Achor Ravi: ఆ ఒక్క కారణంతోనే బిగ్‌బాస్ కు వెళ్లా.. కానీ.. హౌస్ గురించి షాకింగ్ విషయాలు బయటపెట్టిన యాంకర్ రవి

Anchor Ravi

యాంకర్ రవి గురించి ప్రత్యేక పరిచయం అక్కర్లేదు. చాలా ఏళ్లుగా ఇండస్ట్రీలో కొనసాగుతోన్న అతను పలు టీవీ షోలకు యాంకర్ గా వ్యవహరించాడు. పటాస్, ఢీ జూనియర్స్, ఫ్యామిలీ సర్కస్, కిర్రాక్ , అలీ టాకీస్ తదితర టీవీ ప్రోగ్రామ్స్ కు హోస్ట్ గా వ్యవహరించి బుల్లితెర ప్రేక్షకులకు బాగా చేరువయ్యాడు. యాంకర్ రవి కామెడీ పంచులు, ప్రాసలకు చాలా మంది ఫ్యాన్స్ ఉన్నారు. కాగా బుల్లితెర బిగ్గెస్ట్ రియాలిటీ షో బిగ్ బాస్ షోలోనూ పాల్గొన్నాడు యాంకర్ రవి. టీవీ ప్రోగ్రామ్స్ తో బిజీగా ఉన్న సమయంలోనే ఈ రియాలిటీషో లో మెరిశాడు రవి. అయితే ఈ షో వల్ల తన ప్రొఫెషనల్ లైఫ్ లో తనకు ఒరిగిందేమీ లేదంటున్నాడీ స్టార్ యాంకర్. ఇటీవల ఓ ఇంటర్వ్యూకు హాజరైన అతను తన పర్సనల్ అండ్ ప్రొఫెషనల్ లైఫ్ గురించి పలు ఆసక్తికర విషయాలు పంచుకున్నాడు. ఇదే క్రమంలో బిగ్ బాస్ షో గురించి కొన్ని షాకింగ్ విషయాలు బయట పెట్టాడు.

‘బిగ్ బాస్ తెలుగు ప్రారంభమైనప్పటి నుంచి హౌస్ లోకి రావాలని నాకు ఆఫర్లు వస్తూనే ఉన్నాయి. అయితే మొదట్లో నేను ఒప్పుకోలేదు. కానీ ఒకానొక సమయంలో నాకు డబ్బు చాలా అవసరమైంది. అందుకే బిగ్ బాస్ షోకి వెళ్లడానికి అంగీకరించాను. నేను కేవలం డబ్బు కోసమే హౌస్ లోకి వెళ్లాను. అలా వచ్చిన డబ్బుతోనే ఒక ఇల్లు కొనుగోలు చేసి ఇప్పుడు హ్యపీగా ఉన్నాను. ఇక పోతే బిగ్ బాస్ షోలో చూపించేదంతా నిజం కాదు. టీవీలో టెలికాస్ట్ అయ్యేది రోజుకు కేవలం ఒక గంట మాత్రమే.. కానీ అది పూర్తిగా నిజం కాదు. ప్రేక్షకులు చూసేదానికి.. బిగ్ బాస్ హౌస్ లో నిజంగా జరిగే దానికి చాలా తేడా ఉంటుంది’

‘నేను పదేళ్లకు పైగా టీవీ పరిశ్రమలో కొనసాగుతున్నాను. అందుకే కెమెరాల ముందు ఎలా ఉండాలో, ఏం చేయకూడదో నాకు బాగా తెలుసు. కంటెంట్ అవసరమైనప్పుడు నేను కూడా కెమెరా ముందు నాటకీయంగానే ప్రవర్తించేవాడిని. కెమెరాల మధ్య ఉన్నప్పుడు ఎవరైనా ఎంతటి వారైనా నటించాల్సిందే. మేం పూర్తిగా నిజాయితీగా ఉన్నాము అని ఎవరైనా చెబితే నిజం కాదు’ అని రవి చెప్పుకొచ్చాడు. ప్రస్తుతం ఈ స్టార్ యాంకర్ కామెంట్స్ నెట్టింట వైరలవుతున్నాయి.

టీవీ షోలో యాంకర్ రవి..

మరిన్ని సినిమా వార్తల కోసం ఇక్కడ క్లిక్ చేయండి.