ట్ చేయాలని చూస్తున్నారట. త్వరలోనే ఈ ప్రాజెక్ట్ గురించి అధికారిక ప్రకటన రానుందని తెలుస్తోంది.