Allu Arjun: గణేష్ నిమజ్జనంలో సందడి చేసిన ఐకాన్ స్టార్.. కూతురితో కలిసి అల్లు అర్జున్ డ్యాన్స్..
ప్రస్తుతం ఈ ఊరేగింపుకు సంబంధించిన వీడియోస్, ఫోటోస్ సోషల్ మీడియాలో తెగ వైరల్ అవుతున్నాయి.
Updated on: Sep 05, 2022 | 7:38 PM
ఐకాన్ స్టార్ అల్లు అర్జున్ (Allu Arjun).. ప్రస్తుతం పుష్ప ది రూల్ షూటింగ్ కోసం వెయిట్ చేస్తున్నారు. ఇటీవలే పలు యాడ్స్.. ఫ్యామిలీతో వెకేషన్ అంటూ బిజీ అయిన బన్నీ.. ప్రస్తుతం ఖాళీ సమయాన్ని కుటుంబంతో గడుపుతున్నారు. తాజాగా తన కూతురు అర్హతో కలిసి గణేష్ నిమజ్జనంలో సందడి చేశారు. జూబ్లీహిల్స్లో గీతా ఆర్ట్స్ సంస్థలో నెలకొల్పిన వినాయకుడికి సోమవారం వీడ్కోలు పలికారు. అయితే గణేష్ నిమజ్జనం సందర్భంగా తన కూతురు అర్హతో కలిసి ఆ కార్యక్రమంలో పాల్గోన్నారు. అంతేకాకుండా.. ఇంట్లో అర్హ తయారు చేసిన వినాయక విగ్రహాలను సైతం తీసుకువచ్చారు. ఆ తర్వాత అర్హతో కలిసి స్టెప్పులేశారు. ప్రస్తుతం ఈ ఊరేగింపుకు సంబంధించిన వీడియోస్, ఫోటోస్ సోషల్ మీడియాలో తెగ వైరల్ అవుతున్నాయి.
ఇదిలా ఉంటే.. డైరెక్టర్ సుకుమార్ తెరకెక్కించిన పుష్ప సినిమా బాక్సాఫీస్ వద్ద సంచలనం సృష్టించిన సంగతి తెలిసిందే. ఈ మూవీతో పాన్ ఇండియా లెవల్లో క్రేజ్ సంపాదించుకున్నాడు అల్లు అర్జున్. ఎర్రచందనం స్మగ్లింగ్ నేపథ్యంలో వచ్చిన ఈ సినిమాలో స్మగ్లర్ పుష్పరాజ్ పాత్రలో ఊర మాస్ లుక్కులో కనిపించి అదరగొట్టాడు. ఇక ఇప్పుడు ఈ సినిమాకు సిక్వెల్ పుష్ప ది రూల్ రాబోతుంది. ఇటీవలే పూజా కార్యక్రమాలతో ప్రారంభమైన ఈ మూవీ రెగ్యూలర్ షూటింగ్ త్వరలోనే స్టార్ట్ కానుంది. ఇందులో బన్నీ సరసన రష్మిక మందన్నా నటించగా.. మలయాళ స్టార్ ఫహద్ ఫాజిల్ నటించారు.
ట్విట్..
Icon Star @alluarjun was in a celebratory mood as he bid adieu to Lord Ganesh along with his staff. The actor broke a coconut with his daughter #AlluArha by his side to kickstart the immersion procession. He also encouraged Arha to further take part in the festivities#AlluArjun pic.twitter.com/6TZIUZ62UJ
— Sreedhar Sri (@SreedharSri4u) September 5, 2022
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
