పెళ్లికి వేళయింది..! రష్మిక, విజయ్ దేవరకొండ వివాహం ఎప్పుడు , ఎక్కడంటే..

స్టార్ హీరోయిన్ రష్మిక మందన్న, విజయ్ దేవరకొండ ప్రేమలో ఉన్న విషయం తెలిసిందే. ఎప్పటినుంచో వీరి మధ్య సంథింగ్ సంథింగ్ అంటూ వార్తలు వస్తూనే ఉన్నాయి. చాలా సార్లు ఇద్దరూ కలిసి మీడియా కంట పడ్డారు కూడా.. అయితే ఎప్పుడూ రష్మికకానీ , విజయ్ గాని తాము ప్రేమలో ఉన్నట్టు అనౌన్స్ చేయలేదు. ఎట్టకేలకు రీసెంట్ గా ఎంగేజ్మెంట్ చేసుకున్నారు. కొద్దీ మంది సన్నిహితుల మద్యే ఈ వేడుక జరిగింది. ఇక ఇప్పుడు పెళ్లి డేట్ కూడా ఫిక్స్ అయ్యిందని టాక్ వినిపిస్తుంది. వచ్చే ఏడాది వీరి వివాహం గ్రాండ్ గా జరగనుందని తెలుస్తుంది. వీరు డెస్టినేషన్ వెడ్డింగ్ చేసుకోనున్నారని సమాచారం.

కాగా రష్మిక మందన్న, విజయ్ దేవరకొండ వివాహం 2026 ఫిబ్రవరి 26న గ్రాండ్ గా జరగనుందట. ఉదయపూర్ వీరి వివాహానికి వేదిక కానుంది. ఇప్పుడు ఈ వార్త సోషల్ మీడియాలో, ఫిలిం సర్కిల్స్ లో తెగ చక్కర్లు కొడుతుంది. పెళ్లి డేట్ బయటకు రావడంతో విజయ్ అభిమానులు, రష్మిక ఫ్యాన్స్ సంతోషం వ్యక్తం చేస్తున్నారు. కాగా విజయ్ దేవరకొండ , రష్మిక కలిసి గీతగోవిందం అనే సినిమా చేశారు. ఈ సినిమా మంచి విజయాన్ని సాధించింది. రష్మికకు తెలుగులో ఇది రెండో సినిమా.. ఆతర్వాత మరోసారి విజయ్ తో కలిసి డియర్ కామ్రేడ్ అనే సినిమా చేసింది.

ఇక ఇప్పుడు ఎవరి సినిమాలతో వారు బిజీగా ఉన్నారు. రష్మిక పాన్ ఇండియా స్థాయిలో సినిమాలు చేస్తుంది. తెలుగు, తమిళ్ తోపాటు హిందీలోనూ సినిమాలు చేస్తుంది. అలాగే విజయ్ దేవరకొండ ఇటీవలే కింగ్ డమ్ సినిమాతో ప్రేక్షకుల ముందుకు వచ్చాడు. రష్మిక నటించిన గర్ల్ ఫ్రెండ్ సినిమా ఇటీవలే ప్రేక్షకుల ముందుకు వచ్చింది. ఈ సినిమాకు మంచి రెస్పాన్స్ వచ్చింది.

View this post on Instagram

A post shared by Rashmika Mandanna (@rashmika_mandanna)

మరిన్ని సినిమా వార్తల కోసం ఇక్కడ క్లిక్ చేయండి.